¹ Nyäy'ixitë; kati mtëytyu'un xyëtnikajxë'ëktë jä'äywyinkujky jats yëk'ixt kunäj m'ätë'ëtst kääts mojët ju'uny mteëty'äjtën mati tsäpjotm. ² Ku mits muku'ujk meeny xmo'ot kati xuujxyëkä'äjxy tso'om atë'ëtstë mati'i matskjä'äy'äjt myë'ët, mäj yo'oymkuktäjk, tu'uapy, jats tkuentëpëjkët jä'äy xyontäjk tyëy'ajtp ëts mits nëjmë jatë tëja'a tkuentëpëknëtë y'uuny. ³ Kumits jä'äy xmeenymyo'ot katij mänäjy kyë'ë xtuknijäwë tijm akankyëë tyumpy, ⁴ ku mits jääy xmeenymyo'ot amaatsktsaxtu'unt näjts kumtëëty äjtën m'ixë jats ama'atskjaxtuny nojëptsa'a ju'uny. ⁵ Kumits mnukxtä'äktë, katits näjm'atë'ëtsx tso'om mati i matskjä'äy'äjtmyë'ët. Ja'atsatsxtsoktëp nyukxtä'äktët tana'apy tu'apy jats yo'oymyutäjk jotypy (sinagoga) jats näj jääy y'ixët. Tyëy'ajt ëts mits nëjmë ku tëj jayu'uny tkuentëpëknë. ⁶ Kumits mnukxtä'äkt mtikypy mits mnëkxt japts mnyäkni'ätukpätë, näjts äma'atsk mte'ety xmunukxtä'äkt kumteety tëm'ixë ayuutsx mojëtsa'a m'ju'uny. ⁷ Kumits mnukxtä'äkt katix'awimpijtë'y'tëj tsoom ätetstë jä'äj, matii ka'a judios, näj'a wyinmaytyë kujt'awinpitëy'it nitsë yëkmätojët nyukxtäjk. ⁸ Katij mits näjnyäj m'atë'ëtsx tëja'a mteety tnijäw'eenyë tijmiits mkäti itsxëp näyjyam miits xkäyëktëwtë. ⁹ Näj miits mnukxtä'äktët: Ets ën teety mati jam tsäpjotm wanxyë'ëw twä'ätsjaty, wanyäj mkutujk tminy. ¹⁰ Wayäj näxkëjxy näjmtsojkën tunyë tso'om jam tsäpjotm. ¹¹ Moyky ëts mits tsäpka'aky mati tukxëëw atukxë'ëw. ¹² Makxtujkjaaky ëtsën yoj tso'om ëëtstëj nmakxtykytë nmuyoj. ¹³ Kati ëts mits jamxyëk'ajty majam winmany'ixpë tukniwatsk ëts kyä'oywyë. ¹⁴ Pën mits makxtujkjaapy jä'äy wyinkapxnajx mteety'ajt mati tsapjotm makxtukëptsa'a näynijäj. ¹⁵ Kuxkämakxtujkët wyinkä pxnäjx ka'ats mits mteety makxtukët. ¹⁶ Näjnyäj kujm'ayujët, ka'ayëk'ayow wiin ääw xtun këxtët tso'om atëtstë matimatskjääy juky etyëp, akëx yëk'äyow wyiin y'ääw tunkëxtë jats jä'äy y'ixët kujy'äyujëtë. Tëj ajt ëts mits nëjmë kutëj ja tkuentëpëkne yju'uny. ¹⁷ Kumits m'ayujët pujtëj wiin'määw näwyokëxëtë, ¹⁸ najts ka jä'äy xtuknijäwët kumits m'äyujë ja jäyë mteety mtuk ixypy natywuk ämatsk, ku mteety m'ixëtëj ayuujtsx mojëptsemju'uny. ¹⁹ Kati miits xkonjëëktë yäj näxkëjxy mati tsowätp mäjkäywyë mëëtë umytëkutäkoyty maj matspnyäxtë jats tkonka'akt. ²⁰ Mati miits mtu'ump tsapjotm xyëkmäyët mati tsowätp mäj käywyë; umytkäyëkutäko'oyty, mäj matspë kyänäxtë jats tkonka'akt. ²¹ Maj mitsë xyëk'itë matii tsowätp jamts miits xyëk'it m'ämjo'ojt. ²² Wiin yë'ëja tukeyë kyunokypy nëkëjk pën aj mitsë wiin jamtsa'a äjä'äjk y'ity mnikëxm. ²³ Pënka'ats winn y'oyë akotsxëtujy tsa'y'ity tukëyë mnikëjx, aja'ajk y'änätyijë jats jäm ako otsx'äjt ¿nixënmyëjë yë'akotsxëtu'ujy?. ²⁴ Nipën tkatujnët nimatskwintsën, tsx okpja tu'uk jats atu'uk tkä'oy'ixt, näjnyäjmë tyunëpja tëy tukwintsën jats jatuuk ka'aj tmëjpëktä'äkt. Kamitsaxtujnë Dios jats mëkjä'äy'ajt. ²⁵ Xyäm ëts mits nëjmë kati xkuentëtuny mjuky'äjt tijmkä'äypy tij m'uukp näynyäj mnikëjx, jats tijmnätyäxoxëp. ¿Tikëx ku'käyën ujkën ka'a tnäspätë juky'äjt jats näynyämë wit jats nikëjx?. ²⁶ Ixtë mitsë jo'on mati pojyo'oypy. Nitij tkäniiptë tkäkojnjëktë nitëmt tkäkonmuktë jamteety tsäpjotm jatsa'a moyëp tijy'ëkxp. ¿Ka'amts miits mtsoowätnäxtë qe yëtë?. ²⁷ ¿Pënja'a mamiits jats tjatsoknaxy jatukënuux juky'ajt y'exë wimpety?. ²⁸ ¿Tikëx kuj xpäwinmäytyë mwitmxox? Winmäytyë tsoj kämjotm pëjy yo'ony, nikyä tuntë nikyäwitxuytyë. ²⁹ Näjnyäj ëts miits nëjmë ni Salomón ojts wyitnäjtkäpëmy oy'käwinëmpyë mëj 'äjt (gloria) tjamëët'ëëyën katsë näywyitnäj tpëmy tsoom pëjy. ³⁰ Pën Dios tëjkopk täxoxy më'ëy (cesped) mati ixyäm ja eepy, jats kyumjäwomëp yëknoknë ¿Ka'ats xtÿy miits näy nyäj myëkxoxtët mits yinëm jatsxjäw'ewyë?. ³¹ Kätits miits xpäwinmäy'o'oktë jats wantët ¿ti ëëts nkä'äypy jats tij ëëts n'uukp? ¿tijnätyäxoxëm?. ³² Yë'ëja ixtäytyëp mati ka'a Judios jats mits jamte'ety mati tsapjotm nyijäw'eepy tijkyäti'ijtxëp. ³³ Ixtä'ä jawyiin kyutujk mëët tyëytyu'un nits mits myëkmo'ot tukëyë. ³⁴ Näynyäj katixpäwinmäy'o'oktë mati jäwom, mati jäwom jamtsa'a näynyäj mati yekpäwinmä'äyty, tukxë'ëw atuk xë'ëw kawinëmpyë tsip tmëtë.