1
واما من جيهة الامور اللي كتبت لكم عليها: يكون مليح للراجل كي ما يمس حتى مرى.
2
بالصح على جال سبة الزنا, مليح كل واحد تكون عندو المرى تاعو, و كل واحدة يكون عندها راجلها.
3
على الراجل يمد لمرتو حقها اللازم,
4
وحتى لمرى ثاني تمد حق راجلها. لمرى ما عندهاش حق على جسمها بالصح راجلها هو اللي عندو الحق هاذا و حتى الراجل ما عندوش هو ثاني حق على جسمو بالصح مرتو هي اللي عندها الحق هاذا.
5
واحد ما يتعدى على الحق تاع لاخر, غير كي تكونوا متفقين, لمدة باه تفرغوا ارواحكم للصوم و الصلاة, و بعدها ترجعوا لعلاقتكم كيما موالفين باه ما يجربكمش الشيطان في النزاهة تاعكم.
6
بالصح هاذا الشيء انا نقولوا برك كيما نصيحة ما هوش امر.
7
انا ما دابيا الناس الكل كيما انا. بالصح كل واحد و الموهبة اللي مدهالو الله. كل واحد كيفاه.
8
بالصح نقول للناس اللي ما همش متزوجين و للناس الارامل, مليح لوكان يبقاو كيما انا.
9
بالصح الا ما قدروش يتحكموا في ارواحهم, يتزوجوا خير. على خاطر الواحد يتزوج خير من يبقى محروق.
10
بالصح الناس المتزوجين, نوصيهم, موش من عندي لكن من عند ربي, ما تفارقش لمرى راجلها,
11
و الا كان فارقاتو, تبقى بلا زواج, و الا تتصالح مع راجلها. و الراجل ما يخليش المرى تاعو.
12
اما الي بقاو, انا نقول لكم, ماشي الرب: اذا كان واحد اخ مؤمن و عندو مرتو ماهيش مآمنة, بالصح راضية تبقى معاه, ما يسمحش فيها.
13
و لمرى اللي راجلها ماهوش مآمن, بالصح هو راضي يبقى معاها, ما تسمحش فيه.
14
على خاطر الراجل اللي ماهوش مآمن يتقدس في مرتو المومنة, و لمرى اللي ماهيش مآمنة, تتقدس في راجلها المومن. و لو كان ما يكونش هكذا يوليو لولاد منجسين, بالصح ضرك راهم مقدسين.
15
بالصح اللي ما هوش مومن منهم و حاب يفارق, يفارق. الاخ و الاخت ما همش ملزمين في احوال كيما هاذي, وبالصح الله هو اللي نادى علينا في السلام.
16
على خاطر كيفاه تعرفي اختي لمرى بلي انتي تكوني سبة باه يتخلص راجلك؟ و لا كيفاه تعلم خويا الراجل بلي انت تكون سبة باه تتخلص مرتك؟
17
بالصح كل واحد, يمشي على حساب واش كتبلو ربي كيما ناداه. و هكا انا نوصي كل الكنائس.
18
اذا كان واحد ناداه ربي و هو مختن. ما يرجعش اغلف. و اذا كان واحد ناداه ربي وهو اغلف, ما يتختنش.
19
على خاطرما هيش حاجة مهمة لا الطهارة و لا غيرها, بالصح كي نحفظوا لوصية تاع الله.
20
كل واحد يثبت على الدعوة اللي دعاه الله عليها.
21
اذا ناداك ربي و انت عبد ما يهمكش. بالصح اذا كان قدرت تولي حر خيرلك تديرها.
22
على خاطر اللي ناداه ربي وهو عبد. يولي متحرر من عند ربي. و ثاني حتى الحر اللي ناداه ربي وهو عبد المسيح, راح حر بالرب.
23
راكم تشريتوا بثمن, ما توليوش عبيد عند الناس.
24
و كل واحد كيما ناداه الله يا خاوتي يثبت كيما راه مع الله, اللي ماهمش متزوجين و الارامل
25
بالصح للصبايا, ماعندي حتى حاجة من عند الرب نقولها فيهم, بالصح نمد رايي على خاطر ربي رحمني و جعلني امين.
26
انا نظن على حساب الضروف اللي نعيشوها ضرك, خير لو كان الواحد يكون هكذا:
27
اذا راك متزوج! ما تطلبش الانفصال. و اذا راك منفصل بلا مرى! ما تحوسش على مرى.
28
بالصح الا كان تتزوج ما تكونش غالط. و الا كان تتزوج الصبية ثاني ما هيش غالطة. بالصح هكذا يكون لهم ضيق في اجسامهم. وبالصح انا نحن عليهم برك.
29
يا خاوتي هذا واش نقول لكم: راه الوقت يٌقرب, على هذا الناس اللي عندهم نساء يتصرفوا كي اللي ما عندهمش,
30
و اللي يبكيو كي اللي راهم ما يبكيوش, و اللي يفرحوا كي اللي راهم ما يفرحوش, و اللي يشريو كي اللي راهم ما يملكوش,
31
و اللي عندهم في هاذي الدنيا كي اللي ماعندهمش. على خاطر هاذي الدنيا فانية.
32
و ما دابيا ما تكونوش مقلقين, اللي ماهوش متزوج يخمم في لحوايج تاع ربي و كيفاه يرضي ربي,
33
بالصح المتزوج يخمم في هموم الدنيا و كيفاه يرضي مرتو.
34
و المرى المتزوجة ما هيش كي الصبية: اللي ما هيش مزوجة تخمم في لحوايج تاع ربي و كيفاه تكون مقدسة روح و جسد. و المتزوجة تخمم في الدنيا و كيفاه ترضي راجلها.
35
هذا نقولو على جال الفايدة تاعكم, مش باه ندير لكم فخة, بالصح باه توصلوا للشيء اللي يليق بيكم و تخليو اهتمامكم كامل بربي وبلا تشويش.
36
بالصح اذا كان الواحد شايف بلي راه يغلط في حق روحو اذا كان فاتو الوقت, و شاف بلي لازم, خير يعمل واش حاب, على خاطر ما يغلطش كان تزوج.
37
بالصح اللي معول في قلبو, وماهوش مضطر, و يقدر يتحكم في روحو, و عول على هذا في قلبو باه يبقى بلا زواج, يعمل مليح.
38
أمالا, اللي يتزوج يعمل مليح, و اللي يبقى بلا زواج خير و خير.
39
لمرى مرتبطة بالشرع ما دام راجلها حي. بالصح اذا كان مات راجلها, هي حرة باه تتزوج بلي تحب, بالصح برك في الرب.
40
بالصح تكون مرتاحة لو بقات كيما راهي, حساب رايي. و نضن بلي حتى انا عندي الروح تاع الله.