¹ كيفاه يقدر الواحد منكم اللي عندو دعوة على خوه يروح يشارع عند الظالمين, و مش عند القدبسين؟ ² ما علابالكمش بلي القديسين هما اللي راح يحكموا على العالم؟ اذا كان العالم راح يتحكم عليه بيكم, كيفاه ما تكونوش قادرين على الشروعات الصغيرة؟ ³ ما علابالكمش بلي احنا راح نحكموا حتى على الملايكات؟ نبداو قبل بأمور هاذي الدنيا! ⁴ اذا كان عندكم شروعات في هاذي الدنيا, قعدوا آخرالناس في الكنيسية باه يكونوا هما الجواج! ⁵ و باه نزيد نحشمكم نقول. كيفاه هكا ماكانش بيناتكم حتى واحد حكيم, حتى واحد يقدر يقضي بين خاوتوا؟ ⁶ بالصح راه الخو يشارع خوه, و زيد عند الغير مومنين! ⁷ راه عيب كبير, على خاطر عندكم شروعات بيناتكم. علاش مالا ما تزيدوش تظلموا و خلاص؟ علاه ما تزيدوش تسرقوا؟ ⁸ بالصح انتوما تظلوا و تسرقوا في خاوتكم! ⁹ علاه ما علابالكمش بلي الظالمين ما يورثوش الملكوت تاع الله؟ ما تغلطوش. لا اللي زانيين و لا اللي يغبدوا في لوثان و لا اللي فاسقين ولا الي مأبونين ولا اللي شواذ, ¹⁰ و لا السراقين ولا الطماعين و لا اللي يسكروا و لا اللي يسبوا و لا اللي يخطفوا يورثوا ملكوت الله. ¹¹ و كاين ناس منكم كانوا هكذا. بالصح تغسلتوا, و زيد تقدستوا, و اكثر من هاذا تبررتوا بإسم الرب يسوع و بالروح تاع إلاهنا. مجدوا ربي في ابدانكم و في أرواحكم ¹² "الحوايج كاملة حلال عليا", بالصح مش كل الحوايج تليق بيا. "الحوايج كاملة حلال عليا", بالصح حتى حاجة ما تتسلط عليا. ¹³ الطعام للكرش و الكرش للطعام, و الله راح يفني هاذا و هاذاك. البدن ماهوش للزنا بالصح لله. و الله للبدن. ¹⁴ والله قوّم الرب من الموت, و راح يقيمنا احنا ثاني بالقوة تاعو. ¹⁵ ما علابالكمش بلي اجسادكم هي لعضاء تاع المسيح؟ كيفاه ندي انا اعضاء المسيح و نجعلها اعضاء زانية؟ حاشا! ¹⁶ كيفاه ما تعرفوش بلي اللي يلصق بواحدة زانية بولي جسد واحد هو و ياها؟ على خاطر يقول:" يكونوا لثنين جسد واحد". ¹⁷ و اما من لصق بربي يولي هو و ياه روح واحد. ¹⁸ اهربوا من الزنا. كل معصية يديرها الانسان هي بعيدة على البدن. بالصح اللي يزني يغلط في حق بدنو. ¹⁹ و الا ما علابالكمش بلي البدن تاعكم هو هيكل للروح القدس اللي راه فيكم, و اللي تمد لكم من عند الله و بلي راكم ما كمش ملك ارواحكم؟ ²⁰ على خاطرتشريتوا بثمن. مالا مجدوا الله في اجسامكم و في ارواحكم اللي هي لله.