¹ А анди Антиохийско кангери исине пророкия тай учителя: о Варнава, о Симеон, наречиме Нигер, о киринеицос Луций, о Манаин, ковато сине възпитиме заедно е четверовластникиеса о Ирод, тай о Савел. ² Тай като служиненас е Девлеске тай постиненас, о Свято Духос пенгяс: Отделинен манге о Варнава тай о Савел е букяке, колаке призовингиом лен. ³ Тогава, като постиненас тай молиненас пес, положинде васта упрал ленде тай бичалде лен. ⁴ Тай чука, он, бичалде таро Свято Духос, ухлиле анди Селевкия, тай отар отплувинде андо Кипър. ⁵ Тай като уле андо Саламин, проповединенас е Девлескоро словос андо юдеиска синагогес; тай исине лен о Йоанес за пумаре прислужникиеске. ⁶ Тай като пренакле о цело острови жи ко Пафос, аракле десаве магьосникиес, хохавно пророки, юдеини, ко алав Варисус, ⁷ ковато сине е управителеса о Сергий Павел, иек разумно мануш. Кавка о последно викингяс Варнава тай Савел тай манглас те шунел е Девлескоро словос. ⁸ Ама о магьосники о Елима (соскето чука превединел пес лескоро алав) противинелас пес ленге тай стараинелас пес те отвърнинел е управителес тари вяра. ⁹ Ама о Савел, ковато си о също Павел, изпълниме е Святоне Духоса, задиклас пес анде лесте тай пенгяс: ¹⁰ О, ту, пердо всекаквоне лукавщиненца тай всекакво коварство, бенгикано чаво, врагос всичконаске, ковато си право, нанай ли те престанинес те извратинес о права дрома е Девлескере? ¹¹ Тай акана аке, е Девлескоро вас си упрал туте; ту ка королос тай нанай те дикес о кам за известно време. Тай ко сахати пело лесте помрачиба тай тъмнина; тай ов лутинелас пес, тай роделас те водинелес декой таро вас. ¹² Тогава о управители, като диклас со ачило, повервингяс, смаиме таро Господно учение. ¹³ А о Павел тай лескири дружина, като отплувинде таро Пафос, але анди Перга Памфилийска; а о Йоан отделисало лендар тай ирисало андо Ерусалим. ¹⁴ А он занакле таро Перга тай ресле анди Антиохия Писидийска; тай ко съботно диес дине анди синагога тай бешле. ¹⁵ Тай палал о четиба е закониескоро тай о пророкия началникия е синагогакере бичалде жи ленде те пенен ленге: Пралален, ако иси тумен десави увещателно дума е люденге, пенен. ¹⁶ Тай о Павел ухтинило, махингяс вастеса, тай пенгяс: Израиланя тай туме, колато даран таро Дел, шунен. ¹⁷ О Дел калке израилсконе народоске избирингяс амаре даден тай възвисингяс е народос, като престоиненас анди Египетско пув, тай ваздиме мишцаса изведингяс лен латар. ¹⁸ Тай около саранда бреша водинелас лен тай парварелас лен анди пустиния. ¹⁹ Тай като изтребингяс ефта народовиен анди Ханаанско пув, разделингяс ленге ленгири пув те овел ленге наследство за около штаршел тай пинда бреша. ²⁰ Палал далкесте делас лен съдииес жи ко пророки о Самуил. ²¹ После мангле тагарес; тай и Дел диняс лен о Саул, о Кишово чаво, мруш таро Вениаминово племес, за саранда бреша. ²² Тай лес като махнингяс, ваздингяс ленге тагареске о Давид, за каске свидетелствинел, като пенел: " Араклом е Давидес, о Есеево чаво, мануш според ме сърцесте, ковато ка изпълнинел ми савори воля." ²³ Лескере потомствостар о Дел според Пе обещаниесте ваздингяс* е Израилеске Спасителес, о Исус, ²⁴ след като о Йоан, англал ов те авел, проповединелас о кръщение на покаяние целоне израилсконе народоске. ²⁵ Тай като свършинелас по дром, о Йоан пенелас: Според сарто мислинен, кова синиом ме? Нана синиом Ковка, Колес очаквинен; ама аке, авел палал манде Иек, Колеске на синиом достоино те развържинав и потини ко пире. ²⁶ Пралален, потомция таро Авраамово роди, тай колато машкар туменде даран таро Дел, аменге бичалгяс пес и вест далке спасениеске . ²⁷ Соскето о ерусалимска жителя тай ленгере началникя нана пенджарде Лес тай, без те ахаловен о пророческа думес, колато четинен пес секо събота, изпълнинде лен, като осъдинде Лес. ²⁸ Без те аракен анде Лесте варесо достойно мерибнаске, пак мангле таро Пилат те овел мудардо. ²⁹ Тай като изпълнинде всичко, ковато сине пишиме за Леске, лиле Лес таро каш тай положинде Лес андо мимори. ³⁰ Но о Дел възкресингяс Лес таро муле. ³¹ Тай Ов в продължение буте диесенде явинелас пес калкенге, колато възлизинде Леса тари Галилея андо Ерусалим, колато акана си свидетеля за Леске англал о народос. ³² Тай аме ангям туменге и благо вест е обещаниеске, диме амаре даденге, ³³ кай о Дел изпълнингяс лес упрал ленгере чадовиенде, като възкресингяс е Исусес; сарто си пишиме ко второ Псаломи: " Ту синян Моро Чаво, Ме авдиес биянгиом Тут." ³⁴ А кай възкресингяс лес таро муле, нисар вече тена иринел пес андо изтление, пенел чука: " Ка дав тумен о верна милостя, обещана е Давидеске." ³⁵ Соскето авере да Псаломиесте пенел: " Нанай те мекес Те Светециес те дикел изтление". ³⁶ Обаче о Давид след като анде пере поколениесте послужингяс е Девлескере намерениеске, засуто тай уло положиме пе даденде, тай диклас изтление. ³⁷ А Кавка, Колес о Дел възкресингяс, нана диклас изтление. ³⁸ Тай чука, пралален, нека те овел туменге известно, кай чрез Лесте проповединел пес туменге опрощение е безехенге; ³⁹ тай кай всекой, който верувинел, оправдинел пес чрез Лесте всичконастар, колестар нанащине оправдинен тумен чрез о Мойсеево закони. ⁴⁰ Далкеске внимавинен тена ресел тумен о пендо таро пророкя: ⁴¹ " Дикен, о презрителя, учудинен тумен тай погининен; Соскето Ме ка керав иек делос анде тумаре диесенде, делос, ковато нисар нанай те верувинен, те разкажинел да лес туменге декой". ⁴² Като иклонас песке тари юдейско синагога, о езичникя молиненас лен те проповединел пес ленге далка думес и следващо да събота. ⁴³ Тай като размуклас пес о събрание, мнозина таро юдея тай таро благочестива прозелития цидинде палал о Павел тай о Варнава; колато, като хоратиненас ленца, увещиненас лен те постоянствинен е Девлеске ки благодат. ⁴⁴ Анди следващо събота кидисало почти цело градос те шунел е Девлескоро словос. ⁴⁵ А о юдея, като дикле о множествос, пердиле с завист, опровергиненас давка, ковато хоратинелас о Павел, тай хулиненас. ⁴⁶ Но о Павел тай о Варнава хоратиненас дързостно тай пенде: Нужно сине те възвестинел пес първо туменге е Девлескоро слово, но понеже отчивен лес тай считинен тумен недостойна е вечноне животоске, аке, иринаман карик о езичникя. ⁴⁷ Соскето чука заповедингяс аменге о Дел, тай пенгяс: " Поставингиом Тут светлина е народоске, за те овес за спасение жи ко крайос е пувяке." ⁴⁸ Тай о езичникя, като шуненас давка, лошаненас тай славиненас е Девлескоро учение; тай повервинде саворе, колато сине отредиме вечноне животоске. ⁴⁹ Тай о Господно учение разпространинелас пес ки цело даика страна. ⁵⁰ А о юдея подбудинде е набожноне високопоставиме жувлен тай о градска първенци, тай като ваздинде гонение против о Павел тай о Варнава, изпъдинде лен пе пределендар. ⁵¹ А он отърсинде против ленде о прахос пе пирендар тай але андо Икония. ⁵² А о ученикия пердиле лошаласа тай е Святоне Духоса.