¹ Соскето жанас, кай ако арагиол амаро кер ки пув, и телесно скиния, иси амен таро Дел здание ко небеса, кер неръкотворно, вечно. ² Понеже анде далке кересте стенинас, като очаквинас те уряс амен амаре небесноне жилищеса, ³ стига само, урявде леса, тена аракловас нанге. ⁴ Соскето аме, колато синям анди каика телесно скиния, сар обремениме стенинас; ма кай мангас те нангиовас, но те уряс амен още по бут, за те овел о муликано погълнато таро животос. ⁵ А о Дел си, Ковато създиняс амен тъкмо далкеске, тай диняс амен о Духос андо залоги. ⁶ Тай чука, понеже винаги одързостинас амен, като жанас, кай жи кай синям кере андо телос, аме синям отдалечиме таро Дел ⁷ (соскето верувибнаса пирас, а ма дикибнаса), - ⁸ понеже, пенав, одързостинас амен, то предпочитинас те овас отстраниме таро телос тай те овас кере ко Дел. ⁹ Далкеске ревностно стараинас амен, било кере или отстраниме, те овас угодна Леске. ¹⁰ Соскето саворе требе те зачовас открита англал о Христово съдилище, за те получинел секой според со кергяс андо телос, било лачо или канило. ¹¹ Тай чука, като пенджарас и дар таро Дел, убединас е манушен; а е Девлеске синям позната, надявинаман още, кай тумареда съвестиенге синям позната. ¹² Далкеса нана препоръчинас амен туменге отново, а дас тумен поводи те хвалинен тумен аменца, за те овел тумен со те отговоринен колкенге, колато хвалинен пес далкеса, ковато си ко муи, а ма далкеса, ковато си андо сърцес. ¹³ Соскето, ако гелам жи ко крайностя, ов уло за е Девлеске; или ако умерено мъдрувинас, ов си ашал туменге. ¹⁴ Соскето и Христово любов принудинел амен, като разсъждинас чука, кай понеже иек муло саворенге, то саворе муле; ¹⁵ Ов муло саворенге, за тена живинен вече о живде за песке, а за Калкеске, Ковато муло тай възкресингяс за ленге. ¹⁶ Далкеске аме от акана наоте на пенджарас никас ки плът; ако пенджаргиям Христа ки плът, пак акана вече чука на пенджарас Лес. ¹⁷ Далкеске, ако си декой андо Христа, ов си нево създание; о пурано отнаклас; аке, (всичко) ачило нево. ¹⁸ А всичко си таро Дел, Ковато примирингяс амен Песа чрез (Исуса) Христа тай диняс амен о служение е примирениескоро, ¹⁹ демек, кай о Дел андо Христа примирингяс е светос Песа, като на вменинелас е манушенге ленгере прегрешения, тай кай поверингяс аменге о послание е примириескоро. ²⁰ Тай чука, тари Христово риг синям посланикия, сар кай о Дел чрез аменде умолинел; молинас тумен тари Христово риг, примиринен тумен е Девлеса, ²¹ Ковато аменге кергяс грешно* Колкес, Ковато нана жанелас безех, за те ачовас аме чрез Лесте праведна англал о Дел.