¹ Ta ora to, ay tul winik ta banti lum Cesarea, Cornelio te sbi'ile, ja tul wolwanej te ya stsob te soldadoetik te italiano sbi'ile. ² Ja tul winik te ja baem ta yot'an sle'el te Diose, te ya yich' ta muk' te Diose sok spisil te mach'a ayik ta yutil snae: ya yak' bey bayal tak'in ta stojol te lum Judioetike sok spisil ora yak ta sk'oponel te Diose. ³ Ay niwan oxeb ora k'aal a la yil ta sjamalil ta jun sna' jibal jtul ch'ul abat yu'un te Diose te tal ta stojole. Te ch'ul abate jich la yalbey: ''¡Cornelio!'' ⁴ Te Cornelioe la sk'eluy te ch'ul abate sok ay ta bayal xiwela jich la yal: ''¿Belukaa kajwal?'' te ch'ul abate la yalbey: ''Te sk'oponel Dios awu'une sok te majt'anil tak'in te la awak'bey te mebajetike moix bael jich bit'il majt'anil te ay sna'jibal ta stojol te banti ay te kajwaltike.'' ⁵ Ta ora to, tikuna bael winiketik ta bay lum Jope swenta yu'un me ya awiliktel tul winik te Simón sbi'ile, ja te Pedro ya yich' albeyele. ⁶ Ja' yak ta jilel sok tul winik te ya sk'ates nujk'uletik te Simon sbi'ile, te snae ay ta nopol ti' mar.'' ⁷ Te ch'ul abat te k'opoj soke bajt', te Cornelioe la yik'tel cheb abatetik yu'un, sok tul soldado te yich'oj ta muk' te Diose. ⁸ Te Cornelioe la xcholbey ya'iy ta spisil te beluk k'oem ta pasele sok la stikun bael ta banti Jope. ⁹ Ta ora to, ta yan k'aalil, nopolix olil k'aala, te k'alal yakalik bael ta be'el, sok te noptsajikix bael te banti te lume, te Pedroe moj bael ta xcha' kajal na' ta sk'oponel te Diose. ¹⁰ Jich yu'un la ya'iy winal sok yot'anuk nax te ay bina slajine, te k'alal yakalik ta xchajp'anel we'lil a te ants winiketike, la yich' ak'bel sna' stojol; ¹¹ la yil te jamal te ch'ulchane jich yilel te bit'il jun muk'ul sabana te yak tel ta koel ta k'alal balumilal, te yak ta koeseltel ta xchanebal xchikin. ¹² Ta bay sabana ay spisil ta chajp' chambalametik te chaneb to yakanike sok te beluk ya stas baik ta lume sok te jamal mutetik. ¹³ Jich yu'un ay jun k'opil te k'oponote: ''Pedro jajch'an, milaj sok lajinaj.'' ¹⁴ Jich la yal te Pedroe: ''jo'o, kajwal, melel mayuk ba lajinoj ni' xujt'uk te beluk ma lekuk sk'oplale sok te beluk ila biy sbae.'' ¹⁵ Te k'opile, k'oponotxan ta xchebal buelta: ''Te beluk lekubenix yu'un te Diose, ma xa awalbey te ma lekuk sk'oplale.'' ¹⁶ Oxeb buelta te jich k'ot ta paseltoe sujt' moel ta ora ta ch'ulchan. ¹⁷ Ta ora to, k'alal te pedro te mero ch'ayem nax k'inal yaiy yu'un te beluk me ya sk'an yal te beluk la yich' akbeyel snajstojole, la sk'eluy yil te winikwtik te tikun biliktel yu'un te Cornelioe tek'atik ta ti nail, ta patil te k'alal yak'obeyik tel yipal te ya xk'otik te banti ay te nae. ¹⁸ Jich la sk'oponik sok la stjok'eyik teme ja' te Simon te Pedro ya yalbeyike, sok teme le' yak ta jilelae ¹⁹ Te k'alal yak to ta snopel a te pedro yu'un te beluk la yich' akibeyel sna' stojole, te ch'ul espiritue la yalbey: '' ilawil, ay ox-jtul winiketik ya sleat. ²⁰ Jajch'an sok koan bael sok ba'an sok. Ma me xche'baj ta awot'an te ya xba'at' soke, melel jo'on la jtikuntel ²¹ Jich yu'un, te pedroe kojbael te banti ay te winiketike sok la yal: '' Jo'on te mach'a yak ta a le'elike. ¿ Bistu'uk te talatike''. ²² Jich la yalik: '' ay tul wolwanej te Cornelio sbi'ile, ja tul winik te toje sok te ja tich'oj ta muk' te Diose, sok te lek sk'oplal yu'unik ta bantita spamal judioetik, la yich'albeyel yu'un jtyul ch'ul abat yu'un te Diose swenta ya stikunat ta ik'el, swenta yu'un ya la xba'at ta san, sok jich me ya stak'yaiystojol te beluk te ya awale. ²³ Jich yu'un te Pedroe la yalbey te yakuk x-ochikbaele sok te yak'uk xtilsoke. Ta yan k'alil te Pedroe jajch' sok bajt' sok te winiketike sok cha'oxtul yermanotak ta jope te joinot baele. ²⁴ Ta yan k'alil, k'otik ta Cesarea. Te Cornelioe yak ta smaliyela aistsoboj spisil te mach'a junax aysoke sok te ay nopatik te mach'a k'ux ya yaysbasoke ²⁵ Sok jich k'ot ta pasel te k'alal och bael te Pedroe, te Cornelioe la sta sbasok, la skejansba sok la stinansba koel ta bay yakan swenta ya yich' ta muk'. ²⁶ Jauk meto te Pedro la skoltay te 'yakuk xach sba moele la yal: '' JAJCH'AN; TE JO'ONUKE WINIKONUK''. ²⁷ Yak to ta k'op sok-a te Pedro, te och bael sok la sta bayal ants-winik te stsobojsba'ike. ²⁸ Jich la yalbey: ''ja'utik ja na'ojik stojol te me lekuk ta ilel te ya sjokin sba,ya sta sba ta ilel te judietik sok te yun lume. ja'uk me to te Diose la yak' banix jna' stojol te muyuk mach'a ya jkalbey te ma lekuke sok te ilabile. ²⁹ Ja swentail te mayuk bi jach' kal te k'alal te ba awik'aniktalel. ³⁰ Cornelio jich la yal: ''Ayix chone k'aal te jich lan ora to.Janix jich yakon ta sk'oponel kaiwaltik ya oxe ora ta ba jna'; jich la jkil tul winik te tek'el ta jts'eele,xtil nax te sk'u spak'e. ³¹ Jich la yal: ''cornelio te ja k'ope la yayik te Diose sok nix te majt'aniletik te la awok'bey te mebaetike, julixta yot'un te Diose ³² Jich yu'un ay macha ja tikun ba'el ta jope,sok ik'atalel tul winik te sbil Simon te yan sbile Pedro xi sbiil .le yak' ta jilel ta sna te Simon te yot'elinej sk'atesel nujk'ul te na'inem ta sti' jnuck'ul ja'e. ³³ Jich yu'un ta ora nax la jtikunat ta ik'el. lek te bit'il talate.Jich yu'un ta ora. le ayotikix ta jpisiltik to sit te Diose.ta yoyel stojol spisil te bek ak'bilat anop yu'un te kajwaltike: ³⁴ Jich yu'un te Pedro jach ta k'op,jich la yal:''Jamal ya jkal.jna'o te Diose mayuk mach'a tul nax lek ye yil. ³⁵ Ja yu'un ta ju ju pam lum,chikan mach'a-a ya yich ta muk sok te ya spas te bina toje ja lek ya yil. ³⁶ Ja'atik anajik stojol te k'op te la yich' albel te lum Israel ,te k'alal la yalbey te lek yach'il k'op yu'un te lamal k'inal ta swenta te kajwaltik Jesucrito te ja yu'uninej spisile. ³⁷ Ja' atik nix ja na'ojik stojol te bitik k'ot ta pasel,e, ta spamal judea te ja to juch talel ta Galilea,te Juan la yulbey sk'oplal te ich' ja'e; ³⁸ Sok spisil te bitik k'ot ta pasel yu'un te la yak' na'el stojol te Jesus te Nazaret xi sk'oplaple sok nix bit'il Dios la snojesta xch'ul Espiritue sok yu'el.Te bit'il jach ta spas te bina leke sok te jach' skoltey te chameletike, ja nix jich te mach'atjk uts'inbilik yu'un te pukujetike,melel te Diose jokinbil yu'un ³⁹ Te ja'otik ja la kiltik spisl to, te bilik la spas te kajwaltike ta stojol te lum judio ta Jerusalen.jak Jesus to ⁴⁰ ja te la smilike, la sjip'anik Ja'uk me to te Diose la sjats'es ta yoxebalan k'aal sok nix la yak'te la yich' nabel sbae ⁴¹ Ja'ukme to, ma ta spisiluk te lume,janax te mach'atik la yich'ik tsa'el yu'un te Diose ta ne'elalto, jo otik nix te we-uch'ajotik sok,te k'alal jach'ixtel ta ainemetik-a ⁴² Ja la yalbotik montal te ya jcholbeytik yay te lume son te ya jkak'tik ilel te ja la yich tsa'el yu'un te DIose te jaya slikbey smul spisil te mach'a wayemik sbak'etalike . ⁴³ Ja me te macha la yalbeyix ssk'oplal te ne'el alwanejetike,te mach'atik ya xch'uune ya me xju te ya staik poton yu'un te smulike ta swenta sbi'il ⁴⁴ Yak ta ta k'op-a te Pedro ,te ch'ul Espiritue tal ta stojolik te mach'atik yakik ta yayel stojole te k'ope. ⁴⁵ Te ants-winik te sjoknojtel te Pedro te pajal ch'unjeletik soke te yich'ojik te circunsicione, ta spisilik chamnax la yayik te ch'ul Espiritu jul ta stojolik u'uk te mach'a yan lum kuybilike. ⁴⁶ Melel la yayik stojol te yan lime yakalik ta k'op ta yantik nax k'op sok yakik ta yich'el ta muk' te Diose, jich yu'un te Pedro la sut: ⁴⁷ ¿ay bal mach''a ma xyuk' te yich'ik ja' in ants-winik to,te jich la yich'ik ja' te ch'ul Espiritu jich bit'il te la kixtikix u'uke? ⁴⁸ Jich yu'un la yalbey mantal te aka yich'ik ja' ta sbi'il te Jesucristo jich la sk'anbeyik te bayaluk k'aal xjilik xan ta stojolike.