¹ Aku tie urang bebas? Aku itie yam rasul? Aku tie jadie mailae Yesus, Tuhan dirie? Ingatmah kolaie tie hasil pangawieku lalam Tuhan? ² Jakae akan urang bukan aku hontae rasul, sahontaenya akutie rasul akan kolaie. Sabab, kolaie yah materai akan ku jadie rasul lalam Tuhan. ³ Itie ku mambelaku areb paharap pamanya am marisa aku. ⁴ Ngapa kamie mayan bagorae hak hona makan maraie? ⁵ Ngapa kamie mayan bagorae hak hona manaing barotae binie am saiman, samah berae rasul-rasul am bukan, kulae-manyarie Tuhan, umkan Kefas? ⁶ Atawa, cumae bayae Barnabas diah aku mayan bagorae hak hona hontae bagawie? ⁷ Sapae am basae mangabdi jadie tantara honie biayanya kanirie? Sapae am batanam kakabun anggur iyah hontae mamuseh buahnya? Atawae, sapae am mahaga maharupie sapie diah hontae maraie susunya? ⁸ Ngapae aku mamaner hal-bera itie manulat kalunen? Bera iyah Hukum Taurat itie mamaner hal-bera iyah am samah? ⁹ Sabab tege tatulis hukum Taurat Musa, "Hinang maransang sapie am metuhnya mairi gandum!" Hontae kali sapie am die ilae Hatalla? ¹⁰ Atawae,ngapa Inyae mamanernya akan dirie? Au, akan dirietiam tege tatulis sabab am mambajak tarus bagawie berae tege am die tantie bebeh jam am mairi tarus mairi samil manatie akan baulih bagiannya. ¹¹ Jakae kamie mahamur bonih rohani santero kolaie, apakah iyah hurau balowih amun kamie nampunan hasilnya mulae kolaie? ¹² Jakae urang bukan tege hak tinggie kolaie, salobihnya kamie lobih bahak mulae? Amun berae iyah, kamie hontae mahonnie hak iyah. Sabalinya, kamie manangung uras sagalae nya kamie hontae morie am mahalang akan Injil Kristus. ¹³ Ngapae kah kolaie mayan panahue bahwa pamanya mangaruh hal-hal am kudus diah, museh pamakan mulae Dangua Hatalla diah? Diah, pamanya am bagawie ka altar baulih bagian mulae kurban parsembahan diah? ¹⁴ Berae iyah,Tuhan nyuruh pamanya am mangabar Injil akan pahirup mulae Injil jam. ¹⁵ Berae itie, aku hontae basae mahonie suti gin mulae hak-hak itie. Mulae, aku hontae manulis hal-hal itie supayae am die karuh berae iyah akan aku. Sabab, lobih baie aku matie darie pada siku urang manama namam aku. ¹⁶ Laie, jakae aku mangabar Injil, aku hontae bogora alasan hona batamam laie kawajiban iyah tege tinggie aku. Takutu aku, jakae aku hontae mangabar Injil. ¹⁷ Jakae aku mangabar Injil laie kahonaku kanirie, aku tege baulih upah. tapie, amun itie bukan kahonaku, itie yam tugas kaparcaya akan aku. ¹⁸ Amun berae iyah, apae upahku? Upahku iyaham katikae aku mangabar Injil, aku tuhue mae mangabar Injil mayan baupah tapie hontae manyalahgunae hakku lalam Injil. ¹⁹ Tapie, walaugin aku lopas mulae banya urang, aku mansaie nirieku kannirie hulun akan pamanya urang supaya aku tahue monang lobih banya mulae. ²⁰ Akan urang Yahudi, aku samah berae urang Yahudi supaya aku ulih monang akan urang Yahudi. Akan urang am hirup mamena Hukum Taurat, aku jadie samah hirup mamena Hukum Taurat (iyahgin aku kanirie hontae mamena Hukum Taurat) supaya aku ulih monang akan pamanya am tege mamena Hukum Taurat. ²¹ Akan pamanya am mayan Hukum Taurat, aku jadie berae mayan Hukum Taurat (hontaenya mayan Hukum Hatalla, tapie mamena Hukum Kristus) supaya aku ulih monang akan pamanya am mayan Hukum Taurat. ²² Akan urang am lomah, aku jadie lomah supaya aku ulih monang akan pamanya am lomah. Aku tie am manjadie saantero kan uras urang supaya sagala cara aku ulih mangalap babarapa urang. ²³ Aku mangaruh uras itie akan Injil supaya aku tahue baulih bagian ka lalamnya. ²⁴ Pa hontae tahue kolaie bahwa pamanya am baguang lalam suti partandingan urasnya baguang, tapie cumae siku am baulih hadiah? Jadie baguangja sabarapae onyae supaya kolaie baulihnya! ²⁵ Satiap urang am batanding malatih arep rene-reneng lalam sagala hal. Pamanya mangaweinya manarimae mahkota am fanae, tapie dirie akan baulih am sapalamanya. ²⁶ Sabab iyah, aku hontae baguang berae mayan tujuannya. Aku honta main tinju berae urang maninju riwut. ²⁷ Tapie, aku malatih tuwuhku bahimat rene-reneng supaya sajadi aku mangabar Injil akan urang bukan, aku kanirie hontae manula nya.