¹ Pedro hareka Juan kuaretare ñimiñẽiẽiteri'ẽishuva, vãhe ou paire hareka saduceore, tupao hõche ñyngareko'ihea juhuvisha hãndi. ² Poshy jyreshu Pedro hareka Juan, mboi ñynoĩ kuareta retaperã hareka mbeujyre manovare katu puãjy Hesu puãva rãĩmi. ³ Hãrã pysyrã raha mbypereso reta, ĩrũ arajyapeve, shara pyntumapo'i. ⁴ Tẽivã hetamba Ñẽiẽi hẽinduvekuare rojajy; 5.000 rupiimba rojaitevare, kuimbaire jepeiva. ⁵ Ĩrũ arajyape ñymbaty reta Jerusalenpe haipe'õ Judio juhuvishare, hãndi kuakuavare hareka Moise mbypara vekua pyrẽimboi'iheare. ⁶ Pai juhuvisha vasu Anas ẽijyve hãndi reta hareka Caiẽas, Juan, Alejandro hareka opaite pai ruvisha ryhevare jepeii. ⁷ Haivi veruka reta Pedro hareka Juan, hãrã haire mbytepe ñonorã, pyrãndushu reta: Mbava ñymbaikatupera mãĩrã mbava heepera pijapo kova mbai? ⁸ Pedro tynyhe Espiritu Santoivirã heishu reta: Mburuvishare Israelpe'õre, ⁹ pypyrãndu rãnga ore mbaikavi japoa vekua kuimbai ñymbairasyva rehe, mãrãra kuera. ¹⁰ Mbe'uha kavi, opaite Israelpe õre kuaa verã, ko kuimbai pẽinonde'õ, kuera Hesu Ñazaretpe'õ heepe. Kova Hesu pee pymbysavava vekua kurusure hareka Tumpa mynguerajy mano vekuare mbyteivi. ¹¹ Hesu hai ita mbijicheha vekua opaite oo japo'iare, tẽivã haivi ikoshi ita mbijypyhapyva. ¹² Mba'etyhe mbava ko ojepeva ryheva, shara Ñandeja yngava tyree mẽi'ẽiã ñande ko yvy ĩãrẽi, ñanymondo jepe verã. ¹³ Mburuvishare heshama mãrãra Pedro hareka Juan ijeta pyavasu ryheve, hãrã kuaa mondo reta ha'ẽiã ñy'ãrãnduvarã hareka mbaimba kuaavarã, mbyrymãĩ reta; kuakavi reta Hesu iko'i hãndia retarã. ¹⁴ Hesha reta kuimbai kuera vekua ñymbou ñynoĩ hãndi retarã, hãrã katuã heijyhe reta mbai porãmba japova. ¹⁵ Hãrã heishu reta õhe verã hokava ñymbatyha õĩvi, ha'ei retaĩ ijupii ijeta verã. ¹⁶ Hãrã hei reta: Mbaivara jajapopohe kova kuimbaire? Opaite rãnga Jerusalenpe'õre kuaa opa mbai heshaha verã japorã hãrã katuã ñañomi. ¹⁷ Tẽivã, ã'ẽi japysypo reta poima mbeu verãre, ñamyngyjepo reta ẽinteñoma ijeta verãre Hesu heepe. ¹⁸ Haipe hẽino retarã heishu reta, ẽinteñoma ijeta verãre hareka pyrẽimboihe verã Hesu heepe. ¹⁹ Tẽivã Pedro hareka Juan heishu reta: Pypya pimbijetano haikavirapo ore japoharã pee pereva mãĩrã Tumpa heiva? ²⁰ Shara ore mbe'uhañoĩpo heshahava hareka hẽinduha vekua. ²¹ Haivi mburuvishare ijeta pohyjyshu retarã ma'ẽiĩmahe reta kuaretare rehe, vãhẽiãshu mãrãrapo nũpaka reta shara haipe ikova rehe opaite omombaishu Tumpa. ²² Hoka kuimbai kuera vekua mbai heshaha verã rupii, 40 ara pukukuemare. ²³ Pedro hareka Juan poiamashi retarã, jyraha ñi'ĩrũre ẽivãpe hãrã opa mbeushu reta opaite paire juhuvisha hareka kuakuavare heishu vekuare. ²⁴ Haire opama hẽindurã opaĩ hynãtu jurure reta Tumpape hãrã hei reta: Sheja, nde rijapo vekua yvy hareka ara vate'õ, yy vasu hareka opa mbai ẽiẽipyare, ²⁵ nde rere vekua Espiritu rupii hareka David rijokueva, juru rupii: Mãrã'irãra tenta vasure poshyite jyre reta hareka kuaretare mbaimba vekuareĩ pya mbijeta? ²⁶ Opaite mburuvisha vasure yvy ĩãrẽi'õre ñymyhẽiva ñyrãrõ verãre, hareka huvishare ñymbaty ñymbyvaishohe verãre Ñandeja hareka Mesias hai pyhẽirõva. ²⁷ Añete rãnga Herode hareka Poncio Pilato ñymbaty reta kova tentape, yngaivi ouvare hareka Israelitare hãndi hãrã puãhe reta Hesu, nimbijokue heko kyamba, nde rypyhyrõ vekua, ²⁸ iko verã opa mbai nde rere vekua rãĩmi. ²⁹ Ã'ẽi, Sheja, mãĩhe haire ĩñẽiẽi hei pota urũnupavare hareka mẽiẽishu rijokuevare pyavasu, kyjehambape mbeu verãre niñẽiẽi, ³⁰ hareka heshaka'ore nymbaikatu myngueraha verã ñymbairasyva, tiko mbai heshaha verã hareka mbai kavi heshaha verã nimbijokue Hesu heko kyamba. ³¹ Haivi opama jurure retarã, oo haire ñymbaty ñynoĩvape opa ryry; hareka haire opa tynyhe Espiritu Santo hãrã mbeu reta Tumpa ĩñẽiẽi kyjembape. ³² Opaite jyrojavare pẽinte pyapeĩjyre hareka pẽinte ñẽiẽipeĩ ñynoĩ; hareka mba'ety heiva ha'ei ña'ãpova mbai ĩmẽireva, opava ña'ãpovare haire ña'ãpova jyve. ³³ Apostolre, mbaikatukue ryheve, mbeu jyre Ñandeja Hesu kuerajy manovare mbyteivirã hareka Tumpa heta ohovasashu reta. ³⁴ Mba'ety haire mbytepe ikotẽiveva; opa mbai ĩmẽireva yvy mãĩrã oo, ovende retarã hepykue veru reta, ³⁵ haivi veru mẽiẽishu reta Apostolre, hareka pepẽinteĩ memẽi'ẽiãshu reta mbai ikotẽiveva rupii. ³⁶ Kyrã haire mbytepe ẽijyve mbory'ẽishua paire tupaope, Jose he'iashuva, Apostolre mbyheembajypy reta Bernabe, he'iseva "mbypya kaviva hapishare", hokava hai Chiprepe'õ; ³⁷ ko kuimbai mbyhepymba yvy ĩmẽireva, haivi hepykue verumba mẽiẽishu Apostol retape