¹ Далкеске, като нащине вече търпинас, араклам за лачес те мукен амен коркоре анди Атина; ² тай бичалгиям о Тимотей, амаро прал тай Божие служители андо Христово благовестие, те утвърдинел тумен тай те утешинел тумен относно тумари вяра, ³ за тена разколебинел пес никой калке скърбендар; соскето туме жанен, кай за далкеске синям определиме. ⁴ Соскето, като улам паш туменде, пенасас туменге предварително, кай ка претърпинас беди; ковато ачилода, сарто жанен. ⁵ Тай по дайка причина, като нащине вече те търпинав, бичалгиом те ахаловав за тумаре вяраке, тена изкусингяс тумен о изкусители тай амаро трудос те овел напразно. ⁶ Но акана, като о Тимотей ало паш аменде тумендар тай ангяс аменге лаче вестя за тумари вяра тай любов, тай кай винаги иси тумен лаче споменя за аменге тай манген те дикен амен, сарто амеда тумен, ⁷ тогава, пралален, паш савори амари нужда тай скръб, утешингям амен туменге ашал тумари вяра; ⁸ понеже аме акана живинас, ако туме бешен зоралесте андо Дел. ⁹ Соскето, сар ащи досдатъчно те благодаринас е Девлеске за туменге ашал и савори лошали, коласа лошанас за туменге англал амаре Девлесте? ¹⁰ Ират тай о диес молинас амен най-усърдно те дикас тумаро муи тай те допълнинас давка, ковато на ресел тумаре вяраке. ¹¹ А коркоро амаро Дел тай Отеци, тай амаро Дел о Исус дано опринел амаро дром карик туменде. ¹² Тай о Дел те керел те барион тай те преизобилствинен анди любов иек карик авересте тай карик саворенде, сарто амеда преизобилствинас карик туменде, ¹³ за те утвърдинел тумаре сърца непорочно анди святост англал амаре Девлесте тай Отеци паш о пришествие амаре Девлескоро о Исус саворе Лескере светиенца.