¹ Jadikan urang-urang am manurut contohku, bera aku jam taharap Kristus. Tana Kakuasaan ² Botie tie, aku mamujimu lai kolai mangingatku lalam sagala hal am barigap tradisi-tradisi bera am kumarahkan ka hemu. ³ Amun, aku hona kolai mengerti bahwa Pala satiap kalaki yaham Kristus, Pala labini yaham kalaki, lalu pala Kristus yaham Hatalla. ⁴ Satiap kalaki am badoa lalu barnubuat dengan pala am batutup honta manghormat kapalanya. ⁵ Amun, satiap labini am badoa atau barnubuat dengan kapala am honta batutup, mahina kapalanya, hal iyah samah bera kapalanya dicukur. ⁶ Lai, saurang labini honta manutup kapalanya, nauhnya am inya jam manota uras balaunya. Amun, mamalukan bagi saurang labini manota balau atau manyukur kapalanya, nauhnya am inya manutup kapalanya. ⁷ Kalaki honta tahu manutup kapalanya lai inya yaham gomar kamuliaan Hatalla. Amun, labini yaham kamuliaan kalaki. ⁸ Kalaki honta barasal mula labini, tapi labini barasal mula kalaki. ⁹ Lalu, kalaki honta diciptakan akan labini, tapi labini akan kalaki. ¹⁰ Iyah lainya, labini harus hompu tana kakuasaan ka kapalanya lai kawan malaikat. ¹¹ Amun sakian, lalam Tuhan, honta tege labini tanpa kalaki, atau kalaki-kalaki tanpa labini. ¹² Lai, labini barasal mula kalaki, bera iyah jam kalaki lahir malalu labini. Lalu, sagala sasuatu barasal mula Hatalla. ¹³ Dipikirkan kaniri, apakah pantas bagi saurang labini akan badoa ka Hatalla dengan kapala am honta tatutup? ¹⁴ Bukankah alam kaniri malajar kolai bahwa kalaki hompu balau panyang, hal iyah marupakan kahinaan baginya? ¹⁵ Amun, labini hompu balau panyang, hal iyah yaham kamulian baginya: Lai, balaunya iyah diborikan ka henya sabagai manutup. ¹⁶ Lai tege urang am masih hona malawan, kami honta hompu kabiasaan iyah, sakian jam ungkup Tuhan. Hal-Hal Am Salah lalam Perjamuan Kudus ¹⁷ Lalam mamorikan parintah itie, aku honta mamujimu lai kolai bakumpul bukan akan hal am lobih bai, tapi akan hal am lobih buru. ¹⁸ Am holu, katikan kolai bakumpul sabagai ungkup, aku manongar bahwa tege pocah bolah ka antara kolai. Lalu, aku mamparcayanya sabagai. ¹⁹ Lai, harus tege bocah bolah ka antara kolai supaya urang am tabukti tahan uji manjadi jelas ka antara kolai. ²⁰ Katika kolai bakumpul ka suatu homan am samah, hal iyah bukan akan makan parjamuan Tuhan. ²¹ Lai katika makan, satiap urang mangalap lobih holu makanannya kaniri bera tege am kaporan am bukan nya mabu. ²² Apa kolai honta ara dangau akan makan dengan marai? Atau, apakah kolai mahina ungkup Hatalla lalu mamalukan urang am honta ara apa-apa? Apa am harus kumarahkan ka hemu? Haruskah aku mamujimu? pasti meh honta! ²³ Lai, aku manarima mula Tuhan apa am aku sorahkan ka kolai, bahkan Tuhan Yesus, malam katika Inya dihianat, mangalap wadai, ²⁴ Jadi mangucap syukur, Inya mamocah-mocahkannya lalu bapaner, ''itie tubuh ku, am yaham akanmu; ngaruhkan manjadi paringat akan aku.'' ²⁵ Sakian jam, Inya ngalap cawan jadi makan lalu bapaner, ''cawan yaham Parjanjian baharu am lalam darah-ku. Ngaruh iyah, satiap kali kolai mamarainya manjadi paringat akan aku. '' ²⁶ Lai, satiap kali kolai makan wadai iyah lalu marai cawah iyah, kolai mamarahkan kamatian Tuhan sampai Inya datang. ²⁷ Lai itie, sapa am makan wadai atau marai cawan Tuhan dengan cara am honta layak, inya basalah taharap tubuh darah Tuhan. ²⁸ kalunen harus manguji dirinya kaniri, dengan sakian nauhnya inya makan wadai rang nua marai mula cawan iyah. ²⁹ Lai, urang am makan rang nua minum tanpa mangaku tubuh Tuhan, inya mandatangkan hukuman tingi kanirinya. ³⁰ Iyaham lainya, ngapa banya ka antara kolai am lomah lalu sakit, bahkan cukup banya am maningal. ³¹ Amun, diri manilai diri kami kaniri dengan bujur, diri honta akan dihukum ³² Amun, katika diri dihukum, diri dididik lai Tuhan supaya diri honta dihukum barota-rota dengan dunia. ³³ Jadi, manyariku, katika kolai bakumpul akan makan, saling mananti. ³⁴ Amun tege urang am kaporan, bai inya makan holu ka dangaunya supaya umet kolai bakumpul akan panghakiman. Lalu, hal-hal bukan akan aku atur katika aku datang.