¹ David iaco lricaolre rico: "Cuan cadanaco catsaotsa Saúl iino njoa; matsia pja nosho jliaji nopitoca njapaite she njaji Filisteos nai; mapjiotsa lriomajica njoa jliaji Saúl a pja naoya pjiomi njaji Israel ijipaite ioca cawao; niini cayo tsaotsa nopitoca lrioya. ² David jinicoa njite lria napiya njaji seiscientos atsianai lriinei perri, Aquis ideshe Maoc irri, talricanati Gat ricoda. ³ David iofaa lriinei jliaji Aquis aji Gat rico, jlia njite njaji lri atsiate, nacuanatsa napana njite jliaji David napiya njaji yamama lrininai, Ahinoam shoaji Jezreelita, njite Abigail shoaji Carmel darro, Nabal iinom. ⁴ Njite nacaite Saúl isho David ipito keeca Gat she, caicarro corri ketsa lriomajini. ⁵ David icaite Aquis isho cayoji: "noketa cada matsiadalri pipjeyajle, picada nosho noofa carrodao narricoda njaji yacalrepe teecope jlioya jliaji yacaalre macadalri, noofa carro niinio: ¿ima, cuadantja noofa piinei njoa pishodalri aji talricanati iyacalre rico?" ⁶ Caicarro Aquis iaca lrisho jliaji Siclag jliada jalredaoca; Caishopa Jliaji Siclag nayadaca njaji talricanati nai Judá ricoperri ate panashete. ⁷ David iofaa najipaite rico naji Filisteos nai pada oonia njite cuatro keerri. ⁸ David njite njaji lri atsiate naino mana namaimaca naofaa cawao njaji guesuritas nai njite njepa mana njaji nayarrope, njaa mana tsacja njaji guerzitas nai, njite njaji amalecitas nai; ima nanacjoite jipaica nano njaji iofaa cape Shur jipaite ico, teeco Egipo jipaite ricojle tsacja. Oopi perritsa iofaaca niinio. ⁹ David iino mana njaji njapaite njite corrim mana lricada caafi atsia corrim tsacja iinarroca; lridee mana njaji oveja, njaji bueyes, njaji burro, njaji camello, njite njaji natsayan; lridia mana tsencjao Aquis ideshe. ¹⁰ Aquis itatja cadanaco manani, "¿Cjaitenaiwa njaji pjita iyarro oopica?" David jiepa manani cayoji, " Naoya njaji jerri patuljekema Juda rico," o "Naoya njaji jerri patujlekema Jerameel rico," o "Naoya njaji jerri patujlekema nayada njaji quenitas nai." ¹¹ Corri mana David jipa atsia o inarro caafitsa lridee carrontja na Gat ricojle, lricaite mana, "Corri carroatsa nataita nacaite wanaco, 'David inaitja jlia njite jlia cantja." Icatsa lrinaitjalri mana piaca lriofaa coajle njapaite rico njaji Filisteos nai. ¹² Aquis jiepa mana David iaco, njite lricaite mana cayoji, "Jliwacatsa inaitja matsi carro nacao lrisho njaji lriyacalre Israel; caicarroatsa noshodalri cani caidalriwetsa."