¹ ikɨnaitɨ hauti yaku, Judios tsixi wa'ixɨarari kanati neni, Jesusta Jerusalen paɨtɨ kananuti yani. ² Jerusalen paɨtɨ ta, muxatsi wa itupari aurie tenari ha aye matɨ kaniu kateitɨni hebreokɨ Betesta katinitewakaitɨni, auxuwi xammari anuye natɨkaime kane xeiyaitɨni. ³ waɨkawa meyu mɨiretɨ mete kukuyekai, meka hau ninierekai, memuti ɨkaxaiwakai paɨna meka'ukɨniwawekai mana mekaniku heteitɨni. ^{4 5} xeitɨ ukɨ mana kaniiu kateitɨni xeitewiyari heima tamata witari kateu tewikaitɨni tikuyetɨ. ⁶ kepauku mixei Jesus mana ukaikame, retimakari kename teirautewikai ma'u kaitɨ, mɨkɨ katinita hɨawe: "¿aixɨ perau 'erimɨkɨ?" ⁷ niutaáni tikuyekai uki: "ne ukiyari, xeime nekwa he xeiya ha muyematsie netsi haɨ hɨanikɨ kepauku muta yuitɨarienitsie. ne'uye ayu, neka hauka yeiwekakukuxi xeitɨnetsi ha i'iwa." ⁸ tita hɨawixɨta Jesus: "nanuku kexi, aitsi anuku hurieme keneu yeikani." ⁹ ya pauku mɨtɨ tewi aixɨ kaniu itɨarieni, yu itsi anuku hurieka kaniyeyani. tukari memati uxipiwa tsie kani hɨkɨtɨkaitɨni. ¹⁰ ya'umiemekɨ Judiostsixi ke'ane aixɨ mu'itɨariekai mefeniuta hɨawe: "tukari temati 'uxipiwa kani hɨkɨtɨni hikɨ, Pekwa'anu pitɨarie a'itsi pema tɨkɨni." ¹¹ mɨkɨta tiuta'a: "ke'ane aixinetsi'uyuri, netiuta hɨawixɨ: a'itsi nanuku kweka keneyeye'i." ¹² mɨkɨta meteni 'iwawiya: "¿ke'aneta tewi ya'atiuta hɨawixɨ: "nanuku kwweka keneyeye'i?" ¹³ ke'aneta aixɨ mu 'itɨariekai kwara maikai ke'ane aixɨ mi yuriekai, mana waɨkawa memu xuawekai, Jesus ta awima me yakaikɨ. ¹⁴ yarau tereku tarieka Jesus ika xeiyaka mɨkɨtewi tɨkita paitɨ katinita hɨawe: "¡petiniere aixɨ pemu 'ane! pekwa heyɨ xɨrɨkaniri, katakuta tarieka kwi maxi pe'ɨyɨni." ¹⁵ he yaka mɨkɨ uki, Judiostsixi yakatini waru xatɨani kename Jesus hɨkɨtɨkai ke'ane aixɨ miyuri. ¹⁶ paɨ yumiemekɨ Jesus meniu weiyakaitɨni Judiostsixi, mɨkɨ yanti yurienekaikɨ tukari memati'uxipiwatsie. ¹⁷ tiniwaruta eiyata Jesus: "hikɨ kuxi ti'uximayatane ne yeu, ne siere paɨna neti uximaya." ¹⁸ paɨkɨ maxi waɨka Judiostsixi meni wautɨwekaitɨni me'imienike, tukari memati 'uxipiwatsie yakatikamiekaikɨ xeikɨa paɨna siere neyeu kakaɨyari ti hɨawekaɨ, kakaɨyari hapaɨ mayu yeitɨwakaikɨ. ¹⁹ tiniwaruta eiyata Jesus: "muti yuri, xewit+ niweya y+k+ma tsikwa tiuyuriewe, tam+ p+ta xeiyat+ yu yeu kenti yuriene, ya'umiemek+ yeuya naime kenti yuriene, niweya siere naime pa+ti yuriene. ²⁰ yeuya yu niwe mau nake'eriek+ m+k+ kani xeiyast+a ka naime kenti yuriene, wa+kawa maxi m+k+ katini hek+atam+k+ xeme xemuyuti h+xiyanik+. ²¹ tayeu mɨkite ketiwaraunku hapana paɨna tukari wa pitɨa, paɨmɨ siere niweya tukari kani pi'tɨamɨkɨ ke'ane mɨtɨ maɨpaɨritɨamɨkɨ. ²² tayeu xeime kwa'uka xeiyatɨyeika, pɨta naime yu niwe hetsie katiniuta tuani, tiwata kwewirienikɨ, ²³ yeuya hetsiemieme ke aixɨ meteku xata, paɨmɨ siere niweya hetsie mieime. ke'aneta niweya aixɨ kati xeiya, yeuya meiye nɨ'a siere aixi kwati xeiya. ²⁴ ya'umiemekɨ, ke'ane ne niuki mu'eni paɨna ke'ane netseheye nɨ'atsie yuriti'erie tukari kaxɨwe kane xeiyani paɨna kwaka xeiyarieni haxati yurienetɨ, pɨta mɨkikai tukari he xeiyatɨ kana yani. ²⁵ muti yuri, tukariyari kana mieni, hikɨ kani hɨkɨtɨni, kepaukumɨkite kakaɨyari niweya niukieya memu enieni, meniku wikweimɨkɨ ke'ane memu enanani. ²⁶ tayeu kepaɨ tukari kere xeiya yu hetsie paɨmɨ siere mɨkɨ kani paɨritɨani yuniwe tukari me xeiyanikɨ yu hetsie. ²⁷ paɨna yeuya kani paɨritɨani yanti yurienenikɨ yuniwe mɨkɨ tiwata kwewirienikɨ, mɨkɨ tewi niweya mɨ hɨkɨkɨ. ²⁸ ikɨkɨ xekwa hɨxiyaka, maye anitsie kana mieni kepauku naitɨ ke'ane memuka teukiexɨa niukieya me mu 'enieni. ²⁹ paɨna mekani wafi kɨnimɨkɨ: "iyamexi ke'ane aixɨ ti'ane mete'u hekɨataxɨ memanuku'uni tukari meme xeiyanikɨ, ke'aneta haxa ti'ane mete'u hekɨataxɨ menanuku 'uimɨkɨ metefa kwewiyarienikɨ. ³⁰ nekɨmana ne tixaɨ tsinekatiu yuriewe. nemika xeiyatɨyeika mexi ne'ienie paɨna aixɨ anemekɨ netita kwewirieni, nekenetiku eriwa yanetikayanikɨ nekwa yɨane, pɨta kera 'eriwa ke'ane netsi heye nɨ'a. ³¹ xɨka ne hetsie timieme xeikɨa netiku xatanike, kwa yuritɨnike ne xatsika. ³² xeitɨ pɨta ne hetsie timieme katiniku xatani paɨnane neramate mɨkɨ nehetsie timieme kentiku xata muyúri. ³³ Juan xekanenɨ'ani xeme paɨna yurikɨ mɨkɨ katiniuta xata. ³⁴ ne tewi xatsikaya kwa hɨkɨ nemenu nanake. ikɨ ne yanenfiku xafa xeme xemuta wikweistɨarienikɨ. ³⁵ kɨxeme mutatawekai paɨna mu xawatɨrekai, Juan kani hɨkɨtɨkaitɨni, xemeta xawatɨriyayatsie xemauyu temamawikukai yapamexa. ³⁶ merikɨtsɨ waɨkawa maxi mɨiretɨ puti hekɨa ne hetsie Juantsieta chipumɨire, ta yeu tita uximayatsika netiu pitɨa yanetika yanikɨ, ne keneti uximaya, mɨkɨ ne hetsie mieme katini hekɨa tani kename tayeu netse heyenɨ'a. ³⁷ neyeu netsi heye nɨ'a, ne hetsie mieme katiniuta xafa. xeme xekwa 'i eni niukitana paɨna heiwa xekwa'ixei kemu 'ane. ³⁸ xeme xe hetsie niukieya kwayuku hayeikawa, yuri xekate eriekɨ ke'ane mɨkɨ meye nɨ'atsie. ³⁹ xeme utɨarikate xemuti terɨwa, mɨkɨtsie tukarika ka xɨwe xeka xeiya xeteku eriwatɨ. mɨkɨ utɨarikate nehetsie timieme tiku xata. ⁴⁰ xemeta xekwayu waɨriya ne hatsia xema kɨne tukari ka xɨwe xehe xeiyatɨ xema kɨnekɨ. ⁴¹ nekwa'i nake 'erie teuteri aixɨ meneteku xaxatani, ⁴² nenera mate xe hetsie kakaɨyari nake 'eriyaya xekwa he xeiya xe hetsie. ⁴³ neyeu netsi heye nɨ'aku ne kaneyeyani xemeta xekwanetsi anu nanake. xeme xepita nake ' erieni xɨka xeitɨ nuani yu hetsie iti pitɨ. ⁴⁴ ¿kepaɨ xexɨatɨ aɨmɨ yuri xete 'erie, xeme xemenu pitɨa xe hetsie mieme aixɨ meteku xaxatani, xekwa wautɨwe kakaɨyari yuxewi xe hetsie mieme aixɨ tiku xatani? ⁴⁵ kename ne neyeu hatsɨa nexetse heti xaneta xekwate yɨkɨ hɨaweni. Moises pɨta kayene xanetani, ke'ane hetsie xemaɨ waɨre. ⁴⁶ xɨka xeme Moises yuri xete eririekake, neyuri xenete eririekake, mɨkɨ ne hetsie timieme raka utɨakɨ. ⁴⁷ xɨka utsikayatsie xeme yuri xekate erieka, ¿ne niukitsie yuri xeteta erieni aɨmɨ?"