¹ Ku Jesús jots wyinpity ko'opkkëxm, nimayniex jä'äy pyanëkxë'ë. ² Jats tu'ukj jä'äy ma'aty pä'äm pu'uts myëtj jots wyinkunëkxatyë; nyayakuxë wyinkuky, wyan'oky: "wintsën, pën mits tsokpyë, mits ëts xë'ëkwatspë." ³ Jesús xa'atey jats tyonë, wyan'oky: "tsokypyë ëts wä'ätsajt jatyenëxë jots nyiwatsë pu'uts pa'am. ⁴ Jesús nyemxë: Axtu'ukj jats mits nipën tsoxkanëmëtj ya'aytyekjä'äy. Paneekx mtu'u, jats nyaknyikäxjëjät te'ety wyintsën wyinkukpyë (sacerdote), jats xmoot wintsekën (ofrenda) tso'om Moises jots pawa'any, notsë niawatat matyeakj. ⁵ Ku Jesús ity të ty'eka ma'am Capernaúm, tu'ukj niwintsën (centurion) wyinkuminatë jats yamatoya, ⁶ wyanoky: wintsën, jëtsen tümpë pyo'oky tëjkentum, te xu'uxnë jats mëknäxy pyëkyä. ⁷ Jesús nyëmxë: nëkxpë ëts jats nyektso'okj." ⁸ Niwintsen (centurion) yatsoëmpity jats nyemxa: witsen, kë ëts wa'atsa jats mits ëts tikpye tëjketj: kapx mits jäyë, tso'okjpë ëtsen tumpë. ⁹ Ëts naynya yäytyë'ëjka'ay ma'aty kutu'ukj me'et jats jam këjemë tsiptumpë të'ëjk, ëtsë nëmë 'nëkx' jats ja nyikx; jats atu'ukj nëmë, min jats ja myin, ëtsen túmpë tu'unyätj jats na tunnyë. ¹⁰ Ku Jesús na tmato'oy, ate'ey aja'ata jots tya'any jats ne'emjay maty yity patuyo'oyanaxapë: tëyatam ëts miits ne'eme, nima ëts na kapa'ty ëts na y'anxyawa'an ya Israel. ¹¹ Miits nëmë, nimaynyëx myintät ma'am xe'ew pyitsem jats ma'am xë'ëw kyita'aky, jats nikx me'etsenë kaywyët'äy Abraham, Isaac me'et Jacob, ma'am oyatan jam tsa'apotm. ¹² Jats yekjkutu'ukpë yu'unk të'ëkj nike ja yekjkuyupënyëtë ako'otx atupyë, ma'an nikx yaje jëyen yaxën jats natyëtsëyë. ¹³ Jesús nëmjäy niwintsën (centurion): ¡Tuyo'oy! Na tsom të xteyawa, natsë tyunët mits këxm. Jats tyumpë jots tsyo'okj jättyë. ¹⁴ Ku Jesús yja'aty Pedro tye'ekjkentu'um, jots tixa Pedro myetjta'akj mya'ay yë'ënoky. ¹⁵ Jesús to'onjay kyë, jats jetyä jëmpa'am mya'astu'utë. Nits jots pyutëkj jats kyä'äky tyo'okx myoyë. ¹⁶ Ku ity yu'uxëy, Jesús ja'ay tya'anekxatëtä nimaynyëx ma'aty yity kyä'oywyë wentunëp. Jots kaoypyö tyekpitsëm tu'ukj ayu'ukj kexm, jats nitukëyë tyekjtsokjkëx ma'aty pëkëpj. ¹⁷ Nats ë ixa jots kyuytyünyë tsom yite të yean Isaias, ja aka'apxpë, wyan'oky: "ja ke'em jenen pa'am tet pako'onyë jats patsëmtë ënen ato'onën." ¹⁸ Ku Jesus tix kawinëmpye jä'äy nyiwititye jats pawa'an jats nyekxtet Galilea mya'axnyëwa'am. ¹⁹ Nits tu'ukj a'aywya (escriba) nyiata jats nyemxë. "yekjixpëkpë, pa nekxpë ëts mits pën ma mits nykx. ²⁰ Jesús yatso'ompitë: yë waxtë myet yetë tsyënë tya'akj, jats jo'on maty tsa'apwinyee jamyë pyëan, jats yaytyekj junky kë tyt mëtä ma kyuwakj pë'ëmt. ²¹ Atu'ukj tyumpë nyemyë: "wintsen, nikx ëts awin nte'ety nitäjä. ²² Jesús jots nyëmxë; "patso'onkj ëts, jats mastutj wan ye'e okjpëtekj këm nitajate jyokpë. ²³ Ku Jesús jots tyekë barco jotm, tyumpë tekj jots pyatekjatyete jam. ²⁴ Jats jots pyutekj tu'uk; më'ënäx po'ome'et tuu ma'axn'ëjotm jats ity barco jotm ne'e te yayoyekyexnë. Jatsë Jesús ma'apë ja yity. ²⁵ Tyumpë tekj yanekxtëtë jats yekjniwiatë, nyemokxë: yëkmëtakj ëts, wintsen, ¡okj kexwanëpj ets! ²⁶ Jesús nyëxëtë: ¿Tikex mits tsekëtë, mitste amu'uks aawan? Nits jatya pyutëkj jats twinkapxpety po'o me'et ma'axnye'e. Nits ots yateyë tukeyë. ²⁷ Ya'aytye'ekj jä'äy ate'ey ajata tya'anta jats nawyanate: ¿Pën yaytyekj jä'äy yati, ku po'ojme'et maxnyë'ë myumatoya?. ²⁸ Ku Jesús te yity ya'atj atu'ukj pa'am jats Gadarenos kyapjoty yity, nimä'äks yaytyekjä'äy ma'aty yity wentu'unëp kyäoywyë jots me'etnawyatyatë. Jam jayity pyitsemtë kawisanta jats kaoyja'aynyëxja yity, nats ja yity nipën tuyoywya jam kyanaxt. ²⁹ Nits yaxkëktë jats wyanta: ¿Ti ëts mits ta muyoj, Dios unkj? ¿Jatex niminy jats ets xmutsipëtj käna'am jana tapa'aty? ³⁰ Nits yity nimaynyex kutx yëkxanaxtë jakämjawa. ³¹ Ja kya oywya yity Jesús mukaxatetstë ne'emoke: "Pen mits ëts jakam xpëktakpë, pakex ets ma'am ixim nimay kutx. ³² Jesús nyemxetë: ¡Nekxtë! jats kyäoywyë pyitsemtë jats tatekjetye kutx. Nits jots, nitukeye kutx, nyë'ëputpetkËxtë jats nitukeye nye'eokpatkëxtë ma'axnye'eotm. ³³ Ja ya'aytyekj atye maáty tse'em ye'ekjekxoktë kutx kyektakoykjëxtë. Kots jots kyaptekjketë, tukeye jots matyaktë, tso'om te yÄtyëte yaytyekjatyë ma'aty tsemyë wantunëpj kyäoywyë. ³⁴ Nits jots tukeye käpj wyincuminatye Jesús. Ku jots ixte, jots munukxtakta jats nikäktj kapj.