¹ Merikɨtsɨ Jesus kepau retima kename fariseostsixi mete'u enanakai mɨkɨ kename waɨkawa discipulos maxi me'i weiyakai paɨna waka ɨyakai, kenata juan mekayɨ mɨire ² (tsepa Jesus kawaruka ɨyakaitɨtɨ, pɨta discipulomama), ³ Judea kwieyaritsie kanaye yani mɨkɨ tariekata galilea kane yani. ⁴ Merikɨtsɨ Samaria puye anikekai waɨriyarika huye mamuye hanekaikɨ. ⁵ Merikɨtsɨ mɨkɨ Samaria kiekariyaritsie Sicar reku tewakaku kaniye'ani, kewa Jacob yu niwe Jose kwie mu paɨritɨakai aurie. ⁶ Mana haixa kaneti wiekaitɨni Jacob haixaya. Kani uxekaitɨni Jesus huyeta, haixa aurie kana yarɨ ta xewi horayari kana yeiximekaitɨni. ⁷ Kani nuani xeitɨ ukaratsi samaritana ha'u wauximetɨ, Jesus katinita hɨawe: "Ha keneneu hantɨa nemanu harenikɨ." ⁸ Meme kɨnekai discipulomama ikwai nanaiyakɨ kiepa. ⁹ Merikɨtsɨ uka samaritana katinita hɨawe: "Titakɨta ekɨ judio tɨtɨ peneti wawirie pemanu harenikɨ ne ukaratsi samaritana nemɨ hɨkɨ?" Judiostsixi samaritanotsixi wa matɨa mekwa yɨ hɨawe. ¹⁰ Tita'eita Jesus: "Xɨka peheti manike kakaɨyari imikierieya paɨna ke'ane ya'ara hɨawe: 'Neneu haritɨa', mɨkɨ ekɨ pepita wawirienike, mɨkɨta ha maye niere hatsu paɨritɨanike." ¹¹ Ukaratsita tita 'ei: "Ne ukiyari, xari pekwa he xeiya paɨna haixa pauka tewa. Ha maye niereta ke pera hana? ¹² Ekɨ ta yeu jacob pekwa anuti iwa, mɨkɨ ikɨ haixa kataniu paɨritɨani mɨkɨ siere u kaniuti hareni, paɨmɨ siere niwemama paɨna tewamama, ya'i peti mariwe ekɨ maxi?" ¹³ Tita eita Jesus: "Tarieka mehau harikutɨ mena kɨnimɨkɨ naitɨ ke'ane ikɨ ha memanu harewe, ¹⁴ tsepa ke'aneta ikɨ ha nemi paɨritɨa manu ieni hatsuaku kwaheka harinkatɨyani. Pɨta ne ikɨ ha nemi paɨritɨani haixa kana yeimɨkɨ hetsiena kana neikamɨkɨ tukari ka xɨwe hetsie mieme." ¹⁵ Ukaratsi tita hɨawixɨ: "Ne ukiyari, mɨkɨ ha keneneɨ paɨritɨa neka hau harimɨkɨnikɨri paɨna tarieka ha newati hanake uneka'amienikɨ." ¹⁶ Tita hɨawixɨta Jesus: "Ne mmie a kɨne ne witɨmieka na mieni." ¹⁷ Tita eita ukaratsi: "Ne kwa 'uka kɨna". Tita eita Jesus: "Yurikɨ pepaine: 'Ne kwa 'uka kɨna', ¹⁸ meyu auxuwimeri pewaruti kɨnataxɨ, hikɨta ke'ane hatsɨa pemeka, ka'a kɨna. Kepemutayɨ kani yuritɨni." ¹⁹ Tita hɨawixɨta ukaratsi: "Ne ukiyari, ekɨ profeta pekati hɨkɨ aɨmɨ. ²⁰ Ikɨ yatemuritsie ta papama meniuyu ti nenewiwakaitɨni, perotsɨ xeme kename Jerusalemn paitɨ pɨta teuteri memuyuti nenewiwatsie kani hɨkɨtɨni xemikuyuruwa." ²¹ Tita hɨawixɨta Jesus: uka yuri neteuta eriri kanaye amɨkɨ tukarieya xemeri ta yeu hatsɨa xekwa yuta nenewieni ikɨ yatemuritsie ya'i jerusalen paitɨ. ²² Xeme tita xekate matekɨ xe yu nenewie. Tita tete matekɨ tame teyu nenewie, judiostsixi xeikɨa wikweistɨarika wa hetsie mu mieme. ²³ Hikɨ kanaye amɨkɨ tukarieya, paɨna hikɨri tukari kanaye 'ani, kepauku yu nenewiwamete yu yeu hatsɨa meni yuti nenewimɨkɨ espiritutsie paɨna yurikɨ, paɨ mete'uka eriwame teuteri kani wawauneni ta yeu nenewiwameteya mema kɨnekɨ. ²⁴ Kakaɨyari Espiritu kani hɨkɨtɨni, paɨna ke'ane teuteri memeye xeiya mepi nenewirieka keyu Espiritutsie paɨna yurikɨ." ²⁵ Ukaratsita tita hɨawixɨ: "Paɨ nera mate mesias mu nuani (mɨkɨ Cristo tiu terɨwarɨwa). Mɨkɨ kepauku mu nuani naime katataka hekɨatsiriemɨkɨ." ²⁶ Jesusta tita hɨawixɨ: "Ne nekani hɨkɨtɨni, ke'ane atiku xaxatɨwa." ²⁷ Anamɨ nɨ'arimama mekana nuaxɨani. Mekani hɨxiyakaitɨni mɨkɨ ukaratsi matɨa tiku xatakaikɨ, xeitɨ kwa tiu iwau: "¿Tita pereuye hɨwa?" Ya'i: "¿Titakɨ mɨkɨ hamatɨa petiku xata?" ²⁸ Merikɨtsɨ mɨkɨ ukaratsi yɨ kɨxauri uku'eirieka kaneyani kiepa, paɨta teuteri tini waruta hɨawe: ²⁹ "¡Xena huni, xeke neu xeiya xeitɨ uki yakanetiniuta hɨawe naime kenemutiu yuri! Ikɨ kwa hɨkɨ mɨkɨ Cristo, ¿ya'i ti hɨkɨ?" ³⁰ Mɨkɨ me'aye kɨneka kiepa hatsɨana meneye kɨne. ³¹ Discipulomamata ipaɨ metenikɨ hɨawekaitɨni: "Rabi tiu kwame." ³² Mɨkɨta tiwaruta hɨawixɨ: "Ikwai ne kane xeiyani ne ti kwanikɨ, xeme kuxi xekwa'i mate." ³³ Discipulomamata meteniyuta hɨawekaitɨni: "Xeitɨ ikwai kwareiku tuiriewe, ¿ya'i hɨ?" ³⁴ Jesus tiwaruta hɨawixɨ: ne ikwai kani hɨkɨtɨni ke'ane netse heyenɨ'a yanentika yani kentiku eriwa paɨna uximayatsikaya nemɨ nɨni. ³⁵ Xemeta xekate haitɨka: '¿Nauka mesyari kuxi mauye wetse itsanaxa maye anikɨ?' Nexera hɨawe: 'Xeneuta nierixɨa xekeneu xeiya hetsiya, aixɨ kani aneneniri muka itsanarienikɨ' ³⁶ ke'ane muka itsana katini pitɨariemɨkɨ paɨna ikwaxi katiniku teɨximɨkɨ tukari kaxɨwemetsie mieme, ke'ane muka 'eni paɨna ke'ane muka itsana yu hamatɨa meyuka temamawienikɨ. ³⁷ Xatsika ipaɨ nanɨ yɨneni: 'Xeitɨ ka'eni, xeitɨta ka'itsana,' kani yuritɨni. ³⁸ Ne nexesta nɨ'a titatsie xekate'uti uximayataxɨ xemuka itsanakɨ. Hipatɨ mete niuti uximayata, xemeta xeneuta haxɨani wa uximayatsikatsie." ³⁹ Waɨkatɨ samaritanotsixi mana kiekaritsie hetsiena mɨkɨ meteniuta erieni, ukaratsi mɨkɨ paɨ tiwaru xatɨaku: "Naime kenetiu yuri mɨkɨ yanetiuta hɨawixɨ." ⁴⁰ Ya'umiemekɨ kepauku samaritanotsixi hatsɨana memakɨ, metenikɨ hɨawekaitɨni wa hamatɨ ke'uku nuanike, huta tukari wa hamatɨa mɨkɨ kaniu kateitɨni. ⁴¹ Waɨkawa maxi yuri meteniuta erieni niukieyakɨ. ⁴² Ukaratsi metenikɨ hɨawekaitɨni: "Yapemutayɨkɨ xeikɨa yuri tekwate'uta 'eri, ta kɨma tepu enena paɨna tete'a mate ikɨ yuri kani hɨkɨtɨni kwie wikweistɨwame." ⁴³ Huta tukari hauti yaku mɨkɨ kane yani Galilea. ⁴⁴ Jesus yɨ kɨma paɨ mɨtayɨkai xeitɨ profeta aixɨ kwati xeiyarie yu kiekaritsie. ⁴⁵ Kepauku muta'a mɨkɨ Galilea paitɨ, galileotsixi meneiku naketɨkɨne. Mɨkɨ meniu niniere naime mɨkɨ kemutiu yuriekai ixɨararipa Jerusalenpai, mɨkɨ siere memeku ixɨarakaikɨ. ⁴⁶ Tarieka kana nuani cana paitɨ Galilea kwieyaritsie, kewa ha winu ma yeitɨatsie. Xeitɨ kuya rey hatsɨa ti'uximayakai mana kaniu yeikakaitɨni, mɨkɨ niwe pure kuyekai Capernaum paitɨ pekatei. ⁴⁷ Kepauku mu enaxɨ kename heyeikakai Judea paitɨ Galilea nuanikekai, Jesus hatsɨa nuaka, keheyanike, niweya me mɨximekai aixɨ ke hei yurienike tikɨ hɨawekai. ⁴⁸ Merikɨtsɨ Jesus tinita hɨawe: "Xɨka hekɨariya paɨna prodigios meka xeiyaweni yuri mekwa teta'erieni." ⁴⁹ Mɨkɨ kuya tinita hɨawe: "Ne ukiyari kenamie mexi ne niwe kahe mɨwe." ⁵⁰ Jesus tita hɨawixɨ: "Kene mie; aniwe kane wikweka." Mɨkɨ uki yuri katiniuta erieni xatsikatsie, kepaɨ Jesus tita hɨawekai mɨkɨta kaneyani. ⁵¹ Kepauku mɨkɨ mamaka miekaitsie, nɨ'arimama meneiku naketɨkɨne, a niwe pe wikwe mete'ikɨ hɨawetɨ. ⁵² Merikɨtsɨ mɨkɨ niwaruta iwawiya ke'u paukukaku putayua aixɨ rau erietɨ. Mɨkɨ metenita'eiya: "Takai, ta huta upaukukaku kɨrixiya kani hayewa." ⁵³ Merikɨtsɨ yeuya yakatiniu'erieni paɨ u paukukaku Jesus tita hɨawixɨ: "Aniwe pewikwe." Ya'umiemekɨ mɨkɨ paɨna naitɨ kiena mentitekai yuri meteniuta 'erieni. ⁵⁴ Hutarieka ikɨ Jesus yakatiniu hekɨata kepauku Judea maye tɨatsie Galilea heyaka.