¹ Pa kabanta, nha ermons, bo kontenti na senhor. pa mi n'skribi bos di novu mesmu kusa i ka kansadu pa mi es kusa ta fasi bos pa bo manti suguru. ² Bo kuida ku katchuris; bo kuida ku mau obrerus; bo kuida ku mutilason. ³ Pabia a nos ku sedu sirkusidadu, pabia, anos kina dora Deus na spiritu no n'tchatamentu i na kristu Jesus, no ka konfia na kusa di karne. ⁴ Na bardadi, ami propi n'pudiba fiansa na karne, si alguin pesa kuma i ten konfiansa na karne, ami pudi ba fia muitu mas: ⁵ N'sirkunsidadu na oitavu dia, n'sedu povu di Israel, di djorson di Benjami, Ebreu de sangui, na parti di lei, ami un fariseu. ⁶ Pa npenho ku temba to ki pirsiki Igresa. Na ki ku ta fala repitu di justisa di lei, ami nka temba, kulpa. ⁷ kil ku seduba n'ganhunpa mi, n'konsideral suma un perda pabia di kristu. ⁸ Di factu gos ami n'konsidera tudu suma perda pabia di balor di kunhusimentu di kristu jesus, nha senhor. Pabia del ku n'bota tudu kusa. Ami n'konsideral suma un muntudu, pa npudi kanha na kristu. ⁹ Pa n'pudi odjadu unidu ku el. Nka na odja kuma ami justu pabia di kumpri lei, pabia des ami fasin justu pabia di nha fé. ¹⁰ Pabia des, kosi misti son kunsil, pa kunsi si podi di resureson pa toma parti na si sufrimentu ami misti parsi kuel na si mortu, ¹¹ di, kualker manera, pa n'pudi iankasa resureson di mortu. ¹² Nka na fala kuma iankasa dja sedu dja perfeitu. Ma ami na bai dianti pa pudi iankasa, ki kusa ku kristu Jesus tchoman pa el. ¹³ nha ermons, nka kuda kuma iankasal, dja ma un kusa ku na fasi:Na diskisi tudu ku n'fika pa tras na esforsa pa npanha kil ku stan dianti. ¹⁴ Ba bai pa alvu, pa npudi kumpri premiu ku Deus tchoman pa el na seu na kristu Jesus. ¹⁵ Anos tudu ku sedu maduru, no dibidi tene un mesmu manera di pensa.Si no pensa diferenti na kualker kusa, Deus ta bim revela bos el. ¹⁶ kontudu no manti firmi na kil ku no iankasa. ¹⁷ Nha ermons, bo bata remendan.Bo djubi di pertu kilis ku na ianda konformi n'semplu ku bo otcha na nos. ¹⁸ Pabia manga delis di kilis ku fala bos del gosi na ripiti bos ku lagrima, di kuma sedu indimigu di kruz di kristu. ¹⁹ Destinu di elis i pirdison. Pabia Deus di elis i se barika, se gloria i pa fase vergonha, bo otcha kuma elis e ta pensa na kusa des mundu. ²⁰ Ma no prasa sta na seu, nonde ku nona pera no salvadur, senhor Jesus kristu. ²¹ El i na muda no kurpu kaidu i fiaka pa i sedu un kurpu parsidu ku si kurpu gloriosu; pa si puder ki kontrola tudu kusa.