1
امتحنوا الارواح يا لحباب, ما تصدقوش كل روح, امتحنوا الارواح: اذا كانت من عند الله و الا لا؟ على خاطر كاين انبياء ياسر خرجوا للعالم.
2
بهاذا الشيء نعرفوا الروح اللي من عند الله: كل روح يستعرف باللي يسوع المسيح جاء في الجسد راهو من عند الله,
3
و كل روح ما يستعرفش باللي يسوع المسيح جاء في الجسد, هاذاك ماهوش من عند الله. و هو الروح تاع ضد المسيح اللي سمعتوا باللي راح يجي, و راه موجود في العالم اليوم.
4
انتوما من عند الله يا اولادي, و غلبتوهم على خاطر اللي فيكم اعظم من اللي في العالم.
5
همّا من هاذا العالم, على هاذيك يهدروا من العالم, و العالم يسمع لهم.
6
و احنا من عند الله, و كل من يعرف الله يسمع لنا, و اللي ماهوش من عند الله ما يسمعلناش. كيما هكا تعرفوا روح الحق و روح الضلال. الله محبة
7
يا لحباب, خلينا نحبوا بعضانا, على خاطر لمحبة جاية من عند الله, و كل اللي يحب يكون ولد من الله و يعرف الله.
8
و اللي ما يحبش ما عرفش الله, على خاطر الله محبة.
9
و الله بين لمحبة تاعو لينا: كي بعث وليدو الوحيد للعالم باه نحياو بيه.
10
وهاذي هي لمحبة: موش على خاطر احنا حبينا الله, بالصح هو اللي حبنا, و بعث وليدو كفارة لذنوبنا.
11
يا لحباب, اذا كان الله حبنا كيما هكذا, لازم علينا احنا ثاني نحبوا بعضانا.
12
الله عمرو ما واحد شافو, و كي احنا نحبوا بعضانا, الله يثبت فينا, و تكون محبتو تكملت فينا.
13
و بهاذا الشيء نعرفوا باللي احنا ثابتين فيه و هو ثابت فينا: كي مدلنا من الروح تاعو.
14
و احنا شفنا و نشهدوا باللي الله الآب بعث الابن باه يكون مخلص للعالم.
15
و كل من يستعرف باللي يسوع المسيح هو ابن الله, الله يثبت فيه و هو يثبت في الله.
16
و احنا عرفنا و صدقنا لمحبة تاع الله اللي فينا. الله محبة, و وكل من يثبت في لمحبة يثبت في الله و الله يثبت فيه.
17
و لمحبة تاع الله تكملت فينا بهاذا الشيء: يكون عندنا ثقة يوم الدين, على خاطر كيما كان هو في هاذي الدنيا , هكذاك احنا ثاني.
18
ما كاين حتى خوف في لمحبة, لمحبة الكاملة ترمي عليها كل خوف لبرى على خاطر الخوف يجي من لعقاب. و هاذاك اللي يخاف مازال ما كملش في لمحبة.
19
و احنا نحبوه على خاطر هو اللي حبنا لول.
20
كان واحد قال: "انا نحب ربي" و كره خوه يسمى كذّاب. على خاطر اللي ما يحبش خوه اللي قاعد يشوف فيه, كيفاه يقدر يحب الله اللي ما يشوفوش؟
21
و هاذي الوصية جات من عندو هو: اللي يحب ربي يحب خوه ثاني.