¹ Pabia des, nha ermons ku n'ama, ku nten saudadi dekis, nha alegria ku nha koroa, bo fika firmi na senhor, nha amigu ku n'ama. ² N'pidi pa Evódia ku Sintique pa i tene un mesmu pensamentu na senhor. ³ Na bardadi, na rokau tambi, nha fiel kumpanher di luta:pa bu djuda es mindjer, pabia elis e tarbadja ku mi na konta bon noba di salvason djuntu ku Clemente i ku utrus kumpanheris di tarbadju, ku tene nomi na livru di vida ⁴ Bo kontenti sempri na senhor; na ripiti:Fala bos bo kontenti. ⁵ Pa bo bondadi kumpridu dianti di tudu djintis.Pabia senhor sta pertu. ⁶ Kabo fadiga ku nada; ma na tudu bo orason bo pidi Deus pa kil ku bo prisisa del, bo pidi ku korson di gardisimentu. ⁷ I pa paz di Deus, passa riba di tudu bos intindimentu, pa i guarda bo korson ku pensamentu na kristu Jesus. ⁸ Pa kabanta nha ermons bo intchi di tudu ki sedu bardadi, ku tudu ku sedu di respitu ku tudu ku sedu djustu, ku tudu ku sedu puru, ku tudu ki sedu di bon fama, ku tudu ki sedu di bon, si i ten algun kusa mas mindjor, ku tudu ku merise nkabadu, bo pensa na es kusa. ⁹ Tudu ku bo prindi, ku bo risibi, ku bo obi ku bo odja na mi, ku n'sta na fasi i pa Deus da bos paz i pa i sta ku bos. ¹⁰ Nfika muitu kontenti na senhor, pabia dipus di manga di tempu bo torna mostra bo manera di kuida di mi; i ka kuma bo diskisi di mi pabia i ka temba manera pa bo pudi ba djudan. ¹¹ Nka na fala asin suma nten falta. Pabia nprendi sta kontenti na tudu situason. ¹² Nsibi pasa falta, nsibi tene tene tchiu di tudu manera na tudu kusa, nprendi manera di sta na fartura ou na mummentu difisil, na tene tchiu suma na falta. ¹³ Npudi tudu kusa na kil ku ta dan forsa. ¹⁴ Ma i bon manera ku bo djudan na difikuldadi. ¹⁵ Abos di Filipensis, bo sebi kuma na kunsada di konta bon noba,otcha nsai di Macedônia, nin un Igreja ka dan suporti si ka so abos. ¹⁶ Ate otcha ku ami n'staba na Tessalonika, abos bo mandan apoio pa nha nesessidadi mas di ki un bias. ¹⁷ I ka kuma ami na buska oferta, ma sin pa bo fruta sedu omentadu pa bo rindimentu. ¹⁸ Nrisibi tudu kusa, n'tene dja manga del.N'fika muitu kontenti.N'risibi tambi di Epafroditu kusa ku mandadu pa bos i sedu un kusa ku ta tchera sabi, i sedu un sakrifisio acentavel ku ta tchera sabi pa Deus. ¹⁹ Nha Deus pa i supri e tudu bo nesessidadi di Akordu ku se rikesa ku sta na kristu Jesus. ²⁰ I gosi gloria pa no Deus no pape pa sempri amém. ²¹ N'na manda tudu krentis ku sta na kristu Jesus. I ermons ku sta ku mi manda bos mantenha. ²² I tudu krentis n'manda bos mantenha; i purmeru i kilis ku sta na kasa di César. ²³ Fabur di sinhor Jesusm kristu ta sta ku bos na bo spiritu.