¹ Itie lalu katolu ikamnya aku manyarang kolaie. Harus tege katerangan mula dua atau tolu saksi, maka suatu parkara di parah sah. ² Sahompannya, aku jadi manyalu urang am badosa lalu uras am bukannya. Metuh itie, walau honta barota kolaie, aku manyalu urang samah bera am di karuh ku lalam panatangku am kadua, iyah am jaka aku datang mula, aku honta aku manyayang urang, ³ laie kolai manutut bukti tuntang Kristus, am bapaner ka lalam aku lalu am honta lomah tapi kolai, am bukan bakuasa ka lalamu. ⁴ Sabujurnya, Kristus disalib lalam kalomah, tapi Inya hirup laie kuasa Hatalla. Laie, kami jam lomah ka lalam Inya, tapi kami akan hirup barota-rota laie Iyah lalam kuasa Hatalla tahadap kolaie. ⁵ Ujikan dirimu kaniri lalu maila, apa kolai totap ka lalam imanmu. Pariksa arep mu kaniri! Atau, apa kolai honta mangasene laie Kristus Yesus tege ka lalam mu, kacuali kolai gagal ka lalam ujian. ⁶ Aku baharap kan kolai maingat laie kami bukan urang honta tahan uji. ⁷ Lalu, kami badua kan Hatalla nyaman kami honta mangaruh panyalah, bukan supaya nyaman kami taila tahan uji, tapi nyaman kami mangaruh apa am bujur, maskipun pailanya kami jadi gagal ujian. ⁸ Kami honta tahu mangaruh hal-hal am batontangan lalu kabujur, tapi akan ka bujur. ⁹ Kami rami katika kami lomah lalu kolai kuat. Doa kami iyah am nyaman kolai manjadi sampurna. ¹⁰ Iyah am laie nya, aku manulis hal-hal itie katika aku jauh mula kolae nyaman katika aku datang, aku honta perlu mangunakan nyaman koring, kuasa am Tuhan bori ka aku honi mahuwas, lalu bukan honi maruntuhmu. ¹¹ Pahunjung nya, Kawan-manyari, barami. Bausaha manjadi sampurna, hibur suti kan am bukan, sahati sapikir, lalu hirup lalam damae. Lalu, Hatalla sumber kasih lalu damai sajahtra kan manyertai kolae. ¹² Bori salam suti dengan am bukan laie cium Kudus. ¹³ Uras urang Kudus mangirim salam kan kolae (13-14) Anugerah Tuhan Yesus Kristus, laie kasih Hatalla laie parsakutuan mula Roh Kudus manyertai ikam uras.