1
الانتصار على العالم كل اللي يامن باللي يسوع هو المسيح هاذاك تولد من الله. و كل واحد يحب الوالد يحب اللي مولود منو ثاني.
2
و بهاذا الشيء نعرفوا ارواحنا باللي نحبوا اولاد الله: اذا كان حبينا الله و عملنا بالوصايا تاعو.
3
على خاطر هاذي هي محبة الله: كي نعملوا بالشيء اللي وصانا بيه. و الوصايا تاعو ماهيش ثقيلة علينا,
4
و كل واحد ولد من الله يغلب العالم. و الحاجة اللي نغلبوا بيها العالم هي: الايمان تاعنا.
5
و شكون هو اللي يغلب العالم, من غير اللي يامن باللي يسوع هو ابن الله؟ الشهادة ليسوع المسيح
6
و يسوع المسيح هو اللي جاء بالماء والدم, مش غير بالماء برك, بالصح بالماء والدم. و الروح هو اللي يشهد, على خاطر الروح هو الحق.
7
و اللي يشهدوا في السماء همّا ثلاثة: الآب, و الكلمة, والروح القدس. و هاذوا الثلاثة همّا واحد.
8
واللي يشهدوا في لرض همّا ثلاثة: الروح, و الماء, و الدم. و الثلاثة همّا في الواحد.
9
اذا كنا نقبلوا الشهادة تاع الناس, الشهادة تاع الله اعظم, على خاطر هاذي هي الشهادة اللي شهد بيها الله على ابنو.
10
كل واحد يامن بابن الله هاذاك عندو الشهادة تاع الله في نفسو. و اللي ما يصدقش الشهادة تاع الله, يسمى يكذّب في الله, على خاطر ما امنش بالشهادة اللي شهد بيها الله على ولدو.
11
و هاذي هي الشهادة: باللي الله عطانا حياة دايمة, و هاذي لحياة هي في ابن الله.
12
اللي كان الابن من نصيبو تكون ليه لحياة, و اللي ما عندوش نصيب في ابن الله ما تكونش ليه لحياة. ملاحظات ختامية
13
كتبت لكم هاذا لكلام, انتوما المومنين باسم ابن الله, باه تعرفوا باللي عندكم لحياة الدايمة, و باه تامنوا باسم ابن الله.
14
و الثقة اللي عندنا في الله: هي كي نطلبوا منو حاجة حساب المشيئة تاعو يستجيب لنا,
15
و كي نكونوا عارفين باللي راح يستجيب لنا في كل واش نطلبوا منو, نكونوا متهنيين باللي راح ننالوا واش طلبنا.
16
و اذا واحد منكم شاف خوه يغلط في غلطة ما توصلش للموت. يصلي لله باه يعطيه حياة هذا على الناس اللي ذنوبهم ما توصلش للموت. على خاطر كاين ذنوب توصل للموت. موش على هاذيك نطلب منكم تصليو.
17
كل اثم هو معصية, و كاين معصية ما هيش للموت.
18
نعرفوا باللي كل واحد مولود من الله ما يخطأش, بالصح المولود من الله يصون الله نفسو, و الشرير ما يمسوش.
19
و نعلموا باللي احنا من الله, و العالم كامل تحط في الشرير.
20
و نعرفوا باللي ابن الله جا و مدلنا بصيرة باه نعودوا نعرفوا الحق. و احنا رانا في الحق في ابنو يسوع المسيح. هاذا هو الاله الحق و لحياة الدايمة.
21
يا اولادي بعدوا على الاوثان. امين.