¹ Hikɨ xeitɨ fariseo kaniuyeikakaitɨni Nicodemo titewatɨ judiostsixi kaniwa itsɨkametɨkaitɨni. ² Uki ikɨ Jesus hatsɨa nuaka tɨkarikɨ paɨ tinita hɨawe: "Rabi, tete'amate ekɨ ti'ɨkitame pemɨ hɨkɨ kakaɨyari atsi heye nɨ'aku, merikɨtsɨ xeitɨ tewi ekɨ kepeti hekɨata paɨ kwati yuriewe, xɨka kakaɨyari hamatɨana kaniereni xeikɨa pɨ yɨwe." ³ Tita'ei Jesus: "Yurikɨ ne'ara hɨawe, tarieka xɨka xeitɨ ka'uti nɨiwa mɨkɨ kakaɨyari uximayatsikaya kwa xeiyawe." ⁴ Tita hɨawixɨta Nicodemo: "¿Kepaɨta uki tarieka ti nɨiwa ukiratsitɨri? Mɨkɨ kwa yɨwe hutarieka hauta hame yu mama niweyameyatsie tinɨiwa, ¿tiyɨwekaxɨani?" ⁵ Tita'eita Jesus: "Yurikɨ ne'are hɨawe, xɨka xeitɨ hatsie paɨna Espiritutsie kati nɨiwaweni, kwa hauta hawe kakaɨyeri kewa re'uximaya. ⁶ Tita waitsie titi nɨiwa wai kani hɨkɨtɨni; ke'aneta Espiritutsie muti nɨiwaxɨ Espiritu kani hɨkɨtɨni. ⁷ Ipaɨ ne'atiuta hɨawixɨkɨ pekwa hɨxiyaka: 'Atsi hauye hɨwa tarieka pemuti nɨiwa.' ⁸ Eka ma neika kewa ra'eriwa mɨkɨ; pemi enie ketiu yuane, perotsɨ pekwara mate kera neika ya'i keme tɨa. Paɨmɨ siere kani aneni naitɨ ke'ane Espiritutsie muti nɨiwaxɨ." ⁹ Niuta'ani Nicodemo paɨ haitɨ: "¿Kari kuta ti yɨwe naitɨ paɨti yɨni?" ¹⁰ Jesusta tita'ei: "¿Israeltari wa'ɨkitɨwame pemɨ hɨkɨ yatɨtɨ pekareti enatɨyeika ikɨtsie ti mieme?" ¹¹ Yurikɨ ne'ara hɨawe, ketete'a mate yatete'u xataxime paɨna tete'uta xaxata ketete niniere. Merikɨtsɨ ekɨ keteteku xata pekwa'i nake'erie. ¹² Xɨka ne'atiuta xatɨaku ena kwiepa timiemetsie yuri pekatiuta erieni, ¿aɨmɨ yuri petita erieni xɨka yuawitsie timiemekɨ ne'atiuta xatɨani? ¹³ Xeitɨ kwa haunti yeiwe yuawitsie xeikɨa iya yuawitsie manakatɨa: uki niweya. ¹⁴ Moises hapaɨ kutere keranuku keke maku mawitsie, paɨmɨ siere uki niweya katanuku ketɨariemɨkɨ. ¹⁵ Naitɨ ke'ane mɨkɨ hetsie yuri meteta erieni, tukari ka xɨweme me hexeiyatɨ mema kɨnekɨ. ¹⁶ Yarikɨ kakaɨyari puwaruta neke'eri waɨkawa kwiepa memutama, yuniwe yu xewi kaniye tuani, tsepa ke'ane mɨkɨ hetsie yuri tiuta 'eri kwa mɨni, pɨta tukari ka xɨwe mexeiyanikɨ. ¹⁷ Kakaɨyari kwiepa kwa henɨ'a yu niwe mita uximatɨanikɨ, pɨta mɨkɨ hetsie kwiepa memutama memuta wikweistɨarienikɨ. ¹⁸ Ke'ane mɨkɨ hetsie yuri tita eiren kwata uximatɨarieni, perotsɨ ke'ane yuri kati 'erie kani uximatɨriekari, mɨkɨ yuri kati'eriekɨ kakaɨyari niweya yu xewi kemutitewatsie. ¹⁹ Ipaɨ yumiemekɨ xekanita kwewiyamɨkɨ: "Ena kwiepa xawatɨriya kani nuani, teuterita mɨ yɨxaɨye pɨta mekaniuta nake'erieni, xawatɨriya hetsie mieme, mɨkɨ haxa mete yuriekaikɨ. ²⁰ Naitɨ ke'ane haxa mete yurie xawatɨriya mekani hekani paɨna xawatɨriya hatsɨa kwa'amie ketiyuriene ka'u hekɨarekɨ. ²¹ Merikɨtsɨ ke'ane ti yuritsie yantikamie kaniyemieni xawatɨriya hatsɨa, ti hekɨatsiyarienikɨ mɨkɨ kemuti uximaya kakaɨyari hetsie itipitɨ kemuti yuriene." ²² Yatiɨyɨku ikɨ, Jesus yu discipulomatɨ Judea kwieyaritsie mekanekɨne. Mana mɨkɨ wa hamatɨa kaneyeikakaitɨni paɨna kateka ɨyakaitɨni. ²³ Hɨkɨta juan siere enon paitɨ salim aurie kaniwareka ɨyakaitɨni, mana ha waɨkawa mu xuawekaikɨ. Hatsɨana teuteri memu axekai paɨnata memuka ɨyarɨwakai, ²⁴ Juan kuxi ka'anuta hɨiyawekai. ²⁵ Merikɨtsɨ, aixɨ mekwateyu xeiyakai hipatɨ Juan discipulomama xeime judio matɨa, memuyuti hauxinatsie timieme. ²⁶ Mɨkɨ Juan hatsɨa mene kɨne paɨta mete nita hɨawe: "Rabi, ke'ane a hamatɨa hatɨa me yeikakai Jordan hatɨa anɨtaɨye paitɨ, ke'ane hetsie timieme petiuta xataxɨ, kani wareka ɨyani paɨna naitɨ hatsɨana mene kɨkani." ²⁷ Juan tiuta'a: "Xeitɨ tewi tixaɨ kwaranu piwe xɨka yuawitsie karanu pitɨiyerieweni. ²⁸ Xeme paɨ xete'u xatawe kename ne'uta yɨ: 'Ne Cristo nekwa hɨkɨ', pɨta ne puta yɨ: 'Ne meri nepeye nɨ'arie mɨkɨta ne utɨa.' ²⁹ Ukaratsi yɨ kɨna hetsie ra wiya. Hikɨ uki neneɨkemeamikuya hamatɨana mu yeika paɨna mi enie, waɨka kaniyu temawieka uki neneɨkeme xatsikayatsie. Ikɨ ya'u miemekɨ ne temawierika aixɨkani aneni. ³⁰ Mɨkɨ kanita werimɨkɨ, neta nepuka yani. ³¹ Ke'ane ta heima makane, naime wa heima kana weni. Ke'ane kwiepa mu mieme kwiepa mu kiekame paɨna kwiepa ti mieme ti kuxata. Ke'ane yuawitsie makane naime wa heima kana weni. ³² Mɨkɨ tita re xei paɨna re eni tiku xata, ya'u mieme xeitɨ xatsikaya kanake'erie. ³³ Ke'ane xatsikanya manu nanake, yuri rayeitɨwa kename kakaɨyari yuri hɨkɨ. ³⁴ Ke'ane kakaɨyari meye nɨ'a kakaɨyari niukieya muku xata. Mɨkɨ kwa tiyu pitɨwa ESPIRITU inɨatame. ³⁵ Ta yeu yu niwe kaneu nake'erieka paɨna naime mamayatsie katiniuku hayewa. ³⁶ Ke'ane niweyatsie yuri ti 'erie tukari ka xɨwe kane xeiyani, perotsɨ ke'aneta niweya mu xane'erie tukari kwa xeiya, pɨta kakaɨyari haxɨaya hetsiena kaniyuku hayewamɨkɨ."