¹ Тай чука, подражавинен е Девлеске сар любезна чада; ² тай живинен анди любов, сарто о Христос възлюбингяс амен тай прединяс Пес за аменге, сар приноси тай жертва е Девлеске за благоухание. ³ А блудство тай секакво нечистота или сребролюбие тена даже споменинен пес машкар туменде, сарто препел светиенде; ⁴ нито лажакере или чуче приказки, нито подигравкес, колато си неприлична букя, а по-лачес благодарение. ⁵ Соскето лачес жанен давка, кай нисаво блудники, или нечисто, или сребролюбцос (ковато си идолопоклоники) нанай лес наследство андо тагарипе е Христаске тай е Девлеске. ⁶ Никой тена хохавел тумен чуче думенца; понеже ашал далке букиенге авел о Божие гняви упрал о роди е непокорноненгоро*. ⁷ Тай чука, ма овен съучастникия ленге. ⁸ Чука като декана улен тъмнина, а акана синиен светлина андо Дел, живинен сар таро роди е осветлимененге*; ⁹ (соскето о плоди е Духоскоро състоинел пес андо всичко, ковато си благо, право тай истинно.) ¹⁰ Опитвинен ковато си благоугодно е Девлеске; ¹¹ тай ма участвинен андо биплодна дела е тъмнинакере, а по-лачес изобличинен лен; ¹² соскето давка, ковато гаравдунесте керен о непокорна, си лажаке те хоратинелпес. ¹³ А всичко, ковато изобличинел пес, ачол явно чрез и светлина; понеже секо варесо, ковато ачол явно, си осветлиме. ¹⁴ Далкеске си пендо: " Ухти ту, ковато совес, тай възкръснине таро муле, тай ка осветинел тут о Христос." ¹⁵ Тай чука, внимавинен лачес сар живинен, ма сар неразумна, а сар мъдра, ¹⁶ като използвинен* о благовремие, соскето о диеса си каниле. ¹⁷ Далкеске, ма овен безразсъдна, а проуминен сави си и Господно воля. ¹⁸ Тай ма макярен тумен моласа, о следствие колатар си разврати, а изпълнинен тумен е Духоса; ¹⁹ тай хоратинен туменге псалменца тай химниенца, тай духовна гиля, като гилябен тай възпеинен е Девлес ан тумаре сърцесте, ²⁰ като благодаринен винаги всичконаске е Девлеске тай е Отециеске андо алав амаре Девлеске о Исус Христос, ²¹ тай подчининен тумен иек авереске анди дар таро Христа. ²² Ромнялен, покоринен тумен тумаре роменге, сар е Девлеске; ²³ соскето о ром си шеро е ромняке, сарто о Христос си шеро е кангеряке (тай Ов си Спасители е телоскоро). ²⁴ Но сарто и кангери покоринел пес е Христаске, чука о ромня нека покоринен пес андо всичко пере роменге. ²⁵ Ромален, дехен тумаре ромниен, сарто о Христос възлюбингяс и кангери тай прединяс Пес за лаке, ²⁶ за те осветинел ла, сарто очистингяс ла е водноне тоибнаса чрез о словос, ²⁷ за те представинел ла Песке славно кангери, би петноскоро или бръчкакоро, или варесо подобно, но те овел свято тай непорочно. ²⁸ Чука си длъжна о рома те дехен пе ромниен, сарто пере теловя. Ковато дехел пе ромня, пес дехел. ²⁹ Соскето никой нисар нана намразингяс поро телос, а парварел лес тай грижинел пес леске, сарто о Христос е кангеряке; ³⁰ понеже синям частя Лескере телостар ( Лескере плътятар тай Лескере кокалендар). ³¹ "Далкеске ка мукел мануш пе дадес тай пе дая тай ка привържинел пес карик пе ромняте, тай о дуи ка ачон иек плът". ³² Давка си велико тайна; но ме хоратинав давка за е Христаске тай е кангеряке. ³³ Но тай туме, всекой тумендар, те дехел пере ромня, сарто пес; а и ромни те дарал пе роместар.