¹ Pẽinte kuimbai Ananias he'iashua hãndi hyreko Saẽira ovende reta jy'yvy. ² Ko kureta, hepykue ñemihapeĩ heky hai ña'ãporã, hãrã hemby vekuaĩma veru reta hareka mẽiẽishu Apostolre hareka hyreko kuajyve. ³ Hãma Pedro heishu: Ananias, mãrã'ĩrãra Ãña iche ndypyape ndapushu verã Espiritu Santo hãrã rymanãrõhe verã ndy'yvy hepykueivi? ⁴ Ha'ẽiãramba yvy nde ña'ãmpova? Hãrã rymbyhepymarã ha'ẽiãrajy hepykue ndykyrypoti? Mãrã'ĩrãra hokava riñono ndypyape? Tumpape rãnga ndapu ha'ẽiã kuareta retape. ⁵ Ananias kova hẽindumarã oa mano, hãrã hokava kuavare kyjeite reta. ⁶ Hãrã kunumire jyveru hetekue ñoma retarã raha ñoty reta. ⁷ Haivima mbahapy oraheaipi iche jyve Ananias hyreko kuamba ryheve mbaivara jehu. ⁸ Pedro pyrãndushu: Mbeushe, pymbyhepyramba yvy hepyre pee pereva rãĩmi? Taupe hei: ẽiẽi hai hepyre. ⁹ Haipe Pedro heishu: Marã'irãra pẽinteva ñẽiẽipe piñiñono pindijapushu verã Ñandeja je Espiritu? Hokapema vãhẽijy jyveru neme hetekue raha ñotyvare, hãrã haire ã'ẽi ndyrahapo jyve niñoty verã. ¹⁰ Haiperaveĩ Saẽira oa mano jyve Pedro hẽinonde, hãrã ichejy kunumire heshama reta manorã, nohẽi rahajy reta ñoty verãre ĩmẽi jichere. ¹¹ Opaiteva hokava tupaope'ẽivãre, kova kuavare opa kyje reta. ¹² Heta mbai heshaha verã hareka mbai kavi heshaha verã iko Apostolre rupii kuaretare mbytepe hareka opaite jaty reta Salomon hõchepe pẽinte ñẽiẽipe. ¹³ Mbavẽiã ynga retava kyrẽiy jihia tẽivã ijeta kavihe reta. ¹⁴ Ñymbyhetave oho Ñandeja jyrojahevare, taupe hareka kuimbaire. ¹⁵ Kyrã, kuaretare opaite nohẽi reta ñymbairasyva hupare ryheve hareka miñenohasepya Pedro hasamarã, ñykuarãsy'ãĩ vejy ĩãrẽi verã ã'ãmore. ¹⁶ Hareka tenta mbymbyrymba õĩva ou jyve kuareta hetava Jerusalenpe veruva ñymbairasyva hareka mbaiposhy imereva, hãrã opaiteva kuera. ¹⁷ Hãrã pai juhuvisha vasu hareka Saduseore ẽiẽi hãndiva haipe opa heshatã'ãkue tynẽihe reta. ¹⁸ Hãrã pysy reta apostolre, mbyperesoka verã. ¹⁹ Tẽivã pẽinte Ñandeja jokueva, pynturã pea pyrymbyperesohaseape hõche, hãrã nohejyrã heishu reta: ²⁰ Pekua hareka pimbou tupaope hareka pymbeushu kuaretare ko ñẽiẽi tykove ryheva. ²¹ Kova hẽindurã ko'ẽiĩ iche reta tupaope pyrẽimboi verãre. Haipevãĩ pai juhuvishare hareka ẽiẽi hãndiare, mbaty reta Judio juhuvishare ñymbatyhaseape opaite kuakuavare Israelpe'õre hãndi, haivi mondo veruka reta Apostolre pyrymbyperesohaseaivi. ²² Tẽivã vãhema jyra jokuehava retarã tẽivã vãhẽiãshu reta; haivi oujyvyĩ reta mbeu verã. ²³ Hei reta: Heshaha karsel ñymboty kavi añete, hareka ñyngareko'iheare ñymbo'y ñynoĩ õnchere hẽinonde kyty: Pe'aharã vãhẽihãshu mbava hapype. ²⁴ Haipe hẽinduma reta pai juhuvisha vasu hareka tupaope ñyngareko'ia juhuvisha retarã, kuãã japo verãre hãrã pyrãndu jyre ijupe mbaivapera kova ohopo opakui. ²⁵ Haipe ou pẽinte heishuva reta: Kuimbaire piminje vekua karselpe tupaope pyrẽimboi ñynoĩ reta. ²⁶ Hãrã tupaope ñyngareko'ia juhuvisha hãndi syndarore jyraha veru, tẽivã mba'ẽiã japohe kyje jyve kuaretaivi mõã itape japiharã. ²⁷ Hãrã verumarã ñonoshu reta conciliope ñymbatyhasea hẽinonde haima pai juhuvisha heishu reta: ²⁸ He'iha kavi rãngape ẽinteñoma pypyrẽimboi verã Hesu heepe, tẽivã ã'ẽi pymytynyhẽima Jerusalen pypyrẽimboihea, hãrã pota pity yryrehe ko kuimbai ñymanokue. ²⁹ Pedro hareka ĩrũ Apostolre hãndi heishu reta: Ore japohã rãngapo kuaretare heiva, ore rãnga japohapo Tumpa potava. ³⁰ Ñanytynondevare Ñutumpa mynguerajymba Hesu, pee pijuka vekua pymbysavava kurusurerã. ³¹ Hokava rehe Tumpa ñonoshu vate jakata kyty, mburuvisha vasu rãĩmi hareka pyrymondo jepe verã opaite Israelvare hipity verã hejaha reiva mbai porãmba vekua. ³² Ore kova mbai heshahavare hareka mbe'uhava, Espiritu Santo jyve Tumpa mẽiẽiva opaite ĩñẽiẽi ³³ Haire kova hẽindumarã poshyitevejy reta, hãrã pota jukajyre reta. ³⁴ Tẽivã opaite mburuvishare mbytepe ẽiẽi pẽinte ẽariseo Gamaliel he'iashuva Moise mbypara vekua pyrẽimboi ihea hareka opava haihuva hoka tentape, hãrã sapy'ãĩ nohẽika katoape Apostol retape. ^{36 35} Haivi hei mburuvisha retape: Kuimbaire Israelpe peĩvã, pymaĩ kavirãni pijapohe verã ko kuimbaire. 36 Pynymanduarahe kyyãteri Teudas puãrã vekua, oñemombai vasu vekua hãrã mi'ĩrũ 400 kuimbai rupii tẽivã hai jukahamba haivi opaite iko'i hipiare opa ñymomohẽi hãrã opareii. ³⁷ Haivi kuareta jypapava ikorã puamba Judas Galileape'õ, hãrã hetava raha haykue tẽivã jukahamba jyve, haivi opaite oho haykueva opa ñymomohẽi. ³⁸ Hãrã pyma'ẽiĩpohe kova kuimbai retaivi, avy pijapohe reta maĩnunga shara kova kuaretare pota japovaĩrã, opareiipokui. ³⁹ Tẽivã Tumpaivi ouvarã katuãpo pymbai, hãrã pymaĩkavi avy piñiñonopeĩhe reta. ⁴⁰ Hãrã opa iñiñono hãndi reta pẽinte ñẽiẽipe hẽinoka Apostolre hãrã opa nupaka reta vakapiperã hei jyvyĩshu reta ẽinteñoma ñimiñẽiẽi verãre Hesu heepe. Hãrã poijyshi reta. ⁴¹ Hãrã Apostolre opajy õhẽi mburuvishare ñymbatyseaivi vy'ape, shara Tumpa ñonoshu reta kyrã hasa'asy verã Hesu heepe. ⁴² Opa arapema tupaope hareka oomire ẽivãipi pyrẽimboi mbeu reta ñẽiẽi py'ahuva Hesu hee ryheva.