¹ Тай аме, като съдействинас е Девлеса, също умолинас тумен тена приеминен напразно и Божие благодат. ² Соскето пендо си: " Андо благоприятно време шунгиом тут, тай андо спасително диес помагингиом туке."; Аке, акана си благоприятно времес, аке, акана си спасително диес.) ³ Аме нисосте на дас нисави причина за съблазан, тена злословингиол амаро служение, ⁴ но андо всичко представинас амен, сар Божия служителя, баре зоралипнаса, андо скърбес, анди нужда, андо утеснения, ⁵ андо бичувания, андо панлиба, андо смутовя, андо трудовя, андо безсъния, андо неядения, ⁶ андо шужипе, андо благоразумие, андо дълготърпение, анди благост, андо Свято Духос, анди нелицемерно любов, ⁷ андо хоратиба и истина, анди Божие сила, чрез о оръжие е правдакере андо десно вас тай андо лево; ⁸ машкар и слава тай опозорение, машкар о хулиба тай и ппохвала; считиме сар измамникия, но пак истинна; ⁹ сар непозната, а пак лачес пенджарде; сар мерибнасте, а аке, живинас; сар накажиме, а ма умъртвиме; ¹⁰ сар наскърбиме, а винаги лошале; сар сиромася, но обогатяваща мнозинен; сар кай нищо нанай амен, но притежаваща всичко. ¹¹ О, коринтяни, о думес амаре карик туменде си откровена*, амаро сърцес бухлило. ¹² Туменге нанай тесно анде аменде, но анде туменде си тесно аменге. ¹³ Тай чука, за равноне отплатаке (сар чадоненге хоратинав), бухларен тумеда тумаре сърца. ¹⁴ Ма впрегинен тумен несходно е невярващоненца; соскето, саво общо иси е правда тай е беззакониес? Или саво общение иси е светлина тай е тъмнина? ¹⁵ Тай саво съгласие иси е Христас е Сатанаса*? Или саво съучастие иси е вярващонес е невярващонеса? ¹⁶ Тай саво споразумение иси е Божие храмиес е идоленца? Соскето туме синиен храми е живде Девлеске, сарто пенгяс о Дел: " Ка заселинаман машкар ленде тай машкар ленде ка пирав; тай ка овав ленге Дел, тай он ка овен Манге люде". ¹⁷ Далкеске: " Иклон машкар лендар тай отделинен тумен," пенел о Дел, " Тай ма допиринен тумен жи ко нечисто"; тай: " Ме ка приеминав тумен, ¹⁸ тай ка овав туменге Отеци, тай туме ка овен Манге чаве тай чая", пенел о Всемогъщо Дел.