¹ Katika salah suti mula kolai masalah dengan am bukan, apa inya barani badari mangau keadilan kapaharap urang am honta bai tapi bukan kapaharap urang Kudus? ² Apa kolai honta ingat bahwa urang Kudus akan mahakimi dunia? Amun dunia dihakim laimu, apa kolai honta layak magadili am amat koni? ³ Apakah kolai honta tahu ingat diri akan magadili para malaikat? Apaligi baya masalah biasa am saari-ari! ⁴ Jadi, amun kolai maharap masalah biasa am bera iyah, ngapa kolai manaingnya ka urang am honta baparhitungan lalam ungkup? ⁵ Aku maner iti nyaman kolai malu. Apa mayan urang am antaramu am pintar, am sangup maurus masalah antara kawan manyarinya? ⁶ Maka, antara manyari dengan manyari badari mangau ka adilan ka paharap urang am honta parcaya! ⁷ Sabujurnya, memang honta jadi kan kolai lai kolai bagora masalah hukum antara kolai. Ngapa kolai honta hona lobih rajin salah? Ngapa kolai honta hona lobih dirugikan? ⁸ sabainya, kolai kaniri am salah lalu rugi. Bahkan, kolai mangaruhnya paharap kawan manyarimu. ⁹ Apa kolai honta ingat urang am honta bujur honta akan mawaris karajaan Hatalla? Hinang sosat! Urang am bapikir honta bai,manyomah barhala, urang am babanuk, banci, homoseksual, ¹⁰ pangolit,urang am serakah, pamabu, pafitnah,lalu panipu,uras urang honta akan mawaris karajaan Hatalla ¹¹ barapa kolai bera iyah. Tapi, kolai jadi barasih, jadi bujur lalam nama Tuhan Yesus Kristus lalam Roh Hatalla diri. Jauhkan Am Babanu ¹² Uras tahu kan aku, tapi honta urasnya am baguna. Memang uras tahu kan aku, tapi aku honta hona jadi budak urang. ¹³ Makan akan porut, lalu porut akan pamakan, tapi Hatalla akan mamati kaduanya. Tubuh bukan honi babanuk, tapi honi Tuhan, lalu Tuhan honi tubuh. ¹⁴ Hatalla mahuas Tuhan tapi jam honi mahuas diri lai kuasa-Nya. ¹⁵ Apa honta tahu ingat tubuhmu iyah am anggota Kristus? Apa kolai akan mangalap anggota Kristus lalu mangaruh urang jadi anggota pelacur? sama sakali honta! ¹⁶ Apa kolai honta tahu ingan urang am magowat kanirinya ka pelacur jadi suti tubuh kan inya? Lai, inya bapaner,'' kaduanya akan jadi suti daging.'' ¹⁷ Tapi, urang am magowat kanirinya akan Tuhan jadi suti roh kan inya. ¹⁸ Jauhkan am babanuk! Satiap dosa bukan urang am mangaruhnya ka luar tubuhnya, tapi urang am babanuk, badosa paharap tubuhnya kaniri. ¹⁹ Apa kolaihonta tahu ingat tubuhmu iyaham bait Roh Kudus, am tege lalam kolai, am kolai tarima mula Hatalla, lai kolai hompumu kaniri? ²⁰ lai, kolai jadi kona towus honi roga am bakah. Lai iyah, malainkan Hatalla mahoni tubuhmu!