¹ Te saulo, yakta yalel te ya skan smil te nopojeletik yu'un te kalwaltik yu'un skontroinoj, bat' ta stojol te muk' sacerdotee. ² La sk`anbey sts'ibujanetik yu'un te Sinagogaetik ta Damasco skuenta yu'un te me ay mach'a la sta winik o ants te ja st'unetik te be into, jich ya stak' yik'tel ta chukel ta Jerusalem. ³ k'alal yak ta beel ta be sok nopol ya xk'otix ta Damasco ora nax juyot ta xojobal te k'inal te koemtel ta chulchan; ⁴ chay koel ta lum sok la ya'iy k'op te jich la yal: "'Saulo, Saulo, ¿ bistuk te yak ta ja nutsbelone?" ⁵ Te Saulo la sak': ''¿ Mach'a ata kawal?'' la yal te kawaltik: jo'on Jesus te mach'a ya kat ta snutsele; ⁶ Jach'an ochan bael ta muk'ul lum, la me yalbatik te bek ya sk'an ja pase. ⁷ Te winiketik te suinejik ta beel te Saulo tek'ajik sok ma k'opojik, melel la yaiyik stojol te k'op, ja'uk me to mayuk mach'a la yilik. ⁸ Te Saulo la stam sba jajch'el ta lum te k'alal la swik' sit ma ba la yilix k'inal; ja yu'un la snitik ta sk'ab, jich la yik'ikbel ta Damasco. ⁹ Oxeb k'aal ma la yil k'inal sok ma ba we' ni ayuk bi la yuch'. ¹⁰ Ay tul nopojel ta Damasco te Ananias sbiile, k'oponot yu'un te kawaltik ta stelemal yilele: ''Ananias''. xi: ''Le' ayonto, kawal''. ¹¹ Albot yu'un te kajwaltik: ''jach'an, baan ta bay te calle Derecha sbiil, ta bay sna Judas jok'iya te tul winik te Saulo sbiil te talem ta lum Tarso le yak ta sk'oponel Dios ¹² Yu'un ak'botix yil ta stelemal yilel, tul winik te Ananias sbiile te yak ta talel ta stojol sok ya skanjanbey sk'ab ta stojol yu'un ya xjam a te site''. ¹³ La sjak' te Ananias: ''Kawal, bayal kayojbey sk'oplal te winike, te bayal la yuts'inley te mach'atik ch'ultesbil awu'un ta Jerusalen. ¹⁴ Ja yich'o tulan yat'el yu'un te wolwanej sacerdoteetik te ya xchuk bael spisil te mach'a ya yalbat wokol ta biile''. ¹⁵ La yal te Kawaltik: ''Baan, melel tsabilix te ya xtuun ku'un, te ya yich' beel te biil ta stojol yan lumetik sok ajwaliletik sok te snich'nab Israel; ¹⁶ Ya ka'bey sna' te ya me xk'ax bayal swokol ta skuenta te biile''. ¹⁷ Jich bajt' te Ananias, sok och beel ta na. La skajanbey sk'ab ta stojol, jich la yal: ''Kermano Saulo, te kajwaltik Jesús, te la yak' sba ta ilel ta atojol ta be te banti yakat ta talel, ja la stikunon tel skuenta yu'un ya xjam te asit sok te ya xnojat ta ch'ul espiritu''. ¹⁸ Ora nax ch'ay koel te bila makbil sit yu'un te Sauloe jich yilel te bit'il sulil chay, jich la yil k'inal; jach tel sok a'bot yich' ja'; ¹⁹ We' jich la yich' yip. Ay k'aal jil sok te nopojeletik te ayik ta Damasco. ²⁰ Ta ora nax jajch' ta yalel ta bay sinagogaetik te ja' snich'an Dios te Jesús. ²¹ Spisil te mach'a la yaiyik stojole cham nax la yaiyik yu'un jich la yalik: ''¿Ma bal ja'uk te mach'a yak ta slajinel ta Jerusalen te mach'atik ya yich'ik ta muk' te biilile? Ja' tal yu'un te ya yik'otikbel ta chukel ta stojol te wolwanej-sacerdoteetik ²² Ja' uk me to te Saulo la yich' xan yip sok la yak' xiwel ta stojol te judioetik te nainemik ta Damasco yu'un la yak' ta ilel te Jesuse ja nix a te cristo ²³ K'axix bayal k'aal a, te judioetik junax la chajbanbeyik sk'oplal ta milel te Sauloe ²⁴ Ja'uk meto la yaiy stojol te Saulo te bila chapal yuunike. K'aal ta ajk'ubal la skanantayik te tinelelike yu'un ya sk'an smilik ²⁵ Ja' yu'un te nopojeletik yu'une la yik'ikbel ta ajk'ubal, la skojt'esik koel ta muk'ul moch ta spat sts'ajk' ²⁶ K'alal tal ta Jerusalén, te Saulo la sk'an sjuin sba sok te nopojeletike, ja'uk meto spisilik la xi'ik, melel ma ba sch'unojik te ja' nopojele. ²⁷ Jich yu'un te Bernabe la yik'tel ta stojol te jpak-k'opetike. La xcholbey yaiyik te bit'il te Saulo la yil ta be te kajwaltike sok te k'oponot yu'une, sok te bit'il ma xijw ta cholel ta skuenta sbiil jesús ta Damasco. ²⁸ Ja' la stasbasok te k'alal ya slok'ikbel sok ochiktel ta Jerusalén, ma xiw sk'opoj skuenta sbiil te kawaltik Jesús. ²⁹ La stsal baik ta k'op sok te judioetik te ya xk'opojik ta griego-k'op; ja' yu'un te ya sk'an smilike ³⁰ K'alal la sna'ik stojol te kermanotaktike, la yik'ikbel ta Cesarea, la stikonikbel ta Tarso. ³¹ Jich yu'un te ch'uunjeletik ta spamal sk'inal Judea sok Galilea sok Samaria ay lamal nax k'inal yayik sok la yich' yipik sok la xi'ik spisil ora te kawaltike, la yich'ik koltayel yu'un te ch'ul Espiritu sok esmajik ta bayal. ³² Jich te Pedro bajt' ta spamal lum, bat' yil te mach'atik ch'uunjeletik te mach'a nainemik ta Lida. ³³ Le la sta tul winik te Eneas sbiil, ayix waxakeb ja'wil ay ta swaeb yu'un mastak' stisbaj. ³⁴ Te Pedro la yalbey: ''Eneas, te Jesucristo ya ch'abtesat. Jajch'antel chajbana jilel te awaibe''. Jich ora nax jach'el. ³⁵ Jich spisil te mach'atik nainemik ta Lida sok ta Sarón la yilik te winike, jich' la sujt'es yo'tanik ta stojol te kajwaltik ³⁶ Ta lum Jope ay tul ants te nopojel Te sbiile ja'Tabita, te k'asesbile ja' ''Dorcas''. Te ants nojel ta lekil a'teletik sok la sk'ebanbey me'baetik te bek ay yu'une. ³⁷ Jich ora a, tsajk'ta chamel sok laj; k'alal la sapik la yak'il ta xch'a kajal na. ³⁸ Te lum Jope nopol yiloj sba sok te Lida, te nopojeletik la yayik stojol te leaya te Pedro, ja yu'un la stikunik beel cha'tul winiketik ta yalbeyel wokol: ''Ora me xtalat, xiik''. ³⁹ Jich te Pedro Jach'atel la sjuinbel. K'alal k'ot, la yik'ik beel ta xcha'kajal na. Spisil te me'ba antsetik tek'elik ta stojol, yakalik ta ok'el sok la yak'beyik yil te k'u'ul pak'aletik te pasbil yu'un te Dorcas te k'alal suinejikto a. ⁴⁰ Te pedro la stikun lok'el ta spisilik te mach'atik ayik ta na, la skejan sba, sok la sk'opon Dios. La sut sba ta stojol te mach'a lajeme, jich la yalbey: ''Tabita jajch'an''. Jich wijk' sit, k'alal la yil te Pedro la snajk'an sba. ⁴¹ Te Pedro la stsakbey te sk'abe la stejk'an jach'el; k'alal la yik'tel te ch'unjeletike sok te me'ba antsetike, la yak'bey yilik te bit'il kuxulixa. ⁴² Ta spisil Jope la yaiyik stojol te bila k'ot ta pasele, jich tsobol ants-winiketik la xch'uunik te kawaltik. ⁴³ Te Pedro bayal k'aal jalaj ta Jope sok tul winik te sbiilinoj Simón, te ja' yat'elinoj sk'atesel nuj k'ul.