¹ Чавален, покоринен тумен тумаре родителенге андо Дел; соскето давка си право. ² "Почитине те дадес тай те дая"(ковато си и първо заповед обещаниеса), ³ " за те овел туке лачес тай те живинес бут бреша ки пув". ⁴ Тай туме, о дада, ма дразнинен тумаре чавен, а възпитавинен лен анди дисциплина тай наставление Господно. ⁵ Слуги, покоринен тумен тумаре земноне господариенге* дараса тай трепетиеса анди простота тумаре сърцеске, сар е Христаске. ⁶ Ма керен бути само якенге, сар манушеугодникия, а сар Христова слуги изпълнинен тари душа и Божие воля; ⁷ тай слугувинен лаче воляса, сар е Девлеске, а ма манушенге; ⁸ понеже жанен, кай секой, слугас или свободно, ка получинел таро Дел о също лачипе, ковато керел. ⁹ Тай туме, о господаря, постъпвинен също чука ленца, като въздържинен тумен заплахендар; понеже жанен, кай упрал лендеда, тай упрал туменде иси Господари андо небеса, анде Колесте нанай лицеприятие. ¹⁰ Най-после, овен крепка андо Дел тай анди сила Лескере могъществоске. ¹¹ Урявен тумен андо Божие всеоръжие, за те ащи устоинен мамуял о пирнипе е бенгескоро. ¹² Соскето амари борба нанай мамуял о рат тай и плът, а мамуял о началства, мамуял о властя, мамуял о всесветска управителя е тъмнинаке, мамуял о духовна силес е нечестиескере андо небесна тана. ¹³ Далкеске лен туменге о Божие всеоръжие, за те ащи противостоинен андо зло диес, тай като надвинен всичконасте, те устоинен. ¹⁴ Бешен препасиме е истинаса презал тумаре думесте тай урявде анди правда броненоне нагръдникиеске, ¹⁵ тай пиренца, урявде готовностяса чрез о благовестие е мириескоро. ¹⁶ А освен всичко давка лен о щити е вяракоро, колеса ка ащи мударен соси ягакере стрели е нечистивонескере. ¹⁷ Лен също о шлеми е спасениескоро тай о мечи е Духоскоро, ковато си о Божие словос. ¹⁸ Тай молинен тумен андо Духос ко всеко времес секоне молитваса тай молбаса, като овен бодра анде далкесте неуморноне постоянствоса тай молениеса за саворе светиенге, ¹⁹ тай за манге, тай като путрав мо муи, те дел пес манге словос, за те оповестинав дързостно и тайна е благовестиескири, ²⁰ за колеске синиом посланики андо оковес, те хоратинав за леске смело, сарто подобавинел те хоратинав. ²¹ А, за те жанен тумеда мере букиенге, тай сар синиом, сичко ка пенел туменге о Тихик, о любезно прал тай верно андо Дел служители; ²² колес бичалгиом жи туменде нарочно далкеске, те ахалон амаро състояние, тай ов те утешинел тумаре сърца. ²³ Мири е праленге, тай любов вяраса, таро Дел Отца тай о Дел Исуса Христа. ²⁴ Благодат те овел саворенца, колато искрено дехен амаре Девлес о Исус Христос. (Амин).