¹ Njite David iocawa Nob ricojle lricapá carro jliaji sacerdote Ahimelec. Njite Ahimelec ino David icjaolre lritetjecaayao, lriaco lrisho: ''¿Coadadao pjiwacatsa ianjio, kjerre nja piimaiperri?'' ² David icaite lrisho jliaji sacerdote Ahimelec, ''Jliaji talricanaati lrimeenaca njoa pada icjaote, njite lricaite nosho corri carró nocadaa nanjíi lrinaco jliaji lrinaalri nonaitjaca. Niini nocadaaca naawa nja noshoperri paafe ricojle. ³ Panaya ¿Cocao pisho piaoda noinjao? Pia nosho cincoita paatjeitape, o cocacatsa pisholri anji.'' ⁴ Niini jliaji sacerdote lriaco David isho: ''Corritsa nosoenca nja peetje naijampe nja inaiki coaperricatsa, mitsa nosoca nja petjeitepe nainjampe nja imatsietaaca cápewa Dio ipeyajle, nataita nainjaca corricadaa njeyapa iinarro iapiya. ⁵ David iaco jiepaca jliaji sacerdote, " Ajadalri corrica feyapa inaitjpe inei nanaco madalridaa jalrdaocaca njaji, caiminitsa wanaitjaca wacadanaco kjerrecaoji. Njenitaaca manao njaji notsolrodaote wamoto werrico kjerrecaoji. ¡Omamina njenitaaca cao jliaji panaya! ⁶ Caicarro sacerdote iaca lrisho jliaji peetje njenitanda. Ima corriketsa pacapa njaji petje naiñjampe njaji inaiki coamperri catsa, icamitsa jliaji petje nacadaanda mana Dio ipjeyajle, njeta jaiteniji nacadaa cawa mana lriofao nacadaa carroencja walrite lriarromtacao. ⁷ Njite niini pada nanacjoite njaji ideejicape Saúl isho, njepanda Dio ipjeyajle. lripitana Doeg pada edomita, naminajri njaji iwapacape Saúl ipirra. ⁸ David icaite Ahimelec isho cayoji: "¿cjapa corri pacapa matseta o molroco piacarro nosho? Corrica nodee noineiwa no matsetan corrim noinoacashopaca nokjeiapita capoa nonoca lriapiya jliaji lrimenacalri njonaitja jliaji talricanati" ⁹ Lriaco jliepacan jliaji sacerdote, " jliaji Goliat imatsetanim, píínolri malritsita lrico aji Elá rico, a nacadaniji nañampani yamacati rico lriapodamni jliaji natsayan njaji sacerdotenai. Piomacadani, pidenan, ima corrica pacapa padapja painoaca shopantja." Njite David iaco, " Corri pacapa paita matseta jlipepe; pianoshoni." ¹⁰ David jinico njite lripitó carro jliada Saúl ioya njite lriawa Aquis ideshe, talricanati Gat italricanaa. ¹¹ Njaji Aquis ishoperri naaco lrisho cayoji, " ¿Capja David-ca jliaji, jalredaoca talricanaa? ¿Capja corri nacanta lrinaco nainaiwaca narrapakje, 'Saúl iino mil jlipondape, mitsa David iino die mil jlipondape?' ¹² David imatsieta nja iacoti lricaolre ricó njite lrifió pekirritsa Aquis iwana, Gat italricana. ¹³ Njite lritecojleta lrinaikica napjeyajle nja ninperri, lrinaitjacawa ipicacáda sho; lridaneeta coancatsa macádatsa; Lridana yacaalre ipananoma nacó njite lricadaa pja lrianomja iarroa lritsinoma nacó. ¹⁴ Niini Aquis iaco nasho njaji lrishoperri, Icapa coanca lripicacao jliaji atsia. ¿Coada iden noicjaolre? ¹⁵ ¿Capja iwada canaica nosho ipicacapewa, lrinó carrontja lripicajiwa nopeyajle? ¿Capjadaotsa jliewacaotsa nooana lricó?