¹ Keken itie, malaie hal-hal ditulis ka aku; iyah am baie akan kalakie nyaman honta manyuntue labinie. ² Sabab, laie tege am babanung, satiap kalakie baienya bagora binienya kanirie, bera iyah jam labinie bagora lakienya kanirie. ³ Lakie harus mamonuh haknya ka binienya, bera iyah jam binie ka lakienya. ⁴ Binie honta ba hak ka tuwuhnya kanirie, bera iyah jam lakie honta ba hak ka tuwuhnya kanirie. ⁵ Hinang kolai honta tidur kan kawal hirupmu, kacuali laie pakat nyaman tahu kolai lapang mamori waktumu honi badoa. Limah iyah hirup baumae mula nyaman Iblis honta mangarise kolai pahanoramu lalam mangamuri arep. ⁶ Amun, aku mamaner itie jarie kalungar, honta jarie parentah. ⁷ Aku baharap uras urang bera aku. Tapie, satiap urang bagora kuasanya kaniri mula Hatalla, am siku lalam hal itie, uma kan am bukan lalam hal iyah. ⁸ Ka am honta kawin dengan kawan balue, aku mamaner lobih baie rang bera iyah am samah bera aku. ⁹ Tapie, jaka rang honta ulih mangamuri arep, baienya rang kawin. Sabab, lobih baie kawin mula rang mangaruh gawi am salah dengan honta baie. ¹⁰ Ka am kawin, aku mamori parentah-parentah itie (honta mula aku, tapi mula Tuhan), iyah am binie honta tahu maningal lakienya, ¹¹ (tapie jaka inya talanyur maningal lakienya, inya harus totap honta kawin, atau baulang badamai kan lakienya), uma kan lakie honta tahu mansara binienya. ¹² Ka am salobihnya, aku bapaner(aku, honta Tuhan) laie jaka tege manyari bagora binie am honta yakin dengan labinie iyah hona hirup bauma inya, hinang inya mansara binienya iyah. ¹³ Bera iyah jam jaka siku labinie bagora lakie am honta yakin, dengan kalakie iyah hona hirup bauma inya, hinang inya m aningal lakienya iyah. ¹⁴ Laie lakie am honta percaya iyah barasih laie binienya, dengan binie am honta yakin barasuh laie lakienya. Jaka honta bera iyah, ana-anamu iyah ana kampang. tapi keken itie rang barasih. ¹⁵ Amun, jaka am honta yakin iyah hona bapisah, belainya inya bapisah. Lalam hal bera itie, kalakie kan labinie honta mula takowat. Tapie, Hatalla jadi manimai diri nyaman hirup lalam sanang nyaman. ¹⁶ Laie hei binie, macam apa kolai ingat jaka kolai am manyalamat lakiemu? Atau, macam apa kolai ingat, heii lakie, jaka kolai am manyalamat biniemu? (Totap lalam Bera iyah Katika Ditimai Hatalla) ¹⁷ Jadi, bera am jadi Tuhan totap akan satiap urang, samah bera Hatalla jadi manimai rang siku-siku, totap ja hirup lalam bera iyah. Bera iyah jam aku marentah ka uras ungkup. ¹⁸ Apa tege urang am ditimai katika inya inya jadi disunat?Hinang inya mahila tana-tana sunatnya. Apa tege urang am ditimai katika inya hompan basunat? Hinang am inya disunat. ¹⁹ Sabab, basunat apa hompan basunat, honta penting. amun, am penting kapatuh kan parentah-parentah Hatalla. ²⁰ Satiap urang harus tingal lalam samah bera katika inya ditimai. ²¹ Apa kolai jongos katika ditimai? Hinang kolai gola hal iyah. Amun, jaka kolai jam ulih jari urang am mardeka, lobih baie honi ja kasompatan iyah. ²² Sabab, inya am katika ditimai lalam Tuhan iyah jongos, inya urang am mardeka hompu Tuhan. Bera iyah jam, katika urang am mardeka ditimai, inya yah jongos Kristus. ²³ Kolai ditowus honi roga punah, laie iyah hinang am kolai jadi jongos kalunen. ²⁴ Manyari-manyari, honanya satiap urang totap tingal barota Hatalla, samah bera katika inya ditimai. (Panyalu Akan Urang am Hompan Kawin) ²⁵ Keken itie, kesah urang-urang am hompan basa kawin, aku honta bagora parentah mula Tuhan. Laie aku ti kalunen aku mamori panapatku, laie siha Tuhan, am ulih diyakin. ²⁶ Aku maanggap hal itie baie samah bera keken itie am holin, iyah am lobih baie akan urang totap tingal bera ap aranya. ²⁷ Apa kolai takowat laie binie? hinang am hona sara. Apa kolai hompan takowat laie binie? Hinang am kolai mangau binie. ²⁸ Amun, jaka kolai kawin, kola honta badusa. Tapie, urang am kawin mansai paholin hirup, dengan aku hona kolai tahindar mula hal-hal iyah. ²⁹ Manyari-manyari, maksudku iyah am waktunya ti jadi koci, jadi nampara keken itie, belai am rang am bagora binie, hirup ja saakan rang honta mangoranya, ³⁰ rang am manangis saakan honta manangis, rang am barami saakan honta barami, rang am moli saakan honta mangoranya, ³¹ dengan rang am mahoni hal-hal dunia itie, saakan honta mahoninya,sabab lagunya dunia hona hila. ³² Aku hona kolai lopas mula am kagola. Urang am honta kawin mamikir hal-hal malaie Tuhan, macam apa inya tahu manyanang Tuhan. ³³ Tapie, urang am kawin mamikir hal-hal kadunia itie, macam apa inya tahu manyonang binienya, ³⁴ dengan parhatian tabagi-bagi. labinie am honta kawin dengan kawan labinie bujang kagola hal-hal malaie Tuhan nyaman inya jari barasih, baie tuwuh barota rohnya. Tapie, labinie am kawin mamikir hal-hal dunia itie, macam apa inya tahu manyanang lakienya. ³⁵ Aku mamaner itie akan kolai kaniri,honta kali hona mangora pansu katingi kolai, tapie akan kabaie nyaman pangawimu akan Tuhan honta tadaur. ³⁶ Jaka tege urang am maanggap laie inya jari mangaruh hal am honta pas ka bakal binienya laie bakal binienya jari lalu umurnya dengan bera iyah am saharusnya, belai meh inya mangaruh apa am kahonanya, inya honta badusa; belai meh rang kawin. ³⁷ Amun, inya am jari pas asa lalam hatinya, honta laie kona paksa, bagora kuasa akan kahonanya kanirie,dengan jari mamutus lalam hatinya honta mangawin bakal binienya, maka inya jam mangaruh gawi am baie. ³⁸ Jari, jaka inya mangawin labinie iyah inya jam mangaruh gawi am bujur, tapie jaka inya honta mangawin labinie iyah, pangawienya iyah jam baie. ³⁹ Binie takowat sapalamat lakienya masih hirup.Tapie,jaka lakienya matie, inya bebas kawin mula ka am kahonanya, asal urang iyah lalam Tuhan. ⁴⁰ Tapie, manulat panapat heku, inya akan lobih sanang jaka inya totap bera iyah am, dengan manulat heku, aku jam bagora Roh Hatalla.