¹ Somiso sasimatima ekhatsi eveni. ² Kwenteka ngaleskhatsi sebadle onkhe emabele labebawaletse ngephandle eGibithe, uyise wabo watsi kubo, ''Hambani futsi, sitsengeleni kudla.'' ³ Juda wamutjela, ''Lendvodza yasicwayisa kakhulu, ''Angeke nibubone buso bami, ngaphadle kwekutsi umnakenu unani'' ⁴ Uma utfumela umnaketfu natsi, sitowehla sikutsengele kudla. ⁵ Kepha umangabe ungamtfumeli, angeke sehle. Ngoba lendvodza yatsi kitsi, ''Angeke nibubone buso bami, ngaphandle kwekutsi umnakenu unani'' ⁶ Israyeli watsi, ''Ningiphetse leni kabi kangaka ngekutjela lendvodza kutsi beninalomunye umnakenu?'' ⁷ Batsi, ''Lendvodza yabuta imininingwane ngatsi nemndeni wetfu. Watsi, ''Usaphila yini uyise wenu? Ninaye yini umnakenu lomunye?'' Samphendvula ngendlela yalemibuto lena. Besingati ngani lokutsi angatsi, ''yehlisani umnakenu?'' ⁸ Judah watsi kuIsrayeli uyise wakhe, ''Tfumela lomfana nami. Sitosukuma sihambe kute siphile futsi singafi, tsine sobabili, wena, futsi nebantfwabetfu. ⁹ Ngitawuba sibambiso sakhe. Utangibamba ngiphendvule. Uma ngingamuletsi kuwe, ngimvete embikwakho, ngako utongitfwesa lelicala phakadze. ¹⁰ Ngobe kube asizange siphutise, impela nyalo ngabe sesabuyelemuva lapha kwesibili.'' ¹¹ Uyise wabo Israyeli watsi kubo, '''Umangabe kunjalo, nyalo yenta loku. Tsatsa lokunye kulemikhicito lencono talomhlaba etikwameni tenu. Yehlani nesipho kulendvodza - emafutsa neluju, netinongo, nemyrrh, nemantongomane epistachio nemaalmondi. ¹² Tsatsani imali lephindzeke kabili etandleni tenu. Lemali leyajikiswa nakuvulwa emasaka enu, iphatseni futsi etandleni tenu. Encenye bekuliphutsa.'' ¹³ Tsatsani futsi umnakenu. Sukumani futsi nibuyele kulendvodza. ¹⁴ Shengatsi Simakadze Nkulunkulu aniphe umusa embikwaledvodza, khona itewunikhululela umnakenu lomunye naBenjamin. Uma ngifelwe bantfwabami, Ngifelwe.'' ¹⁵ Lamadvodza asitsatsa lesipho lesi, futsi etandleni tabo batsatsa lemali iphindzeke kabili, kanye naBenjamin. Bavuka behlela eGgibithe bema embikwa Josefa. ¹⁶ Uma Josefa abona Benjamin anabo, watsi kulomgcini wendlu yakhe, ''Ngenisa lamadvodza landlini, hlabani silwane niyilungise, ngobe lamadvodza atuwudla nami emini.'' ¹⁷ Lomgcini wenta njengobe ashilo Josefa. Wawaletsa lamadvodza endlini yaJosefa. ¹⁸ Lamadvodza esba ngobe aletfwa endlini yaJosefa. Atsi, ''Kungenca yalemali leyabuyiselwa emasakeni etfu ngesikhatsi sicala kuletfwa ngekhatsi, kutsi angafuna litfuba lekumelana natsi. Angahle asibophe, asitsatse njengetigcila, atsatse netimbhongolo tetfu. ¹⁹ Basondzela kulomgini wendlu yaJosefa, bakhuluma naye emnyango walendlu, ²⁰ basti, ''Mphatsi wetfu, seta kwekucala kutotsenga kudla. ²¹ Kwasekuyefika, umasifika labesihlala khona, kutsi sivule emasaka etfu, futsi, nembala, yonkhe imali yendvodza beyingetulu ngekhatsi esakeni lakhe, imali yetfu igcwele ngesisindvo. Siyiletse emuva etandleni tetfu. ²² Lenye imali futsi sehle nayo engetandla teftu, kutotsenga kudla. Asati kutsi ngubani lofake lemali yetfu emasakeni etfu.'' ²³ Lomgcini watsi, ''Kuthula akubekini, ningesabi. Nkulunkulu wenu naloNkulunkulu weyise wenu, nguye lofake lemali emasakeni enu. Ngiyimukele imali yenu.'' Lomgcini, wabese uletsa Simeon ngaphandle kubo. ²⁴ Lomgcini wawangenisa lamadvodza endlini yaJosefa. Wabanika emanti, bageza tinyawo tabo. Wondla timbhongolo tabo. ²⁵ Balungisa tipho tekufika kwaJosefa emini, ngobe besebevile kutsi batawukudla lapho. ²⁶ Uma Josefa abuya ekhaya, balesta letipho lebetisetandleni tabo ngekhatsi endlini, futsi baguca phansi embikwakhe emhlabatsini. ²⁷ Wababuta ngekuphatseka kwabo watsi, ''Uyaphila yini uyise wenu, lendvodza lendzala lenakhuluma ngayo? Isaphila yini?'' ²⁸ Batsi, ''Sisebenti sakho uyise wetfu ukahle. Usaphila.'' Baguca phansi bamutjengisa inhlonipho. ²⁹ Uma aphakamisa emehlo akhe wabona umnakabo Benjami, idvodzana yenina wakhe, wase utsi, ''Ngulomnakenu lona lomcane lenakhuluma ngaye kimi?''' Wase utsi, '' Shengatsi Nkulunkulu angaba nemusa kuwe, dvodzana yami.'' ³⁰ Josefa waphutfuma waphuma kulelikamelo, ngobe abetsintsekile kakhulu ngemnakabo. Wafuna indzawo langakhala khona. Waya ekamelweni lakhe wakhala khona. ³¹ Wageza buso bakhe waphuma. Watibamba, atsi, ''Phakelani kudla'' ³² Letisebenti taphakela Josefa lucobo lwakhe nabomnakabo lucobo lwabo. EmaGibhithe lapho adla naye lucobo lwabo ngobe emaGibhithe abengeke adle sinkhwa nemaHebheru, ngobe loku kwakulihlazo kumaGibhithe. ³³ Labomnakabo bahlala dvute naye, litibulo ngendlela yekutalwa kwabo, futsi nalolomncane kakhulu ngekuhambisana nebusha bakhe. Lamadvodza amangala odvwana. ³⁴ Josefa wabatfumela ngeticheme tekudla, kusukela ekudleni lobekusembikwakhe. Kepha incenye yaBenjamin beyiphidvwe kasihlanu kwendlula kwabo bonkhe bomnakabo. Banatsa futsi bajabula kanye naye.