¹ Тай чука, ме, затворники е Девлеске, молинав тумен те живинен достойно за е званиеске, за колеске улен призвана, ² съвършеноне смирениеса тай кротостяса, е дълготърпениеса, като търпинен тумен иек аверес с любов, ³ тай стараинен тумен чрез и свръзка е мириескири те опазинен о единство е Духоскоро. ⁴ Иси иек телос тай иек Духос, сарто улен призвана карик иеке надеждате тумаре званиескири: ⁵ иек Дел, иек вяра, иек кръщение, ⁶ иек Дел тай Отеци саворенге, Ковато си упрал саворенде, чрез саворенде тай анде саворенде. ⁷ А секаске амендар диняс пес благодат според и мярка далкескири, ковато о Христос диняс амен. ⁸ Далкеске пенел: "Като възлезингяс учипнасте, лилас множество пленикия, тай диняс дарования е манушенге." ⁹ (А давка " възлезингяс" со авер значинел, освен кай уло тай (по-нангле) ухлило андо по-телуне тана е пувякере? ¹⁰ Кавка, Ковато ухлило, си о Също, Ковато възлезингяс по-упре таро саворе небеса, за те изпълнинел всичко.) ¹¹ Тай Ов диняс иек те овен апостола, авер пророкия, авер па благовестителя, а авер пастиря тай учителя, ¹² с цел те усъвършенствинен пес о светиес за е делоске е служениескоро, за назидание е Хрисовоне телоске; ¹³ жи кай аме саворе на ресас жи ко единство е вяраке тай о познаване е Божие Чавеске, андо пълнолетно мъжество, анди мярка е Христовоне пълнотаке; ¹⁴ за тена овас вече чаве, бутиме тай завлечиме всеконе балвалатар е учениеске, чрез е манушескири заблуда, андо лукавство, ко хохавне пирнипнадес; ¹⁵ но действаща истинно анди любов, те бариовас всичконасте анде Лесте, Ковато си о шеро, о Христосс, ¹⁶ Колестар о цело телос, сглобиме тай свържиме чрез о участие секоне съединениесте, според о съразмерно действие всеконе иеке частякоро, бариол тай изградинел пес анди любов. ¹⁷ Давка пенав тай заявинав андо Дел, тена постъпинен вече, сарто постъпинен о езичникия, според пере суетноне гогяса, ¹⁸ помрачиме андо разуми тай отстраниме таро животос е Девлеске ашал о невежество, ковато си анде ленде, тай ашал о закоравяване ленгере сърцеденге; ¹⁹ колато, нашалде чувство, предине пес ко сладострастие, те керен ненаситно секакво нечистота. ²⁰ Но туме на пенджаргиен чука е Христас; ²¹ понеже шунгиен тай синиен сикавде Лестар (сарто си и истина андо Исуса) ²² те нангион, относно о по-предишно тумаро поведение, о пурано мануш, ковато тлеинел андо хохавне страстия; ²³ тай те подновинен тумен таро обитаващо анде тумере гогяте Духос, ²⁴ тай те уриен тумен е неве манушеса, създиме ко образи е Девлеске анди правда тай святост колато си тари истина. ²⁵ Далкеске, като отчивен о хохаиба, хоратинен секой пе ближнонеса истина; соскето синям частя иек авереске. ²⁶ Гневинен тумен, но без те съгрешинен; о кам тена залезинел ан тумаре гневиесте; ²⁷ нито ден тан е бенгес. ²⁸ Ковато чоргяс, тена чорел вече, а по-лачес те трудинел пес, като керел пе вастенца варесо полезно, за те овел со отделинел калкескеда, ковато си анди нужда. ²⁹ Нисави гнило дума тена иклол тумаре мостар, а само ковка, ковато си лачо за назидание според и нужда, за те принесинел благодат каалкенге, колато шунен. ³⁰ Тай ма наскърбинен е Святоне Божие Духос, анде Колесте синиен запечатиме за ко диес е изкуплениескоро. ³¹ Всекакво огорчение, ярост, гняв, пишиба тай хулиба, заедно всеконе злобаса, те махнинел пес тумендар; ³² а овен иек карик авересте блага, милосърдна; простинен туменге иек авереске, сарто о Дел андо Христа простингяс туменге.