¹ Keken itie, maingat pamori-pamori rohani, Kaban-manyari, aku hontae honae kolai maingatnya. ² Kolai ingat metuh katika kolai hompan manjarie urang-urang am hompan mangasene Hatalla, kolai disosatkan akan imun am bisu, pas kolai dipimpin. ³ Laie iyah, aku mamaner akan kolai nyaman hontae sutie pun, am bapaner laie Roh Hatalla, am bapaner, "Yesus tasumpah," tuntang hontae ara sutie pun am ulih bapaner "Yesus iyah Tuhan," salain laie Roh am Barasih. ⁴ Tege banya pamorie rohani, tapi Rohnya samah. ⁵ Tuntang, tege banya pelayanan, tapie Tuhan_nya samah. ⁶ Tege banya pagawi, tapie Hatalla am samah am mangawi sagala sasuatu ka lalam akan uras urang. ⁷ Akan tiap-tiap urang am di borie bukti Roh akan kabaikan basama. ⁸ Akan am sutie diborie kan paner-paner hikmat mahonie Roh tuntang akan am bukan paner-paner kapintar mulae Roh am samah. ⁹ Akan am bukan diborie iman laie Roh am samah, akan am bukan pamorie-pamorie disangkae laie Roh am sutie iyah. ¹⁰ Akan am bukan diborie tanda pagawie, akan am bukan dikaruh. Akan am bukan diborie kaulih akan mambedakan roh-roh, akan am bukan banya macam bahasa lilah, tuntang am bukan maartikan bahasa-bahasa lilah iyah. ¹¹ Urasnya itie digawie laie Roh am sutie tuntang am samah, am mambagie akan tiap-tiap urang, samakan am inya honae. (Satiap Urang Percaya iyae yah Bagian mulae Tuwuh Kristus) ¹² Samah kan sutie tuwuh, tapie tege banya anggota, tuntang uras anggota tuwuh, walaupun banya, iyae yah sutie tuwuh, bera iyah am Kristus. ¹³ Lalue, laie sutie Roh, dirie uras jarie dibaptis ka lalam sutie tuwuh, baik urang Yahudi tuntangkan urang Yunani, baik pambantu tuntang urang am monang, tuntang dirie jam urasnya diborie kan marai mulae sutie Roh. ¹⁴ Laie tuwuh hontae tadirie mulae sutie anggota, tapie mulae banya anggota. ¹⁵ Amun kaki bapaner, "Laie aku bukan jarie, maka aku bukan bagian mulae tuwuh," hontae bararti inya yah bukan bagian mulae tuwuh. ¹⁶ Lalue, amun poning bapaner,"Laie aku bukan mata, aku bukan anggota tuwuh," hontae bararti inya bukan mulae tuwuh. ¹⁷ Amun saluruh tuwuh yah mata, kamanihkah panongarnya? Amun saluruhnya poning, kamanihkah pansiumnya? ¹⁸ Amun, keken tie Hatalla jarie mangora anggota-anggota iyah, satiap urang mulae urang, ka lalam tuwuh, samahkan am Inya kahona. ¹⁹ Amun urasnya iyah sutie anggota, kamanih tuwuh? ²⁰ Jarie, memang tege banya anggota, tapie baya tege sutie tuwuh. ²¹ Laie iyah, matae hontae ulih bapaner akan jarie,"Aku hontae mamarlukan kolai!" Atau jam, pala akan kaki, "Aku hontae mamarlukan kolai!" ²² Sabaliknya, anggota-anggota tuwuh am taila lobih lomah sabujurnya inya yah am paling diporlukan. ²³ Tuntang, anggota-anggota tuwuh am dirie kurang hormat, malah diborie pahormatan am lobih. Tuntang anggota tuwuh, am dirie anggap kurang baik tampil, malah dikaruh akan lobih baik tampil, ²⁴ laie bagian-bagian am jarie tampil honta perlu am. Tapie, Hatalla jarie maatur tuwuh yah dengan mamorikan kahormatan am lobih bakah akan anggota-anggota am kakurangan, ²⁵ nyaman hontae ara pocah bolah ka lalam tuwuh, nyaman anggota-anggota tuwuh yah ulih maila kan sutie akan am bukan. ²⁶ Amun sutie anggota manderita, uras anggota basamah mansaie kan derita yah. Amun sutie anggota dipuji-puji, uras anggota barami barotanya. ²⁷ Keken tie kolai yah tuwuh Kristus tuntang kolai yah masing-masing anggota-anggotanya. ²⁸ Hatalla jarie mangora ungkup ka lalam nya, pertama iyae yah kawan rasul, kadua kawan nabi, katolu kawan guru, lalue tanda-tanda, pamorie-pamorie am disangkae, panolong, kapamimpinan, tuntang macam-macam bahasa. ²⁹ Apakah urasnya nya tie rasul? Apakah urasnya tie nabi? Apakah urasnya tie guru? Apakah urasnya yah mangaruh tanda? ³⁰ Apakah urasnya tege pamorie sangkae? Apakah urasnya bapaner akan bahasa-bahasa? Apakah urasnya mangarti? ³¹ Amun, kahandakan dengan bujur-bujur akan pamorie-pamorie am paling bakah. Tuntang, aku akan manunyu akan kolai jalan am jauh lobih baik.