¹ Тай като он още хоратиненас е люденге, о свещеникя тай о началники е храмиескере стражакоро, тай о садукея але паш ленде, ² възмутиме, далкеске кай он поучинен е народос тай проповединен, андо алав е Исусеске, о възкресение таро муле. ³ Тай чука, товде васта упрал ленде тай поставинде лен телал стражате за ко следващо диес, соскето вече сине ират. ⁴ А мнозина колкендар, колато шунде о словос, повервинде; тай о число е повярвалоне мрушенгоро ресло жи ко панч хиляда. ⁵ Тай ко следващо диес кидисале андо Йерусалим о началникия ленгере, о старейшинес тай о книжникя; ⁶ тай о първосвещеники о Анна, тай о Каяафа, о Йоан, о Александър тай саворе, колато сине таро първосвещеническо роди. ⁷ Тай като поставинде е Петрес тай е Йоанес ко машкар, пученас лен: Саве силаса, или анде коле алавесте кергиен давка? ⁸ Тогава о Петрес, изпълниме Святоне Духоса, пенгяс ленге: Началникия е народоскере тай старейшинес , ⁹ ако изпитвинен амен авдиес иеке благодеяниеске, кердо немощноне манушеске, чрез состе ов сине изцелиме, ¹⁰ те жанен саворе туме тай саворе Израилева народос, кай чрез о алав на Исус Христос о Назаряни, Колес туме разпнингиен, Колес о Дел възкресингяс таро муле, чрез далке алавесте кавка мануш тергиол англал туменде здраво. ¹¹ Ов си о бар, ковато туме о зидаря презрингиен, ковато ачило шеро е ъгълескоро. ¹² Тай чрез никасте авересте нанай спасение; соскето нанай телал о небес авер алав, дадено машкар о мануша, чрез колесте требе те спасинас амен. ¹³ А он, като дикенас и дързост е Петрескири тай е Йоанескири тай забележиндесас вече, кай си неграмотна тай неучена мануша, чудиненас пес; тай пенджарде, кай сине е Исусеса. ¹⁴ А като дикле е изцелиме манушес, бешло ленца, нанаяс со възразинен. ¹⁵ Далкеске, като заповединде ленге те иклон аври таро синедриони, съвешиненас пес машкар песте, тай пененас: ¹⁶ Со те керас калке манушенге, соскето саворе ерусалимсконе жителенге си известно, кай бележито знамение ачило чрез ленде; тай нанащи опровергинас лен. ¹⁷ Но за тена разнесинел пес повече машкар о люде, нека заплашинас лен, за тена хоратинен вече никаске анде далке алавесте. ¹⁸ Тай чука, он викинде лен тай заръчинде ленге тена хоратинен нисар, нито те поучинен андо Исусово алав. ¹⁹ А о Петрес тай о Йоанес в отговор пенде ленге: Право ли си англал о Дел те шунас тумен, а ма е Девлес, разсъдинен; ²⁰ соскето аме нанащи тена хоратинас давка, ковато диклам тай шунгям. ²¹ А он, Като заплашинде лен отново, мукле лен, понеже нана жаненас сар те накажинен лен заради е люденге; соскето саворе славиненас е Девлес за далкеске со ачило. ²² Соскето о мануш, упрал колесте извършисало давка изцелително знамение, сине по бут таро саранда бреша. ²³ Тай като мукле лен, он але паш перенде, тай известинде всичко, ковато пенде ленге о главна свещеникя тай о старейшинес. ²⁴ А он, като шунде, издигнинде единодушно гласос карик о Дел тай пенде: Владико, Ту синян Дел, Ковато кергян о небес, и пув о морес тай всичко, ковато си анде ленде, ²⁵ Ту чрез о Свято Духос, чрез о муи Те слугаскоро, амаро дад о Давид, пенгян: " Соске разяринен пес о народос тай о племена намислинен суети? ²⁶ Опълчвинен пес е пувякере тагара тай о управникя наговоринен пес заедно против о Дел тай против Лескере Помазаникиесте." ²⁷ Соскето наистина о Ирод да, о Понтийски Пилат да, е езичникиенца тай о Израилева люде, кидисале калке градосте против Тере светоне Торо Свято Чаво о Исус, Колес помажингян, ²⁸ за те извършинен всичко, ковато Торо вас тай Тери воля определинде те ачол. ²⁹ Тай акана, Девла, дик ленгере заплашваня тай де Тере слуген те хоратинен Торо словос тай перди дързост, ³⁰ жи кай Ту простринес То вас те изцелинес тай те ачон знамения тай чудеса чрез о алав Тере святоне Торо Свято Чаво Исус. ³¹ Тай като молисале, потресингяс пес о тан, кате уле кидиме; тай саворе изпълнисале е Святоне Духоса тай с дързост хоратиненас е Девлескоро словос. ³² А о множество е повярвалоненгоро исине иек сърцес тай душа; тай ни иек лендар нана пенелас, кай варесо таро имоти леске си лескоро, но всичко сине ленге общо. ³³ Тай о апостола баре силаса свидетелствинде за е възкресениеске е Девлескоро о Исус; тай бари благодат почивинелас упрал ленде саворенде. ³⁴ А тай никой лендар нана уло андо лишение; соскето саворе, колато сине стопания нивенге или керенге, бикненас лен тай аненас и цена е бикиндескири, ³⁵ тай товенас ла ко пире е апостоленге; тай раззделас пес саворенге според кити сине лен нужда. ³⁶ Чука о Йосиф, наречиме таро апостола Варнава ( ковато значинел 'Чавоне увещениескоро'), левит, родом Кипар, ³⁷ като исинелес пув, бикингяс ла, ангяс о парес тай тогяс лен ко пире е апостоленге.