¹ Lai, aku honta hona kolai ingan, kawan manyari, lai hiya umuh diri, urasnya tege ka loba awan urasnya malalu laut. ² Uras urang di babtis lalam Musa, ka lalam awan ka lalam laut. ³ Uras urang mamuseh rohani am samah, ⁴ urasnya marai rohani am samah. Lai, urang marai mula batu rohani am uma urang, Batu iti iyaham Kristus. ⁵ Sakali am bera iyah, Hatalla honta hona kasabagian bakah mula urang. Lai iyah, urang dipati ka padang rima. ⁶ Wayah iti, masalah iti jadi contoh kan diri nyaman diri honta jadi urang am honta bakahona honta bai bera urang bakahona. ⁷ Hinang jadi panyomah berhala bera babarapa mula urang, bera am ditulis,'' Bangsa iyah duru makan, marai, lalu misik hona ngaruh anakoca.'' ⁸ Hinang diri mangaruh babanuk bera am dikaruh babarapa mula urang sampai 23 ribu urang mati lalam saari. ⁹ Diri honta tahu mancuba Tuhan, babarapa mula urang am mancubanya lalu kona pati lai ular. ¹⁰ Hinang kolai ngomel bera urang am ngomel lai dipati lai malaikat maut. ¹¹ Sagala am tajadi ka tingie urang jadi contoh am ditulis jadi paringatan akan diri, lalu akan sapa akhir zaman am akan datang. ¹² Lai iti, biar urang manyangka amun dirinya toguh badiri bajaga nyaman inya honta jatu! ¹³ Mayan ara pancubaan am basa manimpa kacuali pancubaan am biasa akan kalunen. Lalu, Hatalla akan satia, Inya honta akan maubah kolai maharap cubaan malobih kamampuanmu. Tapi barota cubaan iyah, Inya akan manyadia jalan maluar nyaman kolai manangungnya. ¹⁴ Lai iyah, kawan manyariku am takasih, jauhkan kanirimu mula panyomah berhala. ¹⁵ Aku bapaner bera iti kan urang am bijaksana, pikirkan apa am dipanerku. ¹⁶ Tapi cawan berkat am diri sukuri iyaham persekutuan lalam darah Kristus? lalu, bukan roti am diri pocah iyaham persekutuan lalam tubuh Kristus? ¹⁷ lai tege suti roti, maka diri am banya iti suti tubuh; lai diri uras jadi sabagian mula suti roti iyah. ¹⁸ Ilakan urang Israel, bukan urang am museh persembahan mangalap sabagian lalam altar? ¹⁹ Jadi, apa maksudku? Apakah pamakan am persembahan kan berhala iyaham sesuatu? Atau, apakah berhala iyaham sesuatu? ²⁰ Honta, Aku bapaner ka kolai lai bangsa bukan kurbankan, urang magorbankannya kan roh jahat, bukan kan Hatalla. Tapi aku honta hona kolai basakutu kan roh jahat. ²¹ Kolai honta tahu marai cawan Tuhan tapi jam cawan roh jahat. Kolai honta tahu jadi bagian mula jamuan Tuhan lalu jamuan roh jahat. ²² Lalu, apakah diri mahuas kan kamuru Tuhan? Apa diri lobih kuat mula Inya? Hirup Honi Mumuliakan Hatalla ²³ ''Urasnya tahu mah,'' tapi honta urasnya am baguna.''Urasnya am tahu, tapi honta urasnya am misik. ²⁴ Hinang siku mah am mangau kabai kan diri kaniri, tapi kabai kan urang bukan. ²⁵ Makan apa am kona jual ka pasar daging biar honta mamariksanya, demi hati nurani. ²⁶ Lai, bumi dengan uras isinya hompunya ha Tuhan. ²⁷ Amun urang am hompan parcaya marahimu lalu kolai basadia nyaman badari, makan apa am disarungi ka paharapmu tanpa mamariksanya, demi hati nurani. ²⁸ Tapi, amun urang tege bapaner kakolai,'' pamakan iti jadi di persembah ka berhala,'' hinang kolai makan, demi urang am mamarah ka kolai lalu demi hati nurani. ²⁹ Maksudku, bukan demi hati nuranimu kaniri, tapi hati narani urang bukan. Ngapa kebebasan ku kona tentu lai hati nurani urang bukan? ³⁰ Amun aku mangalap bagian mula ucapan syukur, ngapa aku kona salah lai makan am katinginya aku mangucapkan syukur? ³¹ Jadi, apa kolai makan,marai, lalu apa am di karuhmu, karuhkan urasnya honi kamulian Hatalla. ³² Hinang mangaruh urang ta singgung, bai urang Yahudi, urang Yunani, ungkup Hatalla, ³³ bera aku jam lalam sagala hal am manyonangkan uras urang, tanpa mangau kan kauntunganku kaniri, tapi kan kauntungan urang banya nyaman banya urang dapat kasalamatan.