¹ А презал калке диесенде, като умножиненас пес о ученикия, възникнингяс ропоти таро гръцка юдея против о еврейска, за далкеске андо всекидневно раздаване е потребностиенге ленгере вдовицес уле пренебрегниме. ² Тогава о дешудуи свикинде саворе ученикиен тай пенде: Нанай лачес аме те мукас о Боже словос тай те прислужвинас ко софрес. ³ Тай чука, пралален, избиринен машкар туменде ефта жене одобриме характериеса, изпълниме е Девескере Духоса тай с мъдрост, колес те поставинас калка нуждес. ⁴ А аме ка постоянствинас анди молитва тай андо служение е словоскоро. ⁵ Тай давка предложение харешингяс целоне множествоске; тай избиринде е Стефанес - мруш, пердо вяраса тай Святоне Духоса, тай о Филип, о Прохор, о Никанор, о Тимон, о Пармена тай Николай, прозелити тари Антиохия . ⁶ Лен поставинде англал о апостоля; тай он, като молинде, пес положинде васта ленде. ⁷ Тай о Божие учение бариолас, тай о число е ученикиенгоро андо Йерусалим умножингиолас твърде бут; тай баро множество таро свещеникия подчининенас пес е вяраке. ⁸ А о Стефанес, пердо с благодат тай сила, керелас баре чудеса тай знамения машкар о народос . ⁹ Тогава десаве тари синагога, наречиме Синагога е либертиенциенгири тай таро киринейция тай о александрийся, тай десаве тари Киликия тай Азия, ваздинде пес тай спориненас е Стефанеса. ¹⁰ Но нанащине устоинен мамуял и мъдрост тай о Духос, коленца хоратинелас. ¹¹ Тогава сикавде манушен те пенен: Шунгям лес те хоратинел хулна думес против о Мойсей тай против о Дел. ¹² Тай подбудинде е народос , е старейшинен тай е книжникиен, тай като налетинде упрал лесте, долде лес тай анде лес ко синедриони, ¹³ кате поставинде хохавне свидетелен, колато пенде: Кавка мануш непрестанно хоратинел думес против кавка свято тан тай против о закони; ¹⁴ соскето шунгям лес те пенел, кай кавка Исус Назарянини ка разрушинел кавка тан тай ка изменинел о обредя колато о Мойсей прединяс аменге. ¹⁵ Тай саворе, колато бешенас ко синедриони, като задикле пес анде лесте, дикле лескоро муи, кай сине сар муи ангелескоро.