¹ Lok beel le a te Jesuse, bajt' ta slumal te jnopojeletik yu' une ts'aklinot beel yu'un. ² K'alal la sta te sk'alel ich' lewa te Jesuse p'ijubteswan ta bay sinagoga. Bayal mach'atik la yaikbeyik stojol te sk'ope, sok yan nax la yaisbaik yu'un. Jich la yalik: "¿Banti la snop tel spisil in to, te sp'ijil te ak'bile? ¿Sok bit'il ya yut spas sok sk'ab ja i jch'ajb at'eletik to? ³ ¿Ma bal ja'uk te jkarpintero, te yal te Maria, sok ja yijts'nab te Jacobo (Santiagoe), te Joseje, te Judase sok te Simone? ¿Ma bal jauk sjoy ta altayel uuk te antsetik te sjoinojotike? Jich bolob yot'anik ta stojol te Jesuse. ⁴ Te Jesuse jich la yaltilebey: Ta bayuk ya x'ich'ot ta muk' te jtul j'alwaneje; ja nax ma x'ich'ot ta muk yu'un te slumale. ⁵ Jich' ma la stak' spas tulan jchajp at'eletik le a, ja nax la skajambey sk'ab cha'oxtul chameletik, sok la xpoxtey. ⁶ Bayal aan yot'an yu'un te bit'il mayuk xch'uunjel yot'anike. Te Jesuse la yoklin te ch'in sparajeetik, bijub'teswan le a. ⁷ Te Jesuse la yik' tel te lajchetul jnopojeletike, che' cheb jach' stikum beel; sok la yak'bey beel tulan yat ta stojol te jpukujetike. ⁸ La xch'olbey sk'oplal yaiy te manchuk ayuk bi yich'ik beel ta swenta te jnat'il beel xbajt'ike, janax me a wich'ik beel te ja nabteike: ma me stak la yich'ik beel swajik, ni xchojak'ik, sok ni stak'inik ta xchujk'ilik. ⁹ Ak'a me slapik beel te xanabike, sok ma me yich'ik beel sjel k'uik'. ¹⁰ Sok la yalbey yaiyik: K'alal yax och'atik ta jun naj jilanin me lea, ja' to me te k'alal la awijk' tayik te pam-lume. ¹¹ Teme ay pam-lum te ma sk'an yik'exe. Sok teme ma sk'an yaiyik stojole, lok'anik me beel le a, tijt'ana jilel te stanul awakanike, ja' me señail te bit'il ma la yik'exe. ¹² Jich' lokík beel ta xcholel ta stojol te ants-winiketike, te jichuk ya sujt'es yot'anik yu'un a te smulike. ¹³ Sok la stenik lok'el bayal pukujetik, sok la smalbeyik aceite ta stojolik jich bayal chameletik a kol. ¹⁴ Te ajwalil Herodes la yaiy stojol melel jpuk'emix sk'oplal a te Jesuse. Cha'-oxtul yakalik yalel: "Te Juan ak' ich'-ja' janiwan cha'jkuxtel ta ailmeletik, ja yu'un in to te ayix yuel ta spasel chajb' at'eletik to. ¹⁵ Ay yantik la yalik: "Ja' niwan te alwanej Eliase sok ay yantik la yalik: "Ja alwanej to, ja pajal sok te alwanejetik ta namey k'inale." ¹⁶ Te k'alal ka yaik stojol te Herodes ja i ayej to la yal: te Juan, te la jk'okbey sjole, cha' kux tel ta bay ailmeletik. ¹⁷ Melel te Herodese janix la stikun ta tsakel Juane sok la xchuk' ta kadena ta bay te chukjibale, ta skaj te Herodiase (te yinam yijts'in Felipee), melel te Herodese ja yik'oj yinamin a te yinam yijts'ine. ¹⁸ Jich yu'un te Juane la yalbey te Herodese: "Ma lek'uk te awik'oj awinamin te yinam awijts'ine. ¹⁹ Te Herodiase la skontroin te Juane, yot'anuk sk'an smil, ja'uk me to ma la stak'. ²⁰ Ja' uk meto te Herodese xi'o te Juane, yu'un sna'oj stojol te toj ta winikile, sok te ch'uultesbil yu'un te Diose, ja yu'un la yak' ta kanantayel jich yu'un ma yich' milel. K'alal ya yaiybeistojol te ya chol sk'op Dios te Juane, yax ilin yu'un te bex ya yale, ja'uk meto ya smulan yaiy stojol. ²¹ La sta llorail te k'ot ta pasel te bila snopoj ta yot'an te Herodiase: K'alal lok yawilal te Herodes, la stsob ta we'el-uch'ajel spisil te sjo'tak ta ajwalile, sok te komandanteetike, sok spisilik te mach'atik ich'bilik ta muk' ta bay sk'inal te Galilea. ²² Te yantsi nich'an te Herodíase tal, jich och ta ajk'ot ta stojolik, te Herodese, sok te yulae la smulanik te bit'il ajk' taj te ach'ixe, ta bay yakalik ta we'el-uch'ajele. te ach'ixe: K'ambon te bila ya a k'ane jo'on me ya jk'abat. ²³ La yak bey sk'op te ach'ixe, jich, la yal: Chikan te bila ya ak'ambone, ya me jk'akbat manch'uk te me ja' ya ak'ambon oliluk te lum-k'inal wentainoje. ²⁴ Lok' beel te ach'ixe. Ba yalbey te sme'e: "¿Bila yaj k'ambey? Te sme'e jich la yal: "Ja xa k'ambey sjol te Juan a''k-ich'ja'. ²⁵ Te ach'ixe ora nax och' beel ta alimal ta ba ay te ajwalile, sok la sk'ambey: yaj k'an te ya a wak' bon ta ora nax ta set's te sjol te Juan a'k-ich'ja'." ²⁶ Te ajwalile bayal la smel yot'an yu'un, ja' uk' meto ta skaj te la yak te sk'ope sok ta swenta te yulae, ma ju' yu'un stuch'el te bek yaloj bey a te ach'ixe. ²⁷ Jich yu'un te ajwalile la stik'un beel jtul soldado te ja' yat'el skanantayel te ajwalile, la yalbey mantal te yak'uk yich' betel sjol te Juane. Te soldadoe bajt' te bay chukjibale, la sk'okbey te sjole. ²⁸ La spajch'anbey tel ta sets' te sjole, la yak'bey te ach'ixe. The ach'ixe ba yak' bey te sme'e. ²⁹ K'alal la yaiyik stojol te nopojeletik yu'un te Juane talik ta ts'akik beel te sbak'etale sok ba smukbeyik jilel. ³⁰ Te jnopojeletik la stsob sbaik ta sjuyobal te Jesuse, la yalbeyik spisil te bek la spasik sok te bek la yak'ik ta nopele. ³¹ Jich la yaltilebey: K'ejabaik beel ta bay jochol te k'inale, ba jkuxa ja wot'anik jtebuk: Yu'un xtal-xbat nax te ants-winiketike, ja yu'un ma la stak' jkux yot'anik sok mala stak' xwe'ikixa. ³² Jaik me to nat' bajt'ik ta barco ta bay jochol te k'inale, stukeliknax. ³³ Ja' uk me to, tsobol mach'atik la yilik te bajt'ik sok te Jesuse, la yich'ik snabelsba. Te ants-winiketik ts'ob nax a al majik beel ta yakanik, ta bayuk lumetik jich' ja' neel a k'otik. ³⁴ K'alal k'otik ta bay stiil te mare, te Jesuse la yil stobol nax te ants-winiketik lea, la sna' bey yo'bolil sbaik, yu'un jich k'oemik la yil te bit'il chijetik te mayuk jkanantaywanej yu'unike. Ja yu'un te kaj ta noj beswanej bayal bila la yak' bey snopic.. ³⁵ K'alal malixa te k'ale, te jnopojeletik talik ta stojol, jich la yalbeyik: "Jai to jochol te k'inale sok malix te k'ale. ³⁶ Tikunaix beel te ants-winike ja yu'un ya stak xbajy'ik ta banti ay te ch'in pamal lum te nopol aye, sok te ba ay te ch'in naetike." ³⁷ Jich la sut, la yalbey: "Ak'beya swe'elik te ja' exe." -Xi". la yalik: "¿Ya bal stak' te yax botix, sok ya mantik pan sok a te lajunwinik (200) denario-tak'ine, sok te ya jk'akbeytik sweelike? ³⁸ Jich la yalbey: "¿jayeb pejch pan ay ja wuunik?, ban ilawilik-xi. "te k'alal la snaik stojol, jich la yalbeyik: "Ay jo' pejch' pan sok cha' kojt' chay-xiik. ³⁹ Jich la spas ta mantal te ants-wineketike te yak'uk snajk'ajik ta stojboltsjo ta bay te yax akiltike. ⁴⁰ Jich jo' jo'winik (100) la snajk'an sbaik sok ay yantik te la snajk'an sbaik lajlajuneb yoxwinik (50). ⁴¹ Te k'alal la ts'ak te jo' pejch pan sok te cha' kojt chaye, la stoy moel sit ta ch'ulchan. La yalbey wokol Dios yu'un, sok la xet' te pane. La yak'bey te jnopojeletike, ja' yu'un te ya yak'beyik te ants-winik te tsobol ta sitike. Te ch'a kojt' chayetike la spukbeybaik ta spisilik. ⁴² Spisil a we'ik ja' to chikan noj te xch'ujt'ike. ⁴³ Te jnopojeletik la st'obik te sobrail pane, lajchayeb moch noj yu'unik sok spisil sobrail te chaye. ⁴⁴ Ay jo'mil (5000) ta jtul winik te mach'atik la sweik te panetike. ⁴⁵ Ora nax la yalbey te jnopojeletik te ya k'uk neelajik k'axel ta jech' ja' ta bay lum Betsaida, te k'alal yak to stikunelbel te ants-winiketike. ⁴⁶ Te k'alal bajt, mo beel ta bay wits ta sk'oponel Dios te Jesuse. ⁴⁷ K'alal och te ajk'ubale, te barcoe olil mar ayix a yan te Jesuse ay to ta lum k'inal stukel a. ⁴⁸ La yil te ay swokolik ta stijel beel te barkoe, yu'un yak ta tenel sujt'el yu'un te ik'e. Xcham kumulix yochela te ak'ubale tal te Jesuse ta stojolik, yaktel ta beel ta sba te mare, toj nax k'an k'axuk beel yilel. ⁴⁹ Te k'alal la yilik te yak ta beel ta sba te mare, la skuyik ta ch'ulelal sok awunik yu'un. Spisil la yilik sok bayal xiwik yu'un. ⁵⁰ Ora nax la yich'ik k'opnel, jich la yalbey: "¡Ak'a stulanil awo'tanik !jo'on! Ma me xiwex-la yut. ⁵¹ Mo beel sjuin ta barko te jnopojeletike, lamaj ta ora te ik'e, Mero jchajb nax k'inal la yayik yu'un. ⁵² Yu'un ma ba k'oem ta wot'anik te bit'il ay sk'oplal te kaxlan waje, yu'un ma xk'ot ta sjolik ora nax. ⁵³ Te k'alal k'axikix beel ta jech' mar talik ta lum yu'un Genesaret, la xchukik jilel te sbarcoik ta bay sti'il te mare. ⁵⁴ K'alal lok'ik tel ta bay barko, te ants-winiketike ora nax na' bot sba te Jesuse. ⁵⁵ Te ants-winik almajik beel ta yolil te lume. Jach'ik ta yik' eltel te chameletike ta kajkante' chikanax te banti la yaiyik stojol te yax k'ot a te Jesuse. ⁵⁶ Chikan banti och te Jesuse ta ch'in lumetik sok ta muk'ul lumetik sok ta bay parakjeetik, la yak'ik a te chameletike te bay chiwichetik, la sk'anik wokol te yakuk spikbeyik sti'il te sk'u'e, te jayeb la spikbeyik kolik ta chamel.