¹ علاه مانيش انا رسول؟ مانيش حر أنا؟ علاه أنا ماشفتش يسوع المسيح ربنا؟ وانتم مش الخدمة تاعي في الرب؟ ² اذا كنت مانيش رسول للاخرين, أنا ليكم انتم رسول! على خاطر انتوما هما الختم تاع رسالتي في الرب. ³ هذا هو دفاعي عند اللي حاطين عليا بالعين: ⁴ بلاك تحسبوا بلي احنا ما عندناش الحق ناكلوا و نشربوا؟ ⁵ بلاك حاسبين ما عندناش الحق نجولوا باخت تكون زوجة لينا كيما الرسل لخرين و خاوة الرب و بطرس؟ وإلا ⁶ غير أنا و برنابا ما عندناش الحق باه ما نخدموش؟ ⁷ شكون اللي يتجند في حاجة و يكون مصروفو على حسابو هو؟ شكون اللي يغرس كرمة ومن فاكيتها ما ياكلش؟ شكون اللي يرعى رعية و من حليبها ما يشربش؟ ⁸ بلاك راني هنا نتكلم كيما انسان؟ و علاه ماشي حتى الشرع يقول هكا؟ ⁹ راه مكتوب في الشرع تاع موسى:" ما تحطش كمامة على فم الثوروهو يدرس". بلاك الله تهمو الثيران؟ ¹⁰ ولا ما قالش هذا على جالنا؟ راه مكتوب على جالنا احنا. اللي يحرث يحرث وهو يامل, و اللي يدرس يامل باه يكون شريك في الرجاء. ¹¹ اذا كنا أحنا زرعنا لكم حوايج روحية, يكون ياسر علينا نحصدوا منكم حوايج مادية؟ ¹² حتى لو كان كاين وحايد اخرين عندهم حق عليكم, مش أحنا اولى؟ بالصح أحنا ما استعملناش هذا الحق, و استحملنا كل شيء باه ما نكونوش عثرة لإنجيل المسيح. ¹³ علاه ما علابالكمش بلي اللي يخدموا في الحوايج المقدسة, ياكلوا من الهيكل؟ و اللي يلازموا المذبح يشاركوا في الذبايح؟ ¹⁴ و حتى هكذا ثاني جاء أمر ربي: اللي يخبروا بالإنجيل. من الإنجيل يعيشوا. ¹⁵ بالصح انا ما استعملت حتى حق من هذا. و لا كتبت هذا باه يولي عندي حق. على خاطر نخير نموت و ما يحكي حتى واحد عليا بحاجة موش مليحة. ¹⁶ و إذا كنت نبشر موش باه نَّعت روحي, بالصح على خاطرها حاجة لازمة عليا نديرها, و يا ويلي لو كان ما نبشرش. ¹⁷ ؤ إذا كنت ندير هذا بجونتي عندي أجر, بالصح إلا بالسيف عليا يولي كاين شكون وكلني على أمانة. ¹⁸ إمالا واش هو الأجر تاعي؟ حتى و أنا نبشر جعلت إنجيل المسيح بلا نفقة, و حتى ما استعملتش حقي في الإنجيل. ¹⁹ و أنا على خاطر حر نفسي من الناس الكل, جعلت نفسي عبد للناس الكل باه نربح ناس ياسر. ²⁰ وليت لليهود يهودي باه نربح ليهود. و للناس اللي تحت حكم الشريعة كي اللي راني كيفهم تحت الشريعة باه نربحهم. ²¹ و للناس اللي بلا شريعة كي اللي راني بلا شريعة -رغم اللي أنا مانيش بلا شرع الله, بالصح راني تحت شريعة المسيح - باه نربح اللي ماعندهمش شريعة. ²² وليت ضعيف للضعاف باه نربحهم, وليت لكل الناس كلشيء, باه كاش ما جماعة تتخلص. ²³ و هذا الشيء أنا نديروا على خاطر الإنجيل, باه نكون شريك فيه. ²⁴ ياخي على بالكم بلي اللي يشاركوا في السباق كلهم يجريو, بالصح غير واحد برك اللي يفوز؟ هكا انتم ثاني اجريو باه تنالوا. ²⁵ و كل واحد يجاهد تلقاه يسيطر على روحو في كل شيء. بالصح هاذوك تاع السباق يديو تاج يفنى, بالصح التاج تاعنا احنا ما يفناش, ²⁶ امالا انا نجري هكا كي اللي عندي ضمان. و هكا نتضارب كي اللي ما نضربش في الهواء. ²⁷ و نقمح جسمي و نذلو, باه مانوليش انا مرفوض بعد ما بشرت للخرين.