¹ Ta yan buelta jajch' ta b'ijubteswanej te Jesuse ta bay jnopol stiil ja' la tsob sbaik tel ta stojol balinta ants-winiketik, jich mobel ta barco, najk'a Spisil te ants-winiketik ayik ta bay ti mar. ² Ay bayal bila la yak'bey snopik ta swenta seña-k'op. Jich' la yal ta b'ijubteswanej. ³ "Aya wayik stojol, te ts'ubajel winik lok'beel ta ts'unbajel. ⁴ K'alal yak ta ts'unbajel, cha'oxbij cha'y koel ta be, jich talik te te'eltik mute tike jich la sbi k'ikbel. ⁵ Jich yantik awlil ch'ay koel ta bay chentikal te mayuk lek te. Slumile ora nax yax lok'tel ta skaj te ma najt'uk slumile. ⁶ Te k'alal lok'tel te ka'ale, kaj'ik ta k'ajk'el yu'un skaj te mayuk yisime, jich takejik. ⁷ Jich yantik ajwlil ch'ay ko'el ta bay ch'ixtikil te ch'ixtikile ch'itel la yich tenel yu'un. ⁸ Jich te awlil ma la yak' sit yantik ajwlil koel ta lekil lum, jich la yak' sit stukel te k'alal lok'tel sok te k'alal ch'ie ja' te awliletike la yak' bayal sit, ay la' yak' lajuneb xcha'winik (30) sok oxwinik (60) sok jo'winik (100) te bek la yich awele. ⁹ "Jich la yal: Te mach'a ay xchikine ak'a me yaiy stojol ta lek-xi'." ¹⁰ K'alal stukela te Jesuse, Te mach'atik nopol ayik ta stojol sok te lajcheytule la sjojk'ibeyik swentail te seña-k'op tela yale. ¹¹ Jich la yal: "Te ja'exe, Dios la yak'beyex ja naik stojol te bila mukbile yu'un te ajwalinel yu'un te Diose, yan stukel te mach'atik ayik ta amak' ja' ya x'albotik ta swenta seña-k'op. ¹² Ja swentail te kalal ya yilik, jayebuk te ya yilik, sok max yilik, sok te k'alal ya yaiyik stojole, jayebuk ya yaiyik stojol te me ma xk'ot ta yot'anike, jich yu'un te me la sut yot'anike, jich me ya spasbot perdón yu'un te Diose. ¹³ Jich la yal: "¿Te ja'atike ma xk'ot ta wot'anik te seña-k'ope? ¿Bit'il ya xk'ot ta awo'tanik yantik seña-k'op jiche? ¹⁴ Ts'umbajel winik la sts'un te sk'op Diose. ¹⁵ Cha oxbij te-cha'yik k'oel ta bay te bee, te benti la yich' sts'unel te skop Diose k'alal la yayik stojol, ora nax té pukuje ya xtal ya xk'ejbot beel te sk'op te ts'umbilix ta' stojolik. ¹⁶ Cha oxbij te ts'umbilik ta bay ch'entikal te jaik te macha tik ya yayik stojol te k'ope, ora nax xbinub yo'tanik la yaiyik. ¹⁷ Ja'uk meto mayuk yisim ta stojolik, jich ma xjalajik, jich yu'un k'alal yax tal te k'op ayejetike sok nuts'el yu'un te sk'op te Diose, ya xch'ay xch'uunjel yo'tanik. ¹⁸ Ay yantik te st'umbilik ta ch'ixtikal. Ja'into ya yayik stojol te k'ope, ¹⁹ Ja'uk me to ja'xbat ta yo'tanik sna'elte bitik swenta te balumilale sok te loliyel yu'un te k'ulejale. Bik'etnax yo'tanik yu'un spisil bila ay ta k'inal jich tenbil ya xk'ot te sk'op Dios te ay ta yo'tanik jich ma sitinixa. ²⁰ Te awlil te k'ot ta lekil lume jaik te mach'atik ya yayik te sk'op Diose sok te ya ya'k ta yo'tanike. Ay ya sitin lajuneb xcha'winik(30), oxwinik (60) sok jo'winik (100) xi te Jesuse. ²¹ Te Jesuse la yaltilebey: ¿Te k'alal ya a tsum kantela a wil ta yutil na' ya bal ja nak' ta yanil moch o ta yanil waebal? Te jaatike ya a tsakiktel sok ya tuch'anik ta stuchtajib. ²² Melel mayuk bi ay ta nak'el, te bila muken ma xyich' chiknantesele. Sok te bila muken aye, ya me xch'ikna ta jamal. ²³ "Te mach'a ay xchikine ak'a me yaiy stojol ta lek". ²⁴ Jich la yaltilebey: Ch'ama lek, a wayik stojol te k'ope, te jich yipal ya ja biseke jich nix me yipal ya sb'isbotex, k'axtome xan yax ak'botexa. ²⁵ Melel te mach'a ay bila yich'oje, ya x'akbot xan sjoy, yan te mach'a mayuk bila yich'oje, ya xpoj bot te bila yich'oje. ²⁶ La yal te Jesuse: te ajwalinel yu'un te Diose, jich' k'oem te bit'il jtul winik te ya st'sun awlil ta lumk'inale. ²⁷ Ya xway ta ak'ubal, sok ya xjach' ta sakubel k'inal, in te awlile ya xjach' ta lok'el tel sok ta ch'iel manch'uk ma sna te bit'il yak ta ch'iele. ²⁸ Te lumk'inal ja nix ya yak' te ya sitine. Neel ya xpul te yabenale, patil ya xchiknaj te bantil yak' site, sok k'unk'un ya xyijub te site. ²⁹ Te k'alal yijubenixa a te site oranax te winike ya xjach' set' ta machit, yu'un k'otix yorail te k'ajoje. ³⁰ Te Jesuse la yal: "¿Biti yaj xukuntik manbeytik te ajwalinel yu'un te Diose, sok bek seña-k'op ya stak' tu'untestik, yu'una te ya jcholbetik sk'oplale? ³¹ Ja pajal k'oem sok te sbak' mostaza, te k'alal ya yich' st'unel ta lum-k'inal te sbak'e ja ch'i xut'ikal xan a te yantik sbak' awlil te ya yich' ts'unel ta lum-k'inal. ³² Te k'alal ya yich ts'unele, ya xchi, sok muk'ya xc'ot; k'ax muk xan a te yantik awalts'unubiletike, muk'iknax ya xpultel te yabenale, te teeltik mutetike ya xju spas pechechik ta yaxinal. ³³ Bayal xan seña-k'op in bit'il to te la sk'opona a te ants-winiketike, ts'obol te mach'atik la ch'am yaiyik stojole. ³⁴ Te Jesuse mayuk ba jich nax a k'opoj ta stojolik, puersa la stuuntes seña-kop. Yan te me stukelika ya me scholbey yaiy stukel te jnopojeletik yu'une. ³⁵ Te k'alal ochix a te ajk'ubale, la yalbey te Jesuse: "kunik ta jech mar." ³⁶ Jich la yijk'tayik jilel te balinta ants-winiketike, la yik'ikbeel te Jesuse melel moemix ta barcoa te Jesuse. Sok ay yantik barco a te juinbil yu'unike. ³⁷ Tal balinta chawukil ja'al, sok nax yik'al, te yip sbul te mare, mal ochel ta yutil te barcoe, nojelix ta ja' a te barcoe. ³⁸ Te Jesuse yak'oj sts'anjol ta wayel ta bay yit barco. Te jnopojeletik la stijik jach'el jich la yalbeyik: ¿Maestro yu'un bal ma'yuk sk'oplal ta wot'an te bit'il ya xlajotik? ³⁹ Te Jesuse jach', la skom te ik'e sok la yalbey te mare: "lamajan". Jich a kom te ik'e, lamal nax k'inal k'ot yu'un. ⁴⁰ Te Jesuse la sk'opon te jnopojeletike: "¿Bistuk te xiwatike? ¿Yu'unbal mayuk xch'unjel ja wot'anik? ⁴¹ Bayal xiw yot'anik yu'un ta spisilik, sok la yalbey sbaik: "¿Mach'a junuk a to, te ya xch'uunbot smantal yu'un te ik' sok te mare?