¹ Njité dalri David imotoa Naiot ricjoite, Ramá dalri lriá carro Jonatan icjaolre, njite lriaco lrisho: ''¿Cocao nonaitjalri? ¿Cocao nomatsicana? ¿Cocao jli nomatsicanaa nonaitjalri pjinirri isho caicarro lriomaca lriinoca njoa?'' ² Mitsa Jonatan iaco David isho: ''Teeco jliyapawa caicawarra, corriotsa mayamí carroca pjia. Corri pacapa pada tsodalri o macádalri njonirri idawalrintja nooya. ¿Coadantja njonirri idawa nooyani? Corriotsa lriinó carroca pjia.'' ³ Mitsa David icaite tsenacja iacoti ajádalri sho cayoji: ''Pjinirri ianjíi matsia matsiaca picapaca nosho. Niini lricaiteca: Macadaatsa Jonatan ianjiica jliaji nooamalri nonaitjaca David isho, wadentja iinonacani lricjaote. Mitsa ajádalri capoa caafídalrica jliaji wa Minalri, njite ajádalri tsacja caafica pjia, nocaite pisho tsoomicatsa nooya mayamicalri.'' ⁴ Niini Jonatan iaco David isho: Coca cadaotsa lrioma picaiteca, njoaotsa caaco pinacjoite.'' ⁵ Njite David iaco Jonatan isho: ''Teewaotsa walripi keeri initawa, noshotsa noaca noinja talricanaati icódapi. Mitsa corriotsa noá carroca, matsiapja picadaca noawa nodawaacá carro madalridaa jalredaoca. ⁶ Cjapodam cadaa njoa pjinirri isho, picaiteotsa lrisho cayoji: ''David itatja noinai caiwiricotsa nocadaa carro lriá jliecojiwa lriyacalrese Belén; namjaitá carro maaficalri Dio isho nishe naapiya pjiomi nja lriipaneta cayoji nanaitja capisho mana oonia icoam. ⁷ Njite jliepacada. Ha, matsiatsa. Piajiwatsa lrimawadaca catsaotsa jliaji pishodalri. Mitsa kerroa cadaotsani matsinaa, pijiwatsa opica lrinaitjaotsa maatsi nosho. ⁸ Panaya nooma kjeenaca picapaca pishodalri isho. Ima oopica pima lrinaitja pada iacoti ajádalri sho wa Minalri iipitana nacó piapiya. Mitsa niini cada pada maatsídalri nonaco, piinoena njoa. Pacoaca tsantja pidee capisho njoa pjinirri icjaolre.'' ⁹ Njite Jonatan jiepani, lriaco: ''¡Teeco jliyapa pioya cayocawantja! Noanjíi cadantja njonirri iomaca iinoca pjia, njoatsantja icaite pjimi lrinaco.'' ¹⁰ Niini David iaco Jonatan isho: ''¿Cocaotsa icadaa noajíicarro corri cadaaotsa matsia pjinirri jiepaca pjia?'' ¹¹ Njite Jonatan iaco David isho. ''Pino noinai jaico lrima iapjite'' Niini naaca yamadapewa. ¹² Njite Jonatan iaco David isho: ''Piinai catsaotsa jliaji wa Minalri, Iraelnai iDiote. Notatja cádanacoatsa njonirri inai cayokenaotsa jeeriji tjewena o dainomajle cadaa, niini cadaotsa pada matsiadalri David isho, ¿Capja piwada corricaotsa nocadaa pianjíi? ¹³ Ajádalri cadaa Njonirri ioma iinoca pjia, njite corrintja nocaite pjimi, wa Minalriwatsa jirrapiteetaotsa njoa matsi corri capoa nokitsindata pjia pipitó carro. Njite piinai catsaotsa wa Minalri, cayoji lriofáa capishopia njonirri iinaí. ¹⁴ Caafi cada toatsa njoa, kjenaotsa picapaca noa piinaiwa cayoji kjenaa capisho wa Minalri icapaca pisho, wadentja piinoca njoia. ¹⁵ Kjenaotsa picapaca nasho nja noopaneta caidalritsa, Dio iwayakeeta cádanaco pjiomi njaji David jiponda jalredaoca lricjoite.'' ¹⁶ Caitsa Jonatan inaitja pada iacoti tsenacja David iapiya, lriipaneta iapiya tsacja, njite lriaco: ''Wa Minalriwatsa itatja David icoadao nainai njaji jipondatacapeni.'' ¹⁷ Jonatan ipeyocapoa David cayoji lripeyoaca capisho lriwaca waacatsa, lrinaa tsenacja lricaiteca lrisho iacoti ajádalri sho lrisho. ¹⁸ Njite Jonatan iaco lrisho: ¹⁹ ''Walripiotsa keerri tjewa. Cjapodamiotsa pjia njonirri isho ima meetada caotsa piofa carroita lricodapi. Njite madalridaa nacoatsa corricawa pacapaca pjia, pidiawatsa piorrocoa kjeeyacalrim pidawaacá carro aji pidawaacalri pia niini lriinita caojli piena jliaji maatsídalri, tsoomi lrioya jli jiipada Aziel dalri iipitana. ²⁰ Noyawitaotsa madajliwi yawitsiocoti picodapi cayoji noyawita capoisho jliaji pacapanda. ²¹ Njite nomenacaotsa pada noshodalri, nocaiteotsa lrisho: washa pia pioma na noyawitjioco, njite nocaite cadaotsa lrisho cayoji: Picapa, icatsarra picodapi, pidee noshona; pianjiwatsa corri catsa pacapa maatsidalri, ima caafidalrica wa Minalri. ²² Mitsa nocaite cadaa noshodalri isho cayoji: Picapa, apja nja yawitjiocoti pipeyajle; pianjiwatsa pishocaotsa poacao teecoa, ima wa Minalri catsaotsa imeenaca teeco pjia. ²³ Njite lrinaco jliaji iacoti wanaitjalri wainaiwaca, wa Minalri catsaotsa wainaiwaaca caidalriwetsa.'' ²⁴ Ikeena David idawacao jaicolrima iapjite. Walripi keeri imoto cádanaco, talricanaati iofáketsa ijáa. ²⁵ Lriofáa lriofá carroda lrico tsoomi panti iwai naco, ima cainama catsan lriofa cádanaco mana lrija. Jonatan jinico iemao, njite Abner iofawa Saul icodapi. Mitsa David iofá carroji mana meetadacatsani. ²⁶ Corritsa coca Saul icaite jliadaa, ima lriaco lriwaopiaca: ''Nintsapa coancani. Corricapa matsiani, korricapa lripiyoacacao Dio ipeyajle. lrimatsicana ioya'' ²⁷ Mitsa yamadaa nakojlena, walripi keerri jiapodamina, njite jliaji david iofacarroita, meetada catsani. Niini Saúl iako Jonatán irso: ‘’¿Koadadao korri lrino lrinjá oopica jliaji Isaí irri, korrin tsacja daikaya?’’ ²⁸ Jonatan jiepa Saul: ''David itatjatacao noinai lriá carro Belén ricojle. ²⁹ Lriaco nosho: ''Pinaitja matsiacalri picadaa noawa. Ima nja nopaneta namjaita caotsa maaficalri Dio isho nishe, njite nja nopjeenai nacaite nosocatsa nainaica njoa. Panaya, matsiacadatsa njoa pipeyajle, pinaitja matsiacalri picadaa noa nocapá nja nopjenai''. Caishopa corri lrino lriija piinai mesa naco.'' ³⁰ Niini keeroaca Saul pekirritsa Jonatan icjote, lriaco lrisho: ''¡Pjia, iinarro maatsídarro, mjepacádarro ienipe! ¿Capja piwaadaca corrica noanjíi pikitsindaji imatsiacaca jliaji Isaí irrí, lripaimanietá carró pjia njite lripaimanietá carro tsacja shoaji pjidoa matsayandarró? ³¹ Caafi cádanacotoa jliaji Isaí irrí aji jalredaica lrico, corriotsa pacapá carro kjerre caotsa talricanaatica pjia njite pitalricanatacawa ricó tsacja. Niini panaya, pineenaca naacarro naoman njite pideotsa noshoni, ima David ishotsa mayamican.'' ³² Njite Jonatan iaco jlinirri Saul isho:''¿Coadao pioma piinoca David? ¿Cocao jliaji maatsirri lrinaitjalri?'' ³³ Caicadanaco Saúl ipeco lrimolrocon lricjaolre lrinocarroni. Caicarro Jonatan iajica jlinirri iomaca iinoca David. ³⁴ Jonatan jinicoeca mesa nacjoite ima kerroacani njite corrim coca lrija yamada jalredaoca naco walripi keerri naco, ima coyolre cani David naco, matsi capoa jlinirri icapa David isho. ³⁵ Piyompinacojle, Jonatan iawa jaicolrima ricojle lricapaacá carro David iapiya, njite pada atsia iempeti toa iá llrikitsindao. ³⁶ Lriaco lrishodalri isho: ''Pjiecoa piomá carro nja yawitjioco noyawitaji.'' Njite jleco cádanacotoa, Jonatan iyawitá apjewi yawitjioco lripeyajle. ³⁷ Njite jliaji iempeti ioca cádanaco jliwalrio niini jliaji yawitjiocoti, Jonatan iwana lriicjaolre jli yempeti, lriaco lrisho: ''¿Capja teeco pjaca lriwao jli yawitjioco?'' ³⁸ Njite Jonatan iwana jli yempeti: ''¡Kjeya pinoca, kjeya pidiacao!'' Niini jliaji iempeti Jonatan ishodalri, lriniwa kjeya nja yawitiocoti njite lridiao lriminalri icjaolre. ³⁹ Mitsa jliaji iempeti corri coca lrianjii. Icaamitsa Jonatan njite David ianjii jliaji lrinaitjalri. ⁴⁰ Jonatan iá nja lrinoaca shoopa oowi rico lrishoidalri isho, lriaco lrisho: ''Pidienawa, pidee nja nonaani yacaalre ricojle.'' ⁴¹ Lrdiá catsao jliaji iempeti, David jinicoa Lridawaacalri njiteo, njite jliwao tjewacajle lrinoma jiipai nacó, njite lricoanja madalripia. Nanota tsacja na cacoapa nacó, njite naiya yamadapena, mitsa David jliaji iiyalri pja. Jonatan iaco David isho: ''Pimaodacatsa piacawa, ima wanaitja pia iacoti ajádalri wa Minalri iipitana naco, cayoji: ''Wainaicatsa wa Minalri, njoapodamperri iinai njite pjiapodamperri iinai tsacja caidalriwetsa.'' ⁴² Icaamina David jinico iawa, njite Jonatan idiawa yacaalre ricojle.