¹ Katim mtëytiuntë nits ke wiënë miktëytruntët. ² Je ku së teytiunën mati wiënë të xtateytiuntë naijie wiene mik tatëytiuntëp nits mati mtakioxtëp nayjiets myiktakipxtëp. ³ ¿Ti ku x'axtuktë puux unjk mati jëp mukuukj winjootyp, nits nixka'ix jë máts mati jëp këm mwinjootyp. ⁴ Ntso ixë mits mukuukj xnëmëtj: wën äts puux tjuuty mati jëpj mwinjootyp; nits nayjiep mits mwinjootyp máts. ⁵ ¡Mets jaay jiukyewië! jawiin xikpitsëmtët je máts mati jëp mwinjootyp nits x'axtuukët je puux mati jëp mukuuk winjootyp. ⁶ Kati ukj xmatë mati wats nëx nixkakëxt kutx wintuuy miti miits mëët mati tsownëx tsomku jë tawakpet'ookt nits tyik pukëxt. ⁷ Amatow nits mikmotët, ixtatë nits xpatët, winkoxtë nits atsumk lawatst. ⁸ Tukëyë mati t'amatoop kuentëpëkyptsjë, jets mati ixtëëpy piëtypy tse, mati tëkj winkoxp awats'xptsë. ⁹ Pön na yaitiëkeepy ma mits, ku iunkj iamatoyë wënë tsapkëëky, nits tmo'tj tsa? ¹⁰ ¿Okj ku t'amatoy akx nits tmotj jëyë tuukj tsaany? ¹¹ Na nixkëm miits mjakaoy jiaay mnijaweepy miits nits og xmotët m'uunkjtëëk ¿ntsots atëm nteety mati tsapjootm xkamoyën tumoy mati n'amatoyëm? ¹² Ntso miits xtsokt nits winkypë mtunxëtët nats miits jawiin xtunëtët; tëkëx kuna yaat kiutwkë mëëtye akapxpteekj ¹³ Tëkëtë mayë mutskj tëkjatsumkj; Je ku mä'wiinëx jë atsumkj jets mä'wiin je tuu mati yiknëkxp ma tutakoyën jets nimaynyëx tsjem nyekxt. ¹⁴ Je ku mutsk jë tëëk atsumkj, nits mutsk je tuu mati nëkxp ma jukyatën, nits ni ey mati tpatëp. ¹⁵ Nayixitëtë mayë jë winämp akapxpë ku wit tmumint na nixkëm nipëtx (oveja) jëts ku tiëywië uts ukj je mati tsutspë. ¹⁶ Jets tiëm këxmtsje yik'ixëtët ¿yiktukp uvas kup këxm ok tsapxits yotsp këxm? ¹⁷ Naynam tukeyë mati oy iuts tum oytsjë txiëëmë jets tuuk mati kaoy iuts tum kaoy tsjë tiëmä. ¹⁸ Tuuk oy iuts kë tsë kaoy tiëmë, ni tuuk kaoyuts tiëmët tum oy. ¹⁹ Tukëyë uts mati oy katëmëëpy yikpotjeknëptsjë nits yik jëën yuupëtnë. ²⁰ Nats tiëmkëxm je yik'ixët. ²¹ Ke tiukëyë mati wantëp wintsën wintsën nits je nyaxtët ma jëm tsapwin miäatën jë jëyëtë mati niteety txokën tun'jëëpy mati jëm tsapjootm. ²² Nimaynyëx jë xëëw äts wiënë xnëmëte wintsën wintsën ¿Kemts mits mxëëw ääts te n'akäpxt nits mits mxëëw këxm ääts të mäkuuy nkëxpitsëm jets mits mxëëw këxm ääts te ixpëët ntuny. ²³ Nits äts nikx ¡nëmë! Nijunë äts miits nka'ix'aty winwakwatskj äts miits ka oy tiump tëëjk. ²⁴ Nanyamë mati t'jamatop äts n'aaw n'ayuukj nits t'mumatoy natsje nixkëm yaytyejk miti wiiy miti tsak'ex tyejk to oy eepy. ²⁵ Ots tu miny mä nëë ots kiompety po'ots miny mäknex mam je tëëjk, jets je tëëjk ke kitaay, tikëx ko tsakëx jä ity kioyë. ²⁶ Jets tukëyë mati miatoopy äts n'aaw n'ayuukj nits ke tuny, natsje nixkën yaytiejk mati ka wiiy mati ots punax jooty tiëkj tik oyë. ²⁷ Kots ots tu miny ots mänë kiompëty ots pó miny jets tyik wintakoyt je tëëjk jëts ots tëjk kitanë jets mä kaje kiutakoynyë. ²⁸ Yaat ots tiunyë ku Jesús tkapxkex yat aaw ayuuk, jets may jaat atëy ajat tatant je ixpëkën. ²⁹ Je ku je na ity yik'ixpeky na nixkëm pën tmëtë kutuki, ke nyajë nixkëm jaywtëëjk (Escribas)