¹ Jich'a talik ta Jech' mar ta sk'inal te gadarenoetike. ² Oranax, te k'alal a ko ta barco te Jesuse, t'ul winik te untebil yu'un pukujetik, lok'tel ta mukenal tal ta stojol te Jesuse. ³ Te winike ja snainej te mukenaletike. Mayuk' mach'a ya xju yu'un xchukel a, ni jauk sok cadena. ⁴ Bayal buelta la xchukikix sok cadena. Ja'uk me to yananix stuch'tilay a te cadenae, sok te grilleteetike la xwuytiley. Mayuk'nix mach'a ya xju yu'un sk'omel a. ⁵ Ta k'aal-ajk'bal, ya x'awun ta bay mukenaletik, sok ta witstikil, janix jich' ya sbojtileysba sok ton te ay yee. ⁶ K'alal k'ejelto la yil tal a te Jesuse, tal ta alimal, la skejan sba ta stojol. ⁷ Jich tulan nax a awun: "¿Bistuk te ya ja leotike, Jesús, snich anat te ch'ul muk'ul Diose? Maxa a wuts'inotik. ⁸ Yu'un jich' yak' ta yalbeyel: a te Jesuse: "Lok'an ta yot'an te winike, pukujetik. ⁹ Te Jesuse la sjok'ibey: "¿Bi a biil? Jich la yal: te jbiile ja legion yu'un ts'obolotik." ¹⁰ Te winike la skambey wokol, ché oxeb buelta te manchuk ya xtikunot lok'el ta yan k'inal te pukujetike. ¹¹ Ay ts'obol chitametik yakalik ta weel ta bay nopol wits. ¹² Yu'un la sk'ambeyik wokol, jich' la yalik': "ak'awotik ochel ta yutil te chitametike." ¹³ Jich la yak' beel te Jesuse, te pukujetike lok'ikbel, jich' ochik' ta bay te chitametike, jich almajik beel ta tí wits jich' a ch'ayik' koel ta mar, ay niwan cha' mil (2,000) ta kojt' te chitametik te la sjik'anik te jae. ¹⁴ Te mach'atik yakalik' ta sk'anantayel a te chitametike lok'ikbel ta anel, bajt' scholik ta bay muk'ul lum, sok ta ch'in parajeetik. jich' yu'un bayal ants-winiketik bajt yilik te bila k'ot ta pasele. ¹⁵ Talik' ta ba ay te Jesuse, te k'alal la yilik te winik te uuntebil yu'una te pukuje, nakal k'o staik', slapojix sk'ua sok ya sna'ix k'inala, xiwik yu'un. ¹⁶ Te mach'atik la yilik te bina k'ot ta pasel ta swenta te winik, te uuntebil yu'un a te pukuje; bajt' scholbey yaiy te yantike, te bina ko't ta pasel ta stojol te winike, sok te chitametike. ¹⁷ Jich kaj sk'ambeyik wokol te Jesuse, te yak'uk lok'uk beel ta sk'inalike. ¹⁸ Te k'alal yakix ta muel ta barco a te Jesuse, te winik te uuntebil yu'una te pukuje tal ta stojol te Jesuse, la sk'ambey wokol te yak'uk yak' te ya sjoinbele. ¹⁹ Te Jesuse ma la yak' te ya xjuinotbeel yu'une, jich' la yalbey: "Baan ta na' sok te mach'a ay a wu'une, baan albeya yaiyik te bek la spas ta tojol te ajwalil a wu'une, sok te k'uxteyel la yak'bate. ²⁰ Jich' bait' te winike, kaj spuk bey sk'oplal te bek muk' la yich pasel ta stojol yu'un te Jesús ta bay lum Decápolis, yan nax la yaiyik spisilik. ²¹ Te Jesuse cha' k'ax beel ta jech' mar sok' te barcoe, balinta ants-winik joyinteyot yu'un, tek'el ta tí mar a te Jesuse. ²² Tul winik te ay yat'el ta jwolwanej yu'un te sinagoga te sbiilinoj Jairo, tal k'alal la yil te Jesuse, ch'ay koel ta yakan. ²³ La sk'an bayal wokol ché-oxe buelta, la yalboy: "Te kánsit'nichán te ts'aeltoe lajelix. Ya k'an bat wokol, yakuk xtalat ya a kajabon ai k'ab ta stojol, jich yax xkol sok yax xkuxinq-xi' ²⁴ Jich te Jesuse bajt' sok te winike. Ay stobol ants-winikctik la sts'aklinik beel sok stenten nax sbaik ta sjuyubal. ²⁵ Sok ay tul ants te yich'oj k'ael ch'ich' ayix lajcheb jawil te xchamele. ²⁶ Bayal k'axix swokol ta poxtayel yu'un te jpoxtaywanejetike, sok la slajin spisil te stak'in ay yu'une, ja'uk me to, xujt' ma'yuk banti kol yu'un. Yanyan nax ta bats'ejel. ²⁷ Ja'uk me to la yaibexix stojol sk'oplal te Jesuse. Jich tal ta spat, k'alal yak ta beel'bela ta bay yolilik te ants'winiketike la spikbey te sk'u'e. ²⁸ Yu'un jich yaloj a: "Teme ja'nax ya jpikbey te sk'u'e, tik'ya xkolon a," xi. ²⁹ Te k'alal la spik, jich kom te ch'ich'e jich la yaiy ta sbak'etal te kolemix yu'un te swokole. ³⁰ Ora nax te Jesuse la yaiy sba te lok'bel yu'el ta stojol jich la sut'sba ta stojol te ants-winiketik la sjok'iy: "¿Mach'a la spikbon te jk'u'e?" ³¹ Te jnopojeletik la yalbeyik: "ya awil bit'il ya stenat te ants-winiketike, jich ya ja wal: ¿Mach'a la spikon?" ³² Jich te Jesuse la yil ta sjuyubal, yu'un ya yila te mach'a la spase. ³³ Te antse snaoj te bila k'ot ta pasele, xiw yu'un sok nijk' te antse, sok tal, ch'ay koel ta stojol te Jesuse, jich la yal spisil ta smelelil. ³⁴ Jich la yal: "nichan, te xch'unjel awo'tan la skolteyat. jun awo'tan baan. Kolematix yu'un te awokole. ³⁵ K'alal yak to k'opa. talik te ants-winiketike ta bay snaj te jwolwane yu'un te sinagoga, jich yak yalela: "Te awantsi -nich'ane lajix. ¿Bistuk ya a wuts'inik xan te maestro?- xiik ³⁶ K'alal la yaiy stojol te Jesuse te bila ya kalikta yalele, Jesus la yalbey te jwolwanej yu'un te sinagogae: "Ma me xiwat, ja nax chu'u'na." ³⁷ Te Jesuse mala yak' te ay mach'a ya xjuinot beel yu'une ja nax te Pedro, jacobo sok Juan, te Yijts'in te Jacoboe. ³⁸ Talik ta bay sna te jwolwanej yu'un te sinagogae. Te Jesuse la yil bayal ants-winiketik te yak'ik ta ok'ele te ants-winiketik yakalik ta mel-o'tan sok xch'inch'onik nax ta ok'el. ³⁹ K'alal och beel te Jesuse ta bay naj, jich la yalbey: "¿Bistuk te yakatik ta mel-o'tan sok te ya k'atik ta ok'ele? Te ach'ixe ma ba lajem. Wayal nax-xi . ⁴⁰ La stse'luyik te Jesuse. Ja'uk me to te Jesuse la stikun lok'el spisil. Ja nax la yik'bey ochel te sme'-stat te achi'xe sok te mach'atik sjoinoje, bajt'ik ta bay waebal ta bay ay te achi'xe ⁴¹ La stsakbey te sk'abe sok la yalbey: "Talita cumi" te ya sk'an yal "Ch'in ach'ix ya k'albat, ja ch'antel." ⁴² Ora nax te ach'ixe jach'tel, kaj ta beel, )Ay lajchayeb ja' wila te ach'ixe=. Spisilik ma k'opojik jchajp nax la yilik a. ⁴³ Te Jesuse tulan mantal la yal te ma me ayuk much'a ya yalbey yaiyik, sok la yalbey te ya yak'beyik swe'el te ach'i.