¹ Josefa wayaleta sisebenti sendlu yakhe, watsi, ''Cwalisa emasaka alendvodza ngekudla, lokulinani labangaletfwala, ufake imali yangamunye esakeni lakhe. ² Faka inkomishi yami, lena yesiliva, emnyango welisaka lalona lomncane, kanye nalemali bekumele atsenge ngayo.'' Lesisebenti senta njengobe Josefa ashito. ³ Kwase kuyasa, ase ayahamba lamadvodza, bona netimbongolo tabo. ⁴ Sebaphumile edolobheni kodwa basengakahambi kakhulu, Josefa watsi kulesisebenti sakhe, ''Sukuma ubalandzele, landzela lamadvodza, nase nibendlulile, utsi kubo, 'Niphindzisele leni lokubi ngalokuhle? ⁵ Akusiyo yini inglilazi lenatsa sikhulu sami, ingilazi laphengula ngayo? Nente lokubo, ngaloku lenikwentile.''' ⁶ Lesisebenti sababamba sasho lawo magama kubo. ⁷ Batsi kuye, ''Umphatsi wetfu ukhumelani emagama lanjena kitsi? Akbe khashane netinceku takho kwenta intfo lenjalo. ⁸ Bukani, lemali lesiyitfola emnyango wemasaka enu, sanikhipha eveni laseKhenani. Singayeba kanjeni isiliva negolide endlini yenceku yakho? ⁹ Uma munye wetfu atfolakala nayo, akabulawe, natsi futsi siyawuba tigcila tenu.'' ¹⁰ Lenceku yatsi, ''Nyalo akube njengemagama enu. Loyo letotfolakala kuye lengilazi uyawuba sigcila sami, bonkhe laba labanye angeke babe nelicala.'' ¹² Indvodza ngayinye yase iyagigima yehlisa lisaka layo, yase iyalivula. ¹¹ Lenceku yacinga. Wacala ngalomdzala wase ugcina ngalomncane, lengilazi yatfolakala esakeni laBhenjamini. ¹³ Base badzabula tembatfo tabo. Ngayinye indvodza yalayishela lidonki layo base babuyela edolobheni. ¹⁴ Juda nabomnakabo baya endlini waJosefa. Abesolo akhona, bafike baguca embikwakhe. ¹⁵ Josefa watsi kubo, ''Yini leniyentile? Niyati yini kutsi umutfu lonjengami uyaphengula?'' ¹⁶ Judah watsi, ''Singatsini kumphstsi wami? Singakhulumani? Singaveta njani kutsi simusulwa? Nkulunkulu sotitfolile tiphambeko tencekuyakho. Buka, sitigcila temphatsi wetfu, tsine kanye nalolo kutfolakale kuye lelikomishi.'' ¹⁷ Josefa watsi akubekhashane nami kutsi ngingenta njalo. Lendvodza lekutfola kale kuyo lenkomishi, ngiyo letoba sigcili sami, kepha nine labanye, hambini niye kubabe wenu ngekuthula.'' ¹⁸ Kepha Judah wasondzela kuye watsi, ''Mphatsi wami ngicela songiphe indlebe, ungayitfukutseleli inceku yakho, ngobe ufanana naFaro. ¹⁹ Mphatsi wami ubute encekwini yakho, watsi, ninaye babe nome bhuti?' ²⁰ Sitsite mphatsi wami, 'Sinaye bhuti, sewukhulile, futsi ukhona wasebhudzaleni bakhe, losasese muncane. kapha umnakabo washona, lolomuncane sewusele uyedvwa kunina, babe umukhonte kakhulu.' ²¹ Ubese wutsi encekwini yakho muletseni laphakimi ngitomubona.' ²² Emvakwaloko, sitsite kumphatsi wami, ' Lomfana ngeke asaze asuke kuyise, ngobe makangasuka kuyise uyise angafa nekufa.' ²³ Kepha utsite encekwini yakho, Umangabe umnakenu lomuncane angeti nani, angeke niphindze nibubone buso bami.' ²⁴ kwafika lapho sibuyela emuva kubabe inceku yakho, samutjela umlayeto wemphatsi. ²⁵ Babe wetfu watsi, Buyelani phindze, nisitsengele kudla.' ²⁶ Sabese sitsi, 'Angeke Sibuyele emuva. mangabe umnaketfu lomcane ahambanatsi, lapho singaya, ngobe angeke sibubone lobuso balendvodza mangabe umnaketfu loncane angahambi natsi.' ²⁷ Inceku yakho babewetfu utsite, 'Niyati kutsi umfati wami belekela mabili emadvodzana. ²⁸ Munye wabo wanyamalala ngatsi impela tilwane tasendle timudzaphudzaphutile wabatincetu, futsi angiphindzanga ngamubona.'' ²⁹ Nyalo manitsatsa nalona kimi, besewuvelelwa yingoti, nitangenta ngibulawe lusizi.' ³⁰ Nyalo, ngako ke, nangita esisebentini sakho lesingubabe wami, futsi lomfana angekho natsi, ngoba imphilo yakhe ibophene neyalomfana, ³¹ kutawukwenteka, nakabona lomfana angekho natsi, kutsi utawukufa. Tisebenti takho titakwehlisa tinwele takhe letimhlophe tesisebenti sakho lesingubabe wetfu ngebutsakatsaka. ³² Ngoba sisebenti sakho satidzela ngalomfana kubabe nagtsi, ' Nangingamletsi kuwe, lapho ngitakwetfwala lelicala kubabe ingunaphakadze.' ³³ Ngako ke, ngicela uvumele sisebenti sakho sihlale kunekutsi kusale lomfana abe sigcili semphatsi wami, uvumele lomfana enyuke kanye nabomnakabo. ³⁴ Ngoba ngingaya kanjani kubabe wami nangabe lomfana angekhho nami? Ngiyesaba kubona lobubi lobutokuta kubabe.''