¹ الماكلة اللي يقدموها ذبيحة للاوثان و من جيهة الشيء اللي يتذبح للاوثان: معلوم باللي كلنا عندنا لفهامة. الفهامة تنفخ, بالصح لمحبة تبني. ² اذا كان واحد حاسب روحو باللي عارف حاجة او مازال ما عارف والو كيما لازم. ³ بالضح اذا كان واحد يحب الله, هاذا او معروف عندو. ⁴ من جيهة الماكلة تاع لحوايج اللي تذبحت للاوثان: احنا نعلموا باللي ما كاين حتى وثن في هاذا العالم, و باللي ما كاين حتى اله واحد اخر غير واحد. ⁵ على خاطر كان وجدت اللي تتسمى آلهة, كان في السماء و الا فوق لرض, كيما كاين آلهة ياسر و ارباب ياسر. ⁶ بالصح لينا احنا الله واحد: الاب اللي منو كل شيء, و احنا ليه. و رب واحد يسوع المسيح اللي بيه جميع الاشياء, و احنا بيه. ⁷ بالصح مش العلم عند الناس الكل. كاين ناس عتندهم ضمير من جيهة الوثن و همَا ياكلوا كيما اللي تذبح للوثن, و على خاطر ضميرهم ضعيف يتنجس. ⁸ على خاطر الماكلة ما توثلناش لله, كان كلينا ما عندنا ما نزيدوا و كان ما كليناش ما عندنا ما ننقصوا. ⁹ بالصح اتولهوا باه ما تكونش الحرية تاعكم هاذي فخة للناس الضعاف. ¹⁰ على خاطر لو كان واحد ما يعرفش و يشوفك قاعد تاكل في ماكلة تاع الاوثان, يتشجع و هو ضعيف و ياكل من الشيء تاع الاوثان؟ ¹¹ يولي خوك الضعيف اللي مات المسيح على جالو يتهلك بسبتك انت. ¹² و هكا تغلطوا في حق خاوتكم و تجرحوا شميرهم الضعيف, و تغلطوا في حق المسيح. ¹³ على هاذا اذا كانت الماكلة تطيح خويا ما ناكلش اللحم خلاص, باه ما نعثرش خويا.