¹ راه شاع لخبر بلي بيناتكم كاين زنى. و زنى كيما هذا ماكانش منو حتى في وسط الامم, بلي راجل منكم يعاشر في مرت باباه. ² و هكذاك راكم تنفخوا في رواحكم و تتكبروا, كان خير ليكم تنوحوا حتى يتنحى من وسطكم اللي عمل هذا الشيء؟ ³ و انا كان كنت غايب عليكم, بالصح راني حاضر معاكم بالروح, و كي اللي راني حاضر حكمت على اللي عمل هذا الشيء, هكذا: ⁴ باسم ربنا يسوع المسيح -كي تتلموا انتم مع بعضاكم و روحي معاكم مع القوة تاع ربنا يسوع المسيح - ⁵ يتسلم هذا الشخص للشيطان باه يهلك جسمو, بالصح الروح تاعو تخلص في النهار تاع يسوع. ⁶ الفخرة تاعكم ماهيش مليحة. علاه ما علابالكمش بلي "خميرة صغيرة تخمر العجينة كاملة؟ " ⁷ امالا نقيو من ارواحكم لخميرة لقديمة, باه تكونوا عجينة جديدة كيما راكم انتوما فطير. على خاطر الفصح تاعنا المسيح حتى هو تذبح على جالنا. ⁸ خلينا نعيدوا امالا ماشي بخميرة قديمة, و لا بخميرة الشر و لخبث, بالصح بفطير الامانة و الحق. ⁹ كتبت لكم في لبرية لولى باه ما تخالطوش الزانيين. ¹⁰ و مانيش خلاص نحكي على الزانيين تاع هاذا العالم, و الا الطماعين, والا السراقين, و الا اللي راهم يعبدوا في الاوثان, لو كان هكذا لازمكم مالا تخرجوا من العالم! ¹¹ بالصح انا هذا واش كتبت لكم: اذا كان واحد مسمي اخ و هو زاني و الا طماع و الا عابد اوثان و الا شتام و الا يشرب والا سراق, هاذوا باه ما تخالطوهمش و حتى الماكلة ما تاكلوش معاهم. ¹² على خاطر واش يهمني حتى نحاسب الناس اللي برى؟ ياخي انتوما تحاسبوا الناس اللي من الداخل؟ ¹³ اما اللي من بري الله هواللي يحاسبهم."امالا اعزلوا الخبيث من بيناتكم ".