¹ Njite Sanbalat jimi cádanaco ferretaca Jerosalen iwai, kerroacani wacjoete pekirritsa njite lriniita lricaaca naicao njaji judionai. ² Njemi werrico njaji lrikitsiñape njite njaji tsolrodaonai aimadanadan Samaria lricope, lriaco: ''¿Coanpeca njaji judioni orraipemi? Cotsa nataitá carroca nerretaca tsenacja jliaji yacaalre njawaacatsa. ¿Nataita pidaotsa nainoca maaficalri naDiote irso?¿Padaa nacotsaotsa nataita na matsietaca pjiomi?Corrinatsa nataitá carroca nacafietaca njaji jiipada jiwacapemwa papocotsa namjaita caojli piana.'' ³ Njite Tobia lrinaidalritsa, iaco tsacja: ''Mi perrits jliaji yacaalre iwai njerretalri, apana yamapoipoi jirra cadantja lrinaco lripeeco tsantja lriwao. ⁴ Njite notatja Dio iinai, noaco: ''Pjia wa Diote, pjimica narso njaji icaacaperri waicao. Picadaa jliwaca nanacotsa njaji yacoti necaashopa waicao njite picadaotsa njeponda iñaitocana. ⁵ Macadaatsa jliyapaca pioya namatsicanaa, mjaatatsa naoya njaji nanaitjanda maatsi Pipeyajle. ⁶ Cayotsa wadenji ferretaca jliaji yacaalre iwai njite pamoyoena ferretacan ima pomenaca njaji inaiki nadenjican. ⁷ Mitsa Sanbalat, njite Tobia, njaji Árabenai, njaji Amonitanai njite njaji Asdodeonai kerroacana pekirritsa njemi cádanaco lria catsa lripeyajleo jliaji idenjikjeti njerretaca Jerosalen iwai, njite naita tsacja pjiomi na jolrontacawape pia. ⁸ Niini nawacaacawa pjiomi nacaitiacá carro naino carro fa njite nano nainoacá carro Jerosalen icjoete njenetá carro waoya wawaopiakje wacjoete waaca. ⁹ Mitsa fa, watatja catsa wa Dio iinai njite wacadaa pada iwapacaoda fa, lricapá carro waicao deepi rico jaalrewerrico tsacja ima nacaite nainocaotsa fa. ¹⁰ Njĩte naaco njajĩ Judá lricope: Njaida iwayaca kenawa njajĩ ideecape warso njajĩ wadenjĩshopa. Ima aimaca njaji lriwaimi pjia jiwacapemi njite cotsa wataitá carroca ferretaca jliaji yacaalre iwai.'' ¹¹ NjIte njajĩ wacoena nacaite cayojĩ: ''Cotsa najĩ carroca corri tsacja nacapá carroca coan cadanacocaotsa waoca naikjaolre niiniotsa waino caotsana yaamí carroatsa nadenjica.'' ¹² Jlia wajli pia njaji judionai iofacapewa tsoomi naoya cjaite catsa nano waderse caaco carro wainai, die walria caacocana warso nacaité carro coancaotsa nanoca waicjaolre njaji wacoema . ¹³ Niini nocadaaca inaiki lri pocoda naco jliaji yacaalre iwai, njiteajĩ corricawa toa taimi. Nocadaa narso naapana icoam na matsetaniwa, na molrocon njite nayawitashopa. ¹⁴ Njite nocapa, njonico noemawa caaco carro njoa narso njajĩ caconaadalripe, narso njajĩ iwapacaperri fa njite narso pjiomi njajĩ inaiki aimadan. ''Ma fietaacatsawa.'' Iwaada wa Minalri naco, jliaji Macadalri pja pjiomi ioya njite itaitacada inaitjaca cocacatsan. Inoacawatsa ikitsiñape icjaote, yeenipe, iitonaipe, ininai njite iipana ikajote tsacja. ¹⁵ Mitsa njaji wacoema, njemi cádanaco oopica wajĩ coan piaca nawaopiakje wacjoete, njite Dio imatsiketa nawaopiakje wakjoete, wadia tsenacja wadejĩ yacaalre iwai, nacoana nadejĩcawa lrico. ¹⁶ Jlia wajli pia, pamoyoa nanakjoite njajĩ norsoperri icaamitsa nadejĩrrica njerretaca tsenacja jliaji yacaalre iwai, njite njaji pamoyoa njepaca na caapi rico na molrocon, na danaita, na yawitjioco, njeeta tjacja nanacoa nadanawa, njite cadana njaji naapiyawanai neema nadanawa njaji aimadan Judánai. ¹⁷ Njite tsacja njaji idenjicape, njaji jirretacape yacaalre iwai njite nadee tsacja nadejĩshopa nawapaaca tsacja nadejĩcawa lrico. Pjiomi nadejĩca. Pema sho nadejĩ njite pema sho njepa nainoaca shopawa. ¹⁸ Pjiomi idenjicape narsoca nanaco na matsetani, cayo pia nadejĩca. Jliajĩ ipjia cada tsompeta nocodapitsa lriemawa. ¹⁹ Noaco narso njajĩ caconadalripe, narso njajĩ tsolrodaonai caconaperri njite narso njajĩ inaiki pjiomi: ''Aimadalri jliaji idejĩkjeti njite aima toa wapjeya, njite teeco fa waoya waaca wadejĩrri niini yacaalre iwai. ²⁰ Kjerre-rse cadaotsa jimi jliaji trompeta kjeyaotsa iwacaacawa nirse. Wa Diote tsaotsa inoacawa waicjaote.'' ²¹ Cayo piatsa wadejĩca jliaji wadejĩcalre. Pamoyoa wanacjoite njepa na matsetani piyoomi nacjoite papienirri deepi nacojlena. ²² Nocaite tsacja narso njaji inaiki: ''Icadaotsa njaji atsianai narsodalri iapiya njeyapá carro Jerosalen iwawalricojle matsiá catsaotsa nawapaca fa deepi rico njite nadenjĩ carro jaalrewe rico. ²³ Niini njoa, njaji no kitsiñape, norsoperri, njite njaji iwapacape njoa a kjerre catsa noawajĩ, corrin pada wanakjoite sheta padenacja tsiorra, waa cádanaco waoma ooni, corrin wamaca waoya wainoaca shopao.