¹ Пралален мере, ма ачовен мнозина учителя, като жанен, кай ка приеминас по-паро осъждение. ² Соскето саворе аме буте букиенде грешинас; а ковато на грешинел андо хоратиба, ов си съвършено мруш, способно те обуздаинел о цело телос. ³ Ако товас о юзди андо муя е грастенге, за те покоринен пес аменге, ащи иринас ленгоро цело телос. ⁴ Аке, о корабяда, макар те овен дики баре тай те овен тласкиме таро силна балваля, пак твърде цикне кормилоса иринен пес на кате мангел о кормчияс. ⁵ Чука и чип си цикни част таро телос, но бут хвалинел пес. Аке, съвсем хари яг кити бут вещвство тарел! ⁶ Тай и чип, кавка цело светос таро нечестие, си яг. Машкар амаре телесноне частиендар и чип си, която заразинел о цело телос тай тарел о цело кръгос амаре животоскоро, а коркори ой тарел пес таро пъкали. ⁷ Соскето секакво види зверовя, птицес, влечугя, тай морска животна укротинен пес тай укротена уле таро човечество; ⁸ но нисаво мануш нащи укротинел и чип; буйно зло си, пердо си смъртоносне отроваса. ⁹ Ласа благословинас е Девлес тай е Отцас тай ласа дас арманя е манушен, създиме е Девлеске ко подобие! ¹⁰ Таро също муи иклон благословения тай проклятия! Пралален мере, давка нана требе те овел чука. ¹¹ О извори мукел ли таро също отверстие гудло пани тай горчиво? ¹² Възможно ли си, пралален мере, и смокиния те биянел маслинес, или и лоза - смокинес? Чука също нанащи иек извори те дел лондо тай гудло пани. ¹³ Кова тумендар си мъдро тай разумно? Нека покажинел пере дела чрез по лачо животос, е кротостяса е мъдростякири. ¹⁴ Но ако си ан те сърцесте горчиво завист тай крамолничество, ма хвалинен тумен, та те хохавен против и истина. ¹⁵ Давка нанай мъдрост, която ухлел упрал, но си земно, животинско, бесовско; ¹⁶ соскето, кате иси завист тай крамолничество, оте иси бъркотия тай секакво канило варесо. ¹⁷ Но и мъдрост, която си упрал, англал всичко си чисто, после миролюбиво, кротко, умолимо, перди с милост тай лаче плодове, безпристрастно тай нелицемерно. ¹⁸ А о плоди е правдакоро сеинел пес мириеса таро миротворция.