¹ Niini Eliasib, naapiyalre njaji sacerdotenai, jlinicoa naapiya njaji lriweenai sacerdotenai njerretá carro Oveja Ipananoma. Namatsieta jliaji pantinoma nacadaa carro tsenacja nerocawa lricotsa. Teeco jlinaa namatsietaca, lrinacjoite jliaji Yenondalri Cien dalri iipitana lriocawa Yenondalri nacojle Hananeel dalri iipitana. ² Njite dalri njaji atsianai Jericó lricoperri nja imatsietana, njite dalri Zacur, Imri irri idenjini. ³ Sena ienipenaipe inaitja Copje peco Ipananoma. Nerroeta pantinoma irrocarronao, nerroeta njaji pantinoma, nerroeta tsacja naita shopana taimina njite jliaji jaico nataimita shopana. ⁴ Lripeyajletsa, Meromot, Uria irri, Cos irri imatsieta lriyarro wajle. Lripeyajletsa, Mesulam, Berequia irri, Mesezabeel irri imatsieta lriyarro wajle. Lripeyajletsa Sadoc, Baana irri imatsieta lriyarro wajle ⁵ Napeyajletsa njaji Tecoitanai namatsieta nayarro wajle, mitsa njaji naapiyawanai corri njeepa njaji icapacape naicao cayoji nacadaa capisho nadenji carro matsia. ⁶ Joaida, Paseah irri njite Mesulam, Besodia irri namatsieta jliajĩ Pantinomaita Opidalrim. Nerroeta pantinomaita irrocarrona njite napananomao, naita shopa taimi njite cocolriede tsacja. ⁷ Napeyajletsa Melatia Gabaon dalri njite Jadon Meron dalri, njaji atsianai Gabaon perri njite Mizpa, namatsieta jlitawajle-ca jliaji lriofalri niinio jliaji iwapacada yacaalre, adalripjate Ooni macapeki Eufrate ioya. ⁸ Lripeyajletsa Uzie, Harhaia irri, pada nanakjoite njaji inaitjacape patjepji owirrodape, namatsieta tsacja, njite lricodapitsa Hanania, pada inaitjacada pomeniajai. Njerreta tsacja Jerosalen nainai, teeco jlinaa nadenjica nincawa lriwai macaite. ⁹ Napeyajletsa Refaria, Hur irri, lrimatsieta tsacja nainai. Icapiatsa talricanaati tsacja nanaco njaji pamoyoa inaiki imaimaca Jerosalen lricope. ¹⁰ Nacodapitsa, Jedaia, Lricodapitsa Hatus, Hasabnia irri lrimatsieta tsacja. ¹¹ Njite Malquia, Harim irri njite Hasub, Pehat Moab irri namatsieta tjacja pawajle njite na matsieta tjacja jliaji yenondalri nawaca carroda tiyee. ¹² Napeyajletsa Salum, Halohes irri, icatsa pada tsacja talricanaati iwapacada pamoyoa nanacjoite njaji inaiki Jerosalen lricope. Lri matsieta tsacja pawajle nainai njaji lriitonaipe. ¹³ Njite Hanun naapiya njaji iofaacape Zanoa lrico namatsieta jliaji Pantinoma pacoacaita cawa kema jle jiipai. Na matsieta matsia nja Pantinoma, nerroeta nataimita shopan njite njaji cocolriede. Na matsieta 450 metro, teeco lriocawa lri matsipeda Ipananoma nacojle. ¹⁴ Malquia, Recab irri, jliaji iwapacada njaji Bet Haquerem lricope, Lrimatsieta jliaji Matsipeda peco ipananoma. Lri matsieta matsia nja Pantinoma, lri roeta nataimita shopana njite njaji cocolriede. ¹⁵ Salum, Col Hoze irri iwapacada njaji Mizpa lricope, lri matsieta jliaji Pantinoma Ooni peco dalri. Lri naitja tsenaca walridalri njite lriitani matsia lri cadaa carroena pantinomaoni njite lri roeta nataimita shopani njite njaji cocolriede. Lri matsieta pja tsacja lriwai Ooni iarrona cawa Siloé dalri, tsoomi talricanaati ipaniapji ioya, teeco lriocawa pjerra carrona nacojle yaacada David iyacalre lricojle. ¹⁶ Nehemia, Azbuc irri, icatsa iwapacada pamoyoa naco nanakjoite njaji inaiki Bet Sur lricope, teeco lri matsieta pjeyapacawa David icaonam, teeco lriocawa lrinacojle jliaji ooni iarrona atsianai naitjanda tsa, teeco jlinaa naapana lricojle njaji atsianai cjaida perri. ¹⁷ Lri peyajletsa, njaji Levitanai namatsieta tsacja, njite Rehum, Bani irri ikitsindatana. Na pjeya tsa Hasabia, talricanaati iwapacada pamoyoa naco njaji inaiki Keila lricope. ¹⁸ Lri peyajletsa, njaji lrikitsiñape namatsieta tjacja yacaalre iwaimi, njite nainai tjacja Bavai, Henadad irri, pada talricanaati iwapacada njaji inaiki pamoyoa naco Keila lricope. ¹⁹ Lricodapitsa, Ezer, Jesua irri, njite icatsa pada tsacja talricanaati iwapacada njaji Mizpa lricope. lrimatsieta tsacja nacjoete yacaalre iwai pjerracawa nacojle nacadacawa lrico njaji nainoaca shopao oowi rico, yacaalre iwai itonjiwi naco. ²⁰ Lri peyajletsa, Baruc, Zabai irri imatsieta tjacja pawajle lriwai , lridenji lricaolre lricjoite. Lri matsieta lri wai itonjiwi nacjoite, lriocawa Eliasab ipananoma nacojle, jliaji sacerdotenai iapiyawalre. ²¹ Lri peyajletsa, Meremot, Uria irri, Cos irri, lri matsieta tjacja pawajle lriwai. Lri matsieta Eliasab ipananoma nacjoite neeco lriipana iwayacacawa. ²² Tsomi lrioya nadenji njaji sacerdotenai, njite njaji atsianai iofaacape Jerosalen iwaipoco naco na matsieta lriwai. ²³ Na peyajletsa Benjamin njite Hasub namatsieta naapana iecjoetetsa. Na peyajletsa Azaria, Maasia irri, Anania irri. Lri matsieta tsacja lriipana yeecoa naco. ²⁴ Lri peyajletsa, Bunui, Henadad irri. Lri matsieta tsacja pawajle. Lri denji Azaria iipana lricjoite teeco lriwai itonjiwi nacojle. ²⁵ Palal, Uzai irri, lri matsieta lriwai itonjiwi icjaolre njite yeenondalri nacjoite, jliaji yaacadao talricanaati ipana lricjoite lriwapacawa lrico jliaji iwapacaita. Lri peyajletsa Pedaia, Faros irri, namatsieta tsacja. ²⁶ Njite njaji idenjicaperri Dio iipana lrico, njaji iofacape Ofel lrico namatsieta tjacja Ooni peco ipananoma icoemjete, jeerri imoto kemjete lrirso jliaji neemetanda yeenon dalri pja paana ioya. ²⁷ Lri peyajletsa, Tecoita imatsieta tsacjapawajle, lricoemjete tsa jliaji nemetanda yenondalri, teeco jlinaa Ofel iwai nacojle. ²⁸ Njaji sacerdotenai, na matsieta Caballo Ipananoma iicao, nacoana namatsieta pawajle naapana icoemjete. ²⁹ Na peyajletsa, Sadoc, Imer irri. Lri matsieta lriipana icoemjete tsa. Lri peyajletsa, Semaia, Secania irri, jliaji iwapacada pantinoma jeerri imoto kemjete. Lri matsieta tsacja pawajle. ³⁰ Lri peyajletsa, Hanania, Selemia irri, njite Hanun, jliaji sei shopa Salar irri. Lri matsieta tsacja pawajle. Na peyajletsa, Mesulam, Berequia irri. Lri matsieta naapana yeecoa naco. ³¹ Lri peyajletsa, Malquia, pada nanacjoite njaji inaitjacape patjepi owirro sho. Lri matsieta naapana iwai njaji idenjicaperri Dio iipana lrico njite naapana iwai njaji iwende cape injaodati iofaacape nacoemjete tsa njaji icapacaperri naicao, yacaalre iwai itonjiwi naco. ³² Njaji idenjicaperri patjepi owirro sho, njite njaji comerciantenai na matsieta njaji panti macadapanape iemalriwa yacaalre iwai itonjiwi naco, njite na matsieta tjacja Oveja ipananoma.