¹ Иек диес, като о Петър тай о Йоан жанас андо храми ко девето сахати, о сахати е молитваке, ² десаве пиравенас иеке манушес, куцо пе биянибнастар. лес товенас секо диес ко чука наречиме Красно вудар е храмиеске, те просинел милостиния колкендар, колато денас андо храми. ³ Ов, като диклас е Петрес тай е Йоанес, като ка денас андо храми, попросингяс те ден лес милостиния. ⁴ А о Петрес заедно е Йоанеса задиклас пес анде лесте тай пенгяс: Дик амен. ⁵ Тай ов задиклас пес анде ленде, като жарелас те получинел варесо лендар. ⁶ Но о Петър пенгяс: Среброс тай златос ман нанай ман; но со иси ман, давка дав тут: андо алав на Исуса Христа о Назаряни,(ухти тай пир. ⁷ Тай като долгяс лес таро десно вас, ваздингяс лес; тай ко сахати о пире тай о глезеня лескере добинде сила. ⁸ Тай ов, като хърпингяс, изправисало тай запиргяс; тай диняс ленца андо храми, тай пирелас тай хърпинелас, тай славинелас е Девлес. ⁹ Тай саворе люде дикле лес те пирел тай те славинел е Девле, ¹⁰ тай пенджарде лес, кай сине о също, ковато бешелас милостиняке ко Красно вудар е храмиеске; тай пердиле учудибнаса тай с удивление далкеске, со ачилосас леса. ¹¹ Тай понеже о изцелиме куцо мануш долелас пес ко Петър тай ко Йоан, он саворе люде смаиме стечинде пес паш ленде андо чука наречиме Соломоново притвори. ¹² А о Петър, като диклас давка, захоратингяс е народоске : Израиляни, соске чудинен тумен калке манушеске? или соске задикен тумен анде аменде, все едно амаре силатар или благочестиестар кергям лес те пирел? ¹³ О Дел Авраамово, Исаково, тай Яковово, о Дел амаре даденгоро, прославингяс пере чавес Исусес, Колес туме прединиен тай Колестар отречисален англал о Пилат, като ов решингясас те мукел Лес. ¹⁴ Но туме отречисален таро Свято тай Праведно тай като манглен те мукел туменге иеке убийцос, ¹⁵ мударгиен е Начинателиес е животоскоро. Но о Дел възкресингяс Лес таро муле, за колеске аме синям свидетеля. ¹⁶ Тай ко основание ки вяра андо алав Леске, Лескоро алав укрепингяс калкес, колес дикен тай пенджарен. Ва! Кайка вяра, която си чрез Лесте, диняс лес англал саворенде туменде давка съвършено састипе. ¹⁷ Тай акана, пралален, ме жанав, кай туме, сарто о началникя тумаре, кергиен давка таро незнание; ¹⁸ но о Дел далке начиниеса изпълнингяс давка, ковато предизвестингясас чрез о муя саворе пророкиенгере, кай Лескоро Помазаники ка пострадинел. ¹⁹ Далкеске покайнен тумен тай иринен тумен, за те заличингион тумаре безеха, тай те авен освежителна времена таро муи е Девлеске ²⁰ тай Ов те бичалел туменге о определено туменге Исус Христос , ²¹ Колес требе те приеминен о небеса жи ко време, като ка възтановингиол всичко, за колеске хоратингяс о Дел таро векос чрез о муя Пе святоне Пророкиенгере. ²² Соскето о Мойсей пенгяс: "Господ Бог ка въздигнинел тумен тумаре пралендар Пророки, сарто въздигнингяс ман; Лес шунен в всичко, со ка пенел туменге; ²³ тай всеко душа, която нанай те шунел калке Пророкиес, ка овел изтребиме таро люде". ²⁴ Тай саворе пророкя таро Самуил тай нате, кити хоратинде, тай он известинде калке диесенге. ²⁵ Туме синиен потомция е пророкиенгере тай наследникя е заветиескере, ковато о Дел кергяс амаре даденца, като пенгяс е Авраамеске: " Анде тере потомствосте ка благословинен пес саворе пувякере племена." ²⁶ О Дел ,като възкресинягс Пере Чавес , първо жи туменде бичалгяс Лес, за те благословинел тумен, като иринел секас тумендар таро нечистие тумаро.