¹ Hejahama ñandyryvy retarã, jupiha varkoperã symyĩravi ohoha Cospe, parejyrã Rodaspe hareka haivi Patarape. ² Patarape vãhẽihashu pẽinte varko Ẽeniciape oho verã, hai ohohapy. ³ Hasaha ohoarã mbyryivi heshaha isla Chipre he'iashuva, hejaha yrasu kytyrã ohohaĩ Siriapeve. Hareka varkope rahahava mbyvejyhapo'ẽi Tiroperã, haipe icheha jyve. ⁴ Haipe heshaha ã'ãmo Hesu mboireare hareka 7 ara kavi pytaha hãndi reta. Espiritu heishu retarã haire heishu Pablo, potamba oho verã Jerusalenpe. ⁵ Tẽivã opama hasa hoka 7 ararã, õhẽiha. Opaite Hesure jyrojavare jyraha hyrekore hãndi hareka ñysanjayre hãndi, ĩrĩmi'ĩrũ reta tenta õhẽiãshipeve hareka yy hymbeype ĩñesuharã ñymbo'eha. ⁶ Haivi opa ñykuãkuãvãharã hejaha reta hareka jupihajy varkoperã, opajy ou henta retaipi. ⁷ Opama poia vataha yy ĩãrẽi varkope Tiroivive hareka Tolemaidapeve, haipe marãnduhashu reta ñandyryvy retarã pẽinte ara pytaha hãndi. ⁸ Pareejyrã, vãhẽiha ohoha tenta Cesareape. Haipe vãhẽiha ohoha Tumpa ĩñẽiẽi mbeu'ia Ẽelipe hentape, hai jyve pẽinteva Ñẽiẽi kaviva mbeu'ia 7 õvare hãrã pytaha hãndi. ⁹ Ẽelipe ĩmere ũrũndy tajy nde'iave ĩmevare, hai reta jyve mbeuñoĩva Espiritu Santo heshakashuva. ¹⁰ Mbovy arama pytaha haiperã, vãhẽi ou Judeaivi pẽinte Tumpa ĩñẽiẽi mbeu'ia Agabo he'iashua, ¹¹ ou yryresha hãrã heky Pablo kuaipi jokuapyarã hareka ipy, ipo opa jokuarã hei: Espiritu Santo hei kyrãpo pokuahakui Jerusalenpe Judiore, kova tukuaipi jokuahapya ija hareka ñonoãpo haimba Judiore ipope. ¹² Hokava ore henduharã, Cesareape'õre hãndi jururehashu Pablo ohomba verã Jerusalenpe. ¹³ Pablo hei: Marã'ĩrara pijaheo hareka shypya pymbyvy'ãpeĩ? She rãnga ãĩ ha'ẽiã shypokuaha verãĩ, katynga'ãĩ jyve amano verã Jerusalenpe Ñandeja heepe. ¹⁴ Katuvẽiãma jepyaherã, ijyjokohashi hãrã he'iha: Tiko Ñandeja potava. ¹⁵ Mbovy aramajyrã, opa õĩã kaviha hareka ohoha Jerusalenpe. ¹⁶ Hareka ĩrĩmi'ĩrũ reta ã'ãmo mbo'eareare Cesareape'õre, verumba jyve reta pẽinte Chiprepe'õ Mnason he'iashua, mbo'earea arykaiva, hareka hai hentapepo pytaha'ẽi. ¹⁷ Vãhẽiha ohoha Jerusalenperã haipe'õre ñandyryvy jyrojavare vy'ape yrymyvãhe reta. ¹⁸ Parejyrã, Pablo oho jyve orẽindie Jacobo ohoa pohyashurã. Vahẽiãmarã, opa ou jyve haipe tupaope miñaka'õre. ¹⁹ Pablo marãndushu reta, haivi pepẽinteĩ mbeushu hai rupii Tumpa japova haimba Judiovare mbytepe. ²⁰ Haivi kova hẽinduma retarã, omombai reta Tumpa. Hãrã heishu reta Pablo: Haikavi ĩrĩ'ĩrũ Pablo, ryheshama israelitare mbytepe hetama ẽiẽi jyrojavarã, hareka opaite ñymykateyhe reta Moise mbypara vekua. ²¹ He'ihambashu reta nde rymboirẽiĩva opaite haimba Judiore, syryshi verãre Moise pyrymboihe vekua hareka rereshu reta potambaa tayre ñymbai pire chinchihashia harekajy potamba ikova jypykuahava rãĩmi. ²² Mbaivarapo he'iashukui kuaretare kuaama kyvyty reivarã? ²³ Kyrãrã haikavivepo rijapo ore he'iandeva, yrymbytepe ĩmẽi'ẽi jyve urũndy kuimbaire mẽiẽiva iñẽiẽi Tumpape. ²⁴ Ekua ijohe handi retakui, mbyhepyhe retakui ñakã mysãka verãre. Kyrãrãpo kuakavi retakui añetembava he'ia ndyreherã, kyrãtevẽirã rijapo kavi jyve Moise mbypara vekuape heiva. ²⁵ Tẽivã haimba Judiovare roja vekuare, mbyparahamashu reta potamba kova mbaire ojepy'apy ñynoĩ verã, avypo hou reta soo ta'anga mẽi'ẽihashuva, turuvy hareka mymba javokahava hoo, avy mbava ndeite omendava typoko ijehe. ²⁶ Hãrã Pablo raha urundy kuimbaire hareka parejyrã ñymypõtĩ hãndi, haivi iche tupaope mbeu verã mbaiperapo opakui ara ñymypõtĩva, jaishu mbaiperapo pepẽinteĩ haire mẽiẽi ijehe Tumpape mẽi'ẽiãva. ²⁷ Tẽivã opaserima mboty 7 arape opa verãperã, Judiore tenta Asiape'õre hesha reta Pablo tupaope, hareka opa ikorai retarã opa ñymomohẽi kuaretare. Pysy reta Pablo ²⁸ hareka sapuke reta: Kuimbaire Israelvare, yrymborymi! Kova kuimba hai oparupi kuaretare mboiheva ẽirẽirẽita hyvaishorã, Moise mbypara vekuare hareka tupaore, harekajy ã'ẽi minjemajy griegore, hareka myngya kova tyrẽinda kyambava. ²⁹ Shara heimba reta heshavare tenta Troẽimo Eẽesope'õ hareka mõãte Pablo rahashu reta tupaope. ³⁰ Opaite hokava tentape'õre ikorai hareka ñani ou reta. Hãma pysy reta Pablo hareka mbytyryry tupaoivirã õche mbotyraveĩ reta. ³¹ Jukaserimajyreva, myvãhẽiãmbashu marãndu syndarore juhuvisha, opaite kuaretare Jerusalenpe'õre opa ikoraiva. ³² Hãma mburuvisha mbatyka ñysyndarore hareka 100'õ syndarore juhuvishare ñani jyraha kuaretare ẽivãpe. Heshama huvishare hareka syndaro retarã poi nũpa reta Pablo. ³³ Hãrã mburuvisha pysykashu Pablo, hareka pokuakashu mokue cadenape; haivi pyrãndushu kuaretare mbavara hai hareka mbaivara japo. ³⁴ Tẽivã hetavare mbytepe pẽinteva sapukerã yngai hei hareka ĩrũre yngai heijy hãrã mburuvisha kuakaviã mbaiva rehera opa ikorai reta, mondokashu kuartelpe. ³⁵ Vãhẽima jupihaseaperã, syndarore hupi rahashu reta Pablo, shara kuaretare poshyite ñynoĩrã; ³⁶ shara haykueĩ sapuke jyveru reta: Tymano! ³⁷ Hãma kuartelpe minjeama potarã, Pablo pyrãndushu syndarore juhuvisha: Ryhejããrapo pẽinte mbai hai jyvende? Mburuvisha heishu: Rikatumbatẽi rijeta griegore ĩñẽiẽipe. ³⁸ Ha'ẽiãra nde Egiptope'õ kueveĩ rũpurũmupũã vekua mburuvisha retare hareka raha yvy ikoambaivi 4000 ñyrãrõ'iare? ³⁹ Hãrã Pablo hei: She hai kuimbai Judio Tarsova tenta tivishava Ciliciape'õ; airure nde ryma'ẽiĩ aijetashu verã kuaretare. ⁴⁰ Mburuvisha ñonoshu ijeta verã hãrã Pablo ñymboy hokava jupihaseaperã, ipope myha'ãngashu jasaka verãre. Hãma opama jasaka retarã Pablo ijetashu reta hebreo ĩñẽiẽiperã hei.