¹ Njite jliawajle njaji Filisteos nai nawaketa njaji na tsolrodaote nanaitja carro oowi naapiya njaji Israel inaikite. Aquis icaite David isho cayoji, "piajin tsaotsa piinoca noinei nainei njaji tsolrodaonai aimadan, pjia njite njaji pi atsiate." ² David iaco jiepaca Aquis, "Niiniotsa piaji cocaca notaitalri nonaitjaca njoa pishodalri." Njite Aquis iaco David isho, "Nonaitja pedaotsa pjia iwapa caoda njoa caidalriwetsa." ³ Panaya oopina mayami Samuel, njite pjiomi Israel naiyacani njite nadavani aji Ramá rico, lri yacalrem ricotsa.Njite tsacja, saúl ipeeco jlipaite ioya njaji caacoperri mayamperri iapiya o nacaolrem iapiya. ⁴ Njitedalri njaji Filisteos nai nawacacao nano carro nemáa aji Sunem rico; njite Saúl iwaketa pjiomi Israel, njite nemaaca aji Gilboa rico. ⁵ Saúl icapa cadanaco njaji filisteos nai itsolrodaote, lrifio pekirritsao, lricaolre ifiowa. ⁶ Saúl itatja wa Minalri iinei lri kitsinda tacarron, mitsa corri wa Minalri jiepani-- corri jlitapon ricoca, corri Urim shoca, corrim tsacja inoparrota cape shoca. ⁷ Njitedalri Saúl icaite lrisoperri isho cayoji, "Iomaji nosho apama iinarro caaco darro mayamperrim iapiya, noa carro rroicjaolre njite roa carro nosho iacoti." Naaco njepacan njaji lrishoperri, "picaokje, niini apama iinarro aji Endor rico icaite cada caacoca mayamperrim iapiya." ⁸ Saúl inaitjacao tecojle carro pacapani, jlieta paanatsa ntsaya, njite yamada atsianai iaa lriinei; naacarro deepi rico roicjaolre shoaji iinarro. Saúl iaco rosho shoaji iinarro, "Notatja piinei, caaco pjia icaojletim iapiya nonaco, njite pidee nosho cjaiterrica nocaitelri pisho." ⁹ Roaco shoepacan shoaji iinarro, "Piajintsa jliaji Saúl inaitjalri, coanca lrifaarroca njaji caaco perri naapiya njaji mayamperrim o icaojletim. Njite ¿Coada pinaitja nosho jliaji njowa carro lriricoda, naino carro njoa?" ¹⁰ Saúl imashaata rosho wa Minalri naco njite lriaco, "Cayoji caafi capisho jliaji wa Minalri, corrim watsa tso nja rapjiteta pjia lrima jliaji nonaalri pinaitjaca." ¹¹ Njitedalri ruaco lrisho shoaji iinarro, "¿Cjaiterrio jliaji piomalri nodeeca pisho?" Saúl iaco jiepaca, "Pidee nosho Samuel." ¹² Rocapa cadanaco Samuel shoaji iinarro, rroiya kema njite caaco Saúl ishono, roaco lrisho, "¿Coada picashaata njoa? Saúl cadana pjia." ¹³ Lriaco rosho jliaji talricanaati, "Mafiotsao. ¿Cocao picapa?" roaco Saúl isho shoaji iinarro, "nocapa pada dio jirracao jipai ricjote." ¹⁴ Saúl iaco rosho, "Coaji pacapa cani." Roaco lrisho. "Ape atsia pekirrina jirrao jipai ricjoite; jlietacao pada tsayanalre sho." Saúl iaji Samuel cani, njite lritoda lriecoa jipai nacjolre lricañjata carro lrisho lrifioca lriiwana. ¹⁵ Njite Saúl iaco Saúl isho, "¿Cuada pima nocaoca njite pidee njoa yenonshe?" Saúl iaco jiepacani, "Njotaca nocaolreo, ima nanaitjaca oowi nocjoete njaji Filisteos nai, njite Dio imaca corriitsa jliepaca njoa, corrim tsacja naji inoparrota cape, corrin tsacja njotapom ricoca. Caicarro nowanaca pjia, picaite carro nosho cocaca jliaji noshotsa nonaitjaca." ¹⁶ Samuel iaco lrisho, "¿Cuadao jliaji pitatja njoa, wa Minalri cadaanatsa jliaji imacalri pjia, njite Jli pondataca pjia panaya? ¹⁷ Wa Minalri inaitja catsa pisho jliaji Lri caiterri pia lrinaitjaca pisho. Wa Minalri jitaca picaapi ricjoite jliaji pi talricanata cawa njite lrienacja ape ishoni David isho." ¹⁸ Corri capoa pjiepa wa Minalri icaiterri pisho njite corrim tscja pinaitja Aimelec isho jliaji Lricaiterri pia pinaitjaca, caicarro lrinaitjaca pisho jliaji lrinaitjalri. ¹⁹ Njite jorrepja, wa Minalri icadaa watsa pjia njite Israel Filisteos nai icapi rico. Tjewaotsa pjia njite njaji pienipe mayami caotsa jia. Wa Minalri icadaa tsacjaotsa njaji tsolrodao nai aimadan Israel ricoperri nacaapi rico njaji Filisteos nai." ²⁰ Njite jliadanaco Saúl jiwa jipai rico njite jorre lri fiocao lrima jliaji Samuel icaiterri lrisho. Corriitsa cjaida cani, ima corri coca lriiñja jliada jalredaoca, corrim tsca jliada deepica. ²¹ Rono Saúl icjaolre shoaji iinarro njite rocapa jlitaca lricaolreo, njite roaco lrisho cayoji, "Picaokje, njoa pishodarro njoepa piaco; noaji cadana nataita cantja nainoca njoa lricjaote mitsa njomi jliaji picaiterri nosho. ²² Panaya, notatja caiwi ricotsa piinei, pjimi carro tsacja jliaji nocaiterri pisho njoa pishodarro, njite picada nodee piñjao. Piiñja cjaidaa carroatsa pjia pidia cadanacoenao. ²³ Mitsa corri Saúl ioma njite lriaco, "Corritsa noiñja carroca." Mitsa njaji lrishoperri, roapiya shoaji iinarro, nacaite catsani, njite jliepeca na. Caicarro jlinicocao jipai ricjoite liofaa carroa cama rico. ²⁴ Shoaji iinarro rosho pada baca tsooni toa ropana lrico; rokjeyapiteeca roinocani; shopa harina, ropatsicaní, njite ronaitja peetje meewitetsa. ²⁵ Rodee Saúl ishoni nasho tsacja naji lrishoperri, njite naiñja kjetsa. Naiñja cayamina njenicoa njite naawa jliada deepitsa.