¹ Kuareta opa ikoraiva opamarã, Pablo hẽinoka Hesure jyrojavare mbarakuaashu verãre, hareka opama ñimiñeeshurã ñykuãkuãvãjy hãndi reta, haivi oho Macedoniape. ² Opama vata hoka yvy retaipirã, hareka hetama mykyrẽiyshu jyrojava retarã, ohojy Greciape. ³ Haipe pyta mbahapy jasy. Hareka varkope ohoserima'ia Siriape, kuaa Judiore ĩñẽiẽi ñono ñynoĩhearã, hãrã hei yvyipĩĩ oujy verã Macedoniaipi. ⁴ Mi'ĩrũshu reta Sopater, Pirro tay Bereape'õ, Aristarco hareka Segundo hai Tesalonicavare, Gayo Derbespe'õ, Timoteo, Tikico hareka Troẽimo, hairetamba tenta Asiape'õvare. ⁵ Kovare ñymytynonde yryhevirã, jyraha ẽiry'ãrõ reta Troaspe. ⁶ Tẽivã ore õhẽihã Ẽilipoivi varkope, arete pãhã jy'oumbava ryheva hasamarã, hãrã pandepo aravape hipityhashu reta Troaspe, haipe shiu (7) ara pytaha. ⁷ Ara semana oñepyrõheape, ñymbatyha pãhã pyse'ãhã verã, haipe Pablo mboishu Hesu jyrojaheare. Ohojymapojy ĩrũ arajyaperã, pyhare mbytepeve ijeta. ⁸ Haipe ñymbatyha'õpe oo vate'õpe, heta'ẽi haipe lampara myhẽindyava; ⁹ Hareka pẽinte kunumi Eutico he'iashua petanore vapy'ẽi. Pablo pukuitema ijetarã hokava kunumi hypehyiterã oche haipe, hãrã oo mbahapy jyvohy'õivive oa, jyrahajy mupuãrã hã'õvẽikueĩma'ẽi. ¹⁰ Hãrã Pablo vejy, kuãvã kunumirã heishu Hesure jyrojavare: Avy pykyje, manoã rãnga. ¹¹ Haivi Pablo hykuaĩ jupijy; pyseã pãhã, opa hou retarã, ko'ẽipeve ñimiñẽiẽi. Haivi oho. ¹² Hãma ko kunumi hykove ryheve rahajy reta hentape, hokava mykyrẽi'yĩtevejy reta. ¹³ Ore ñymytynondeharã ohoha varkope tentami Asonpeve, haipe hupihajy verã Pablo hai hei oreva rãĩmi, shara hai pota yvyipĩĩ oho. ¹⁴ Hãrã vãhẽihama tentami Asonperã Pablo jupirã ohoha hãndi Mitilenepe. ¹⁵ Haivi õhẽiha hareka pareemajyrã hasaha Quio hẽinonde, pareejyrã vãheha Samonpe varko ñymbo'yseape. Pente arajyape vãhẽiha ohoha Miletope. ¹⁶ Kyrã japoha shara Pablo ñatẽiy hasa Eẽesoperã, shara potãã kẽiẽiĩte pyta Asiaperã, pota'areã vãhẽi oho Jerusalenpe Pẽintecoste jy'areterãpe. ¹⁷ Miletope imeteri'ẽirã, Pablo hẽinoka tupaope miñaka'õre, Eẽesope'õre ijeta handi verã. ¹⁸ Opama vãhẽi jyveru retarã heishu: Pee pikuaa marãra aiko jypyite ãvãhẽi'ai ko Asiaperã. ¹⁹ Heta ara aiko penendie aijokueka Ñandejape airojamba shijehevape, heta ajahe'o hareka heta ahasa'asy Judiore pota japojyre shyrehevape. ²⁰ Tẽivã apoiã ambeupe haikavipe verã, apyrẽimboi opavare hẽinonde hareka pynyrẽita retaipi. ²¹ Judiore hareka haimba Judiovare haishu reta oujy verã Tumpa kyty, hareka jyve jyrojahe verã Ñandeja Hesu. ²² Ã'ẽi ahapo Jerusalenpe, shara Espiritu Santo kyrã heisherã, aikuamba'ãĩva mbaivara shy'ãrõ'ẽi haipe. ²³ Koñeĩ aikuaava hai, opaite tentare ahavaipi Espiritu Santo heishe shy'ãrõ'ẽivã shymbyperesoha verã hareka heta aiko'asy verã. ²⁴ Tẽivã opaite kova mbai ha'ẽiã shypya mbyvyamba'õ; hareka shyrykove ha'ẽiãjyveshe mba'eite, koñeĩ aipota vy'a ryheve ahahe ko añaniva japyapeve. Hareka hekope kavi ajapo Ñandeja Hesu hejasheva, ãmbeu'ai Tumpa jyhaihukue ryhevarã. ²⁵ Aikuaa kavi mba'etypokui peeva Tumpa huvisharã'õpe'õ ryheva ambeushu vekuare, shyreshajy verã. ²⁶ Hãrã ã'ẽi ko arape, aipota hai pee, mba'etyma oa sheãrẽi verã, mbava peeva Hesu jyrojambaheape manorã, ²⁷ shara opama ambeupe Tumpa potava, mbaimba añomivape. ²⁸ Hãrã pingareko pindijehe hareka opaite tupaope ñymbatyvare, shara Espiritu Santo pynypyhyrõ pingarekohe verã Tumpa jytupao, ha'ei huvypy ova vekua. ²⁹ Shara aikuaa kavi ahamarã, ouñoĩ verã yngavare, avara vasu ñarõva rãĩmi pota mby'opava tupao. ³⁰ Hãrã pynymbyteivipo mbava pũãkui mbai añetembava pyrẽimboihe verã, Hesu jyrojaheare raha verã haykue. ³¹ Pimoãpẽiĩ, hareka pymanduapohe mbahapy ãño, arakuepe hareka pyharekue shysay ryheve pepẽinteĩ peeva apyrẽimbarakuaa. ³² Ã'ẽi shyryvyre, airureshu Tumpa jyhaihupe ñyngareko pyndyrehe verã hareka ñẽiẽi haikavivapy ñyngarekopyndyrehe verã. Hai ĩmẽireva mbaikatu hareka mẽiẽipe verã pyrãtakue hareka heta mbai haikaviva mbeuva rãĩmi hai ña'ãpova retape mẽiẽi verã. ³³ Mapeã aipota pyhevi pymẽiẽishe verã kyrypoti hareka mondeava. ³⁴ Kyrãte verã, sheteiva amba'apo, apity verã mba'etysheare hareka shimi'ĩrũ'iare pevarã jyve. ³⁵ Haiñoĩ apyrẽimboihe marãrapo pymba'apo hareka ikotẽivẽiva pymbory verã, ñanymanduahe Ñandeja Hesu hei vekuarã: ''Me'ẽiã ñandevaivi javyave, mbai ñamẽiẽirã'' ³⁶ Opama hei kovarã, Pablo ĩñesu jurure hãndi reta. ³⁷ Hãrã opa jaheo reta, kuãkuãvashu reta Pablo hareka pypytejyre. ³⁸ Hãrã opaite mbasyjyrehe shara heishu reta heshaveama verãre. Haivi mĩ'ĩrũshu reta varko ẽivãpeve.